Europa

Presidenti francez, Emanuel Macron në krye të një delegacioni të madh bashkëpunëtorësh dhe investitorësh ka vizituar Greqinë, të cilën e ka quajtur bashkëpunëtore të ngushtë të Francës në çështjet e Mbrojtjes, ato ekonomike dhe Europën e së nesërmes. 

Dje ambasadorja e BE-së në Tiranë, Romana Valhutin, u bëri të ditur shqiptarëve se pesë muajt e ardhshëm do të jenë kyç për të ardhmen e tyre europiane, për integrimin. 
 

Për çeljen e negociatave muajt në vijim do të jenë shumë të rëndësishëm, kyç. Është e qartë për të gjithë çfarë lipset që të ndodhë sa i takon 5 prioriteteve kyçe, por në veçanti lidhur me të gjithë aspektet e ligjit dhe në veçanti me luftën kundër krimit të organizuar, përfshirë asgjësimin e kultivimin e tregtisë së kanabisit

tha ajo. 

Presidenti francez Emmanuel Macron ka paralajmëruar se ai ka 10 pika për reformimin e BE-së pas Brexit. Mediat raportojnë se ideja e Macron për të ashtuquajturën reformë të BE-së nuk është e re, ajo riafirmon një Europë të shumë shpejtësive. 
 "Ne duhet të mendojmë një Europë me disa formate, të ecim më tej me ata që duan të shkojnë përpara, pa mbetur peng i shteteve që duan – dhe është e drejta e tyre – që të mos ecin aq shpejt apo të mos shkojnë larg”, tha ai në një takim me ambasadorët francezë. 
 

Kompozitori i njohur grek Mikis Teodorakis, një nga figurat e njohura të rezistencën antifashiste është përfshirë në debatin që provokoi vendimi i autoriteteve të Bashkmit Europian për të caktuar një Ditë Përkujtimore të viktimave të nazizmit dhe komunizmit. 
Në një letër drejtuar gazetës greke " Ta Nea", Teodorakis e quan të papranushëm përpjekjen për të vënë një shenjë barazimi mes dy ideologjive dhe çfarë ato përfaqësuar në Luftën e Dytë Botërore. Teodorakis flet për një amerikanokraci që ka imponuar memorandume, duke çuar Greqinë në buzë të katastrofës. 

Mendimet se Gjermania duhet të marrë një rol të ri global sa vijnë dhe shtohen. Kujtimet e Luftës së Dytë Botërore po hidhen pas duke i besuar sjelljes së këtij vendi sidomos pas bashkimit në vitet ’90. Anne Applebaum shkruante dje një ese në revistën “Der Spiegel” ku hedh idenë se Berlini duhet ta pranojë atë që duket sikur historia po ja shtron sërish si kërkesë.

Enriko Leta, ish-kryeministër i Italisë ka publikuar sot në Corriere della Sera një opinion mbi marrëdhëniet mes Italisë dhe Gjermanië dhe pasojat e tyre në sferën europiane. Leta i vlerëson çekuilibrimet e fundit në Europë edhe si rrjedhojë e asaj që e quan fundin e marrëdhënieve të privilegjuara mes Italisë dhe Gjermanisë, të cilat nisën me mirëkuptimin De Gasperi – Adenauer dhe vijuan gjatë në raportet mes demokristianëve në të dyja vendet.

Evropa meriton emërtimin "Kontinenti i Vjetër" pasi ka një popullsi me moshë mesatarisht më të madhe se kontinentet e tjera. Sot në Evropë ka rreth 32 pensionistë për çdo 100 punëtorë të moshës 20-64 vjeç, pra rreth tre punëtorë për një pensionist. Ky raport pritet të bjerë në dy punëtorë për një pensionist në mesin e shekullit të XXI.

Studimi thekson se sidomos Evropa Jugore kombinon shpopullimin me plakjen e popullsisë. Në vende të tilla si Greqia dhe Italia, ka një numër në rritje të atyre që lënë në tregun e punës për të dalë në pension, se të rinj që hyjnë në tregun e punës.

Ernesto Galli della Loggia shkruan sot një opinion në gazetën “Corriere della Sera” për situatën gjeopolitike të Italisë. Pesimizmi është dominues në vendin fqinj, ku prej kohësh ka humbur shkëlqimi i ideve të reja dhe energjia e dëshirës për ndryshim. Një politikë që nuk haset kund në Europë thjesht ka lodhur një shoqëri të tërë.

Me krizën financiare dhe problemet e migracionit në Europë, po del në sipërfaqe edhe çështja e demografisë. Suksesi i partive nacionaliste qëndron pikërisht mbi ndërtimin e këtij ankthi që në Europë është jo i vogël. Qasja ndaj problemit demografik është delikate sepse ushqen politika të ndryshme që jo rrallë e kanë çuar kontinentin në luftë, por fakti që aktualisht në Europë po ndodh një proces tjetërsimi në planin demografik kjo është e vërtetë që nuk ka pse të mohohet.

Në një opinion publikuar në “Project Syndicate”, Chris Patten, ish-komisioner i BE-së për punët e jashtme, flet për krizën morale të BE-së. Sipas tij politika e unionit po tregëton modelin e të mirave material për të humbur busullën e orientimit moral në një botë që ka përherë e më shumë nevojë për një Europë të fortë.

Patten, e cilësin këtë reduktim të projektit europian duke e quajtur “bashkim doganor I glorifikuar”, ndërkohë që vende si Kina, Turqia dhe më afër, Hungaria apo Greqia, po ofrojnë ose po lëvizin në kërkim të alternativave.