Kosovë: shamia në shkolla, do të vendosë Thaçi

Komisioni për Liritë Fetare, i ka rekomanduar Kryeministrit të Kosovës Hashim Thaçi të lejojë mbajtjen e shamive në shkollat fillore dhe të mesme. Komisioni vëtë është një krijim i Thaçit, por duket se po tenton t’i shpëtojë presionit duke ia kaluar topin Thaçit.

Ky rekomandim vjen, siç thonë anëtarët e Komisionit, pas përvojave të marra nëpër vende të ndryshme të BE-së, pa qartësuar shumë se cilat jnaë këto vende të ndryshme. Siç dihet, kohë më parë, Gjykata Kushtetuese e kishte shpallur të papranueshme bartjen e shamisë nëpër shkolla me arsyetimin se shteti i Kosovës është i ndërtuar mbi bazën e laicizmit, raporton Balkanweb.

Komisioni për liritë fetare i themeluar nga Zyra e Kryeministrit Hashim Thaçi, i ka rekomanduar kreut të ekzekutivit që të marrë vendim për ta hequr pikën 13 të nenit 4 të udhëzimit administrativ 06/2010 të marr nga Ministria e Arsimit, Shkencës dhe Teknologjisë, ku e ndalon bartjen e shamisë në shkollat e mesme dhe fillore të Kosovës.

Vetë Zëvendëskryeministri Hajredin Kuçi tha për Express se e di se ç’vendim do të marrë Kryeministri Thaçi.

k.c.