presidenti

Ka një përpjekje që çështja “Lleshi” të banalizohet si aspekt llastimi i Presidentit të Republikës. Si tekë e tij për të imponuar një faktorizim fiktiv me shumicën e drejtuar nga Edi Rama, që i bën hije të gjithë Shqipërisë. Po flitet për Republikën e Bindjeve e të tjera terma të sforcuar kafenesh, që sipas disave kanë zëvendësuar Kushtetutën. Përsëritja e kësaj teze në fakt synon të likujdojë me një faturë mediatike për Ilir Metën atë që në fakt ishte karabushllëku i Edi Ramës.

Presidenti i Republikës ka paralajmëruar sot dekretimin e Sandër Lleshit/ajt në detyrën e ministrit të Brendshëm. Me një dekret të orës së fundit, Ilir Meta ka dekretuar nxjerrjen në lirim të Sandër Lleshajt, duke konfirmuar kështu zyrtarisht se kandidati i Edi Ramës ka qenë deri më tani ushtarak aktiv.

Presidenti njoftoi ditë më parë 14 pyetje për Ministrinë e Mbrojtjes të cilat kërkonin informacion për statusin e Lleshajt që më vonë bëri kërkesë për lirimin.

Pasi humbën betejën e argumentimit, mediat pranë pushtetit, por edhe kryeministri Edi Rama që sot tundi letra – përgjigje nga rrjetet sociale, i janë kthyer cilësive të Presidentit brenda individit Ilir Meta. Pra këto që po ndodhin me mosdekretimin e Sandër Lleshit, apo Lleshajt, lidhen me manovrat politike të Ilir Metës që është ai që është e të tjera.  Por demokracia është edhe lojë procedurash që janë garancia se instinktet personale do të mbahen të kufizuara brenda një korpusi rregullash. Për këtë arsye është e udhës që të renditen disa fakte rreth çështjes “Lleshi” apo “Lleshaj”:

Kryeministri Edi Rama ka nxituar paraditen e sotme t’i lehtësojë në maksimum punën Presidentit të Republikës, Ilir Meta, duke vënë në lëvizje çdo përgjigje që ka në dorë për zgjidhjen e ngërçit për ministrin e Brendshëm. 

Ja edhe kërkesa e zv.ministrit të brendshëm, Sandër Lleshi, për Presidentin e Republikës. Tani Presidenti është i lirë të zgjedhë intepretimin që do dhe në njërën rrugë a tjetrën, ta mbyllë procesin me dekretimin e ministrit të brendshëm, siç i'a kërkon Kushtetuta e Shqipërisë

Presidenti i Republikës Ilir Meta ka autorizuar publikimin e pyetjeve – josekrete – që i ka drejtuar Ministrisë së Mbrojtjes për Sandër Lleshin, për të cilin zyra e Presidentit përdor të dy mbiemrat. Janë gjithësej 14 pyetje të pubikuara sot ndërkohë që Kryeministria ka deklaruar se do të njoftojë sot Presidentin për kërkesat e tij. Në tesktin e njoftimit kreu i shtetit ka menduar që të përfshijë edhe këtë fjali:

Ish-kryeministri Sali Berisha ka sot gjatë një interviste për “Abc News” se emërimi në detyrën e zv.ministrit të Brendshëm të Sandër Lleshit është antikushtetues, antiligjor. Duke iu referuar ligjit për Këshillin e Ministrave dhe Kodit të Procedurave Administrative, Berisha tha se caktimi i tij bie ndesh me çdo normë juridike, çka e bën çdo akt të ndërmarrë këtej e tutje nul. Berisha u ka bërë thirrje të gjithë punonjësve të Forcave të Rendit të mos zbatojnë asnjë urdhër të Sandër Lleshit sepse ato nuk kanë bazë ligjore.

Kryeministri Edi Rama ka përcjellë sot kërkesën e dytë për dekretim të Sandër Lleshit në detyrën e ministrit të Brendshëm. Përmes një njoftimi në tuiter, Rama thotë se kërkesën e ka shoqëruar me një relacion shpjegues se përse duhet dekretuar ministri. 

Kryeministri i Shqipërisë Edi Rama doli sot në Parlament për të mbajtur ndër të tjera edhe leksion kushtetues të kompetencave të tij dhe të Presidentit. Sipas leximit të z. Rama dhe atyre që i kanë shkruajtur fjalën, Presidenti ka 12 kompetenca, mes të cilave asnjë për të Refuzuar propozimet e Kryeministrit për anëtarët e kabinetit qeveritar.

Cili është dimensioni personal i krizës së sotme mes Presidentit të Republikës dhe Kryeministrit? Është një pyetje që mund t’u përgjigjet deri diku spekullimeve të ditës së sotme se Presidenti po bën politikë në vend se të përfaqësojë tjetër gjë. Pra unitetin.

Në fakt çdo akt ka brenda diçka të natyrës politike. Por kur flasim në kuptimin e politikës që injoron  kontekstin institucional atëherë po që ka diçka shqetësuese.

Top-Channel raporton sot se kryeministri Edi Rama është shprehur në mbledhjen e Grupit Parlamentar të Partisë Socialiste se:

Presidenti Ilir Meta nuk ka dhënë asnjë arsye, por vetëm mosbindjen e tij” për dekretimin e Sandër Lleshit si ministër i Brendshëm. Ne nuk duhet të biem në këtë situatë që nuk është e jona. Ne duhet t’i dalim për zot situatës