Meta “është çuditur” nga guximi i Berishës për të kandiduar për herë të tretë
Edhe Ilir Meta që e njeh mirë Berishën “është kapur në befasi” nga sjellja e këtij të fundit pas humbjes së zgjedhjeve. Një intervistë e tij për Ditën mbyllet me këtë argument. Gazetari e pyet: “Cilat janë sipas jush arsyet e radikalizimit të papritur të qëndrimeve nga ana e zotit Berisha?” Meta përgjigjet: “Këto kanë të bëjnë me mungesën e kulturës demokratike e reflektuar për fat të keq prej tij; të mos pranimit të humbjes…” Gazetai rindërhyn: “U duk se e pranoi fillimisht….” Meta e ka gati përgjigjen: “Ishte një pranim i imponuar për shkak të një humbje tepër të thellë, por natyrisht e ka të vështirë të pranojë rotacionin, të pranojë vendimin e drejtë dhe plebishitar të qytetarëve”. Gazetari ndërhyn për herë të fundit: “Duket sikur nuk është ende i ndërgjegjshëm për atë që ka ndodhur…” Dhe këtu Meta jep një konsideratë “të saktë”: “Në rast se do kishte qenë më i ndërgjegjshëm sigurisht nuk do të kishte kandiduar për herë të tretë për kryeministër”.
Re.Pu.
Add new comment