Propozimi i shoqatës: Bileta e urbanit të bëhet 50 lekë

<p style="text-align: center;"><strong>ZMK KUNDËR RRITJES SË ÇMIMIT TË BILETAVE TË AUTOBUZËVE, Shoqata e Transportit: MAREVESHJE KARTEL! Autoriteti i Konkurences te hetoje</strong><br /><br /><br /><strong>ZMK i kërkon Bashkisë Tiranë që të mos pranojë kërkesën e kompanive të transportit për rritje të çmimit të biletës por kërkon privatizimin e linjës skandaloze Kombinat &ndash; Kinostudio</strong><br /><br /><br /><strong>Shoqata e Transportit Qytetës po shkel ligjin e konkurencës duke marrë rolin e negociatorit në një marëveshje kartel për rritje çmimi</strong><br /><br /><br />Zyra për Mbrojtjen e Konsumatorëve deklaron se kërkesa për rritjen e çmimit të transportit publik në Tiranë është krejtësisht abuzive dhe e pabazuar në normën shumë të lartë reale të fitimit në Tiranë. 2 ditë pas deklarimit për kërkesë për rritje çmimi të Shoqatës së Transportit Qytetës, vjen dhe reagimi i Zyrës për Mbrojtjen e Konsumatorëve e cila deklaron se çdo kërkesë për rritje çmimi e madhe apo e vogël është krejtësisht e pabazuar në asnjë arsye as ekonomike dhe as sociale. Norma e fitimit të kompanive të transportit publik është shumë e lartë pasi numri i pasagjerëve është shumë i madh dhe bëhet fjalë për një xhiro vjetore prej miliona dollarësh, një shifër kjo e pakrahasueshme me koston reale! Kompanitë kanë probleme me shërbimin e fatorinove por ky është një problem administrativ i brendëshëm i kompanive dhe jo i qytetarëve apo Bashkisë. Kompanitë kanë fitime të shtuara edhe nga reklamat dhe kjo i garanton një fitim maksimal.<br /><br />ZMK ka kryer studimet e saj në këtë fushë dhe rezulton jashtë çdo logjike kërkesa për rritje çmimi.<br /><br />ZMK konsideron se me përmirësimin e cilësisë së autobuzëve dhe të vetë shërbimit dhe orareve të tij si pasojë e mbikqyrjes së shtuar të Bashkisë Tiranë (të munguar për 10 vjet me radhë) që qarkullojnë në Tiranë është rritur tej mase numri i pasagjerëve që qarkullojnë duke rritur tej mase normën e fitimit.<br /><br />Siç është shprehur ZMK edhe në studimin e vitit 2008, Tirana ka një infrastrukturë rrugore kapilare që garanton fitim maksimal sepse garanton maksimumin e thithjes së pasagjerëve në çdo cep të Tiranës dhe vetë qyteti ka nevojë edhe për 7 linja të tjera autobuzësh për të kapur periferitë e shtuara duke vendosur një rrjet bashkëpunimi me komunat rreth Tiranës pasi qyteti po shkrihet me komunat përreth. Numri i pasagjerëve për linjë është më i madh se vetë numri i automjeteve të nevojshme çka garanton një normë shumë të lartë fitimi.<br /><br />Për këtë arsye dhe të tjera është e qartë se numri i shtuar i pasagjerëve është bën jo vetëm të panevojshme rritjen e çmimit të biletave dhe aboneve por bën plotësisht të mundur reduktimin e çmimeve drejt zeros për kategori të caktuara pasagjerësh si pensionistët dhe studentët.<br /><br />ZMK kërkon që Linja Kombinat &ndash; Kinostudio të zëvendësohet sa më shpejt me një linjë transporti privat pasi kjo linjë është gangrena e vetme e transportit publik në qytet si pasojë e abuzimeve të rënda prej 10 vjetësh nga Bashkia Tiranë në kohën që drejtohej nga Kryetari Rama.<br /><br />Në lidhje me pretendimet e Shoqatës së Taksive në Tiranë ZMK konsideron se lufta kundër informalitetit është e drejtë por edhe shërbimi taksi në Tiranë është shumë abuziv në lidhje me mospërdorimin e taksimetrit, abuzime të rënda financiare me konsumatorët, etj.<br /><br /><br />ZMK kujton se 7 muaj më parë organizoi një protestë kundër rritjes së çmimit të biletave të autobuzëve nga kompanitë e transportit qytetës dhe kjo u ndalua nga Bashkia Tiranë çka na bën të shpresojmë se do të bëhet përsëri.<br /><br />ZMK do të ndërmarrë aksione ligjore kundër çdo lloj rritje pasi kjo do të cënonte rëndë të drejtat ekonomike të konsumatorëve dhe ditën e Martë ZMK dorëzon pranë Autoritetit të Konkurencës një ankesë zyrtare për shkelje të ligjit të konkurencës bazuar në një marëveshje kartel të kompanive të transportit qytetës të realizuar nga Shoqata e Transportit Qytetës e cila po inkurajon dhe negocion marëveshje që synojnë rritjen e çmimit në treg në kundërshtim me ligjin.<br /><br />Kujtojmë se Autoriteti i Konkurencës, në Shkurt të këtij viti mori ankesën zyrtare të ZMK për marëveshje kartel të kompanive të sigurimit në lidhje me sigurimin e detyrueshëm të automjeteve dhe pas ditë më parë u deklarua se ankesa jonë ishte marrë parasysh dhe kishte filluar hetimi zyrtar i kësaj ankese.<br />&nbsp;</p>