Edhe “peshku i madh i abuzimit” në ushtri, gjeneral Gjoka, shpallet i pafajshëm. Akuzohej për një dëm 6 mln lekë të reja, jo se vodhi, por se prishi një objekt të vjetër

Me të marrë detyrën në krye të ministrisë së Mbrojtjes, shkelja më flagrante që gjeti ministrja Kodheli ishte dëmi i komandantit të bazës ajrore të Kuçovës, general Syrja Gjoka, që u

arrestua me bujë nën akuzën e shpërdorimit të detyrës. Gjenerali akuzohej se kishte prishur disa objekte në Bazën Ushtarake të Kuçovës, në kundërshtim me ligjin. Procedura për prishjen e këtyre objekteve ka nisur në vitin 2011 dhe më pas shembja e tyre është realizuar në vitin 2012, kohë në të cilën zoti Gjoka mbante detyrën e Komandantit të Bazës Ushtarake. Sipas prokurorisë, dëmi i shkaktuar nga prishja e këtyre objekteve e kalon shumën e 6 milionë lekëve të reja. Sot Gjoka ka fituar betejën në gjykatë me Ministrinë e Mbrojtjes duke u shpallur i pafajshëm. Ndërkaq, abuzimet flagrante me dhjetra miliona (në euro) të ushtrisë që nuk dihet nga kanë shkuar, ende kanë mbetur pa përgjegjës.

a.k