Ndërtesa “Seferis” bëhet seli e konsullatës greke në Korçë

Postuar në 02 Prill, 2018 18:15

Selia e konsullatës greke në Korçë është bërë godina e njohur ndryshe si “Vila Seferis”. Punimet për restaurimin e ndërtesës neoklasike filluan në vitin 2017 dhe përfunduan në vitin 2018. Si në çdo qytet, ndërtesat janë një dëshmi e rrugëtimit të tyre historik,  identitetit të veçantë, social dhe kulturor. Ndërtasa e quajtur "Seferis" në Korçë manifeston pasurinë arkitektonike, por edhe rolin e elementit grek dhe ortodoks në fizionominë e qytetit.

"Godina Seferis" mban këtë emër për shkak të përdorimit të saj si Konsullatë e Përgjithshme, kur poeti nobelist Jorgos Seferis shërbeu si konsull i përgjithshëm, gjatë viteve 1936- 1937. Kjo është, një ndërtesë neoklasike e vendosur në qendër, në zemër të Korçës, në fillim të zonës pedonale të qytetit, dyqind metra nga katedralja Ortodokse, në afërsi të Bibliotekës së qytetit.

Një rezidencë mbresëlënëse me shkallë të mëdha mermeri dhe një kopsht me trëndafila ishte selia ku  në nëntor 1936 Jorgos Seferis edhi nga Athina për të shërbyer si diplomat. Në konsullatën e Korçës. Atje, poeti qëndroi për dy vjet dhe ka shkruar disa poezi të njohura. Ndërtesa historike, ishte  rindërtuar në fillim të shekullit të 20 nga mjeku Mihal Turtulli, i cili kishte studiuar në Athinë.

Gjatë periudhës së regjimit të Enver Hoxhës u përdor për qëllime shtetërore dhe partiake, ndërsa më pas shërbeu si selia e Partisë Demokratike në qytet. Në vitin 1997 ajo u shkatërrua nga zjarri, gjatë trazirave në Shqipëri. Një vit më vonë, godina u ble nga shteti grek nga atëherë Konsulli i Përgjithshëm, Nikos Vamvounakis.

Leja për reaturimin e ndërtesës u lëshua në shtator 2016. Ndërtesa ka tri kate dhe një sipërfaqe prej 650 m². Kostoja e projektit u mbulua nga donacionet e kompanive greke që operojnë në Shqipëri dhe diaspora greke.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.