Slideri Kryesor

"Erdoganizimi dhe orbanizimi i Greqisë u përmbush”, tha ish-ministri i Financave Yanis Varoufakis, në reagimin e tij të parë ndaj rezultateve të zgjedhjeve parlamentare, të cilat e renditën në vendin e tetë partinë e tij, MeRA25.  

Varoufakis bëri përgjegjës për humbjen e së majtës lidershipin e SYRIZA-s, partia e udhëhequr nga Tsipras, e cila 2 vjet më parë e hodhi poshtë ofertën e tij për të bashkëpunuar në fushatë.  Sipas tij, ky refuzim solli si pasojë “një cunami të pabesueshëm konservatorizmi”.

Demokracia se Re ka shumicën e votave në Greqi, pas zgjedhjeve parlamentare të mbajtura sot. Megjithatë, sipas rezultateve paraprake kjo shumicë nuk do të jetë e mjaftueshme për të formuar qeverinë e re.

Me më shumë se gjysmën e votave të numëruara, Demokracia e Re konservatore ka epërsi me rreth 40.9%, duke mposhtur të majtën radikale Syriza, e cila qeverisi nga viti 2015 në 2019, që ka 20.1%.

Analistët thonë se partisë së Mitsotakis ka gjasa t’i duhen aleatë për qeverinë e re.

Bakhmut, qyteti në juglindje të Ukrainës, që për muaj të tërë u kthye në skenën e një beteje të ashpër, është tërësisht nën kontrollin e rusëve. Lajmin e dha fillimisht Ministria ruse e Mbrojtjes, e cila njoftoi se kjo u bë e mundur falë operacionit ofensiv të skuadrës Wagner, i mbështetur nga artilieria dhe forcat ajrore.

Pak minuta më vonë, edhe presidenti ukrainas konfirmoi humbjen e Bakhmutit, duke nënkuptuar se ajo që kanë në dorë rusët janë vetëm rrënojat e qytetit.

“Disa muaj në jetën time” është libri i fundit i Michel Houellebecq. Një novelë me nota autobiografike që rrëfen periudhën tetor 2022-mars 2023, të cilët autori i përshkruan si më të këqinjtë e jetës.

Fillimisht denoncimi, më pas i tërhequr, i Xhamisë së Madhe të Parisit për komentet e tij për myslimanët gjatë një interviste për revistën “Front Populaire” të Michel Onfray .

Më pas, akoma më keq, beteja e gjatë ligjore kundër Stefan Ruitenbeek, i cili e përfshiu shkrimtarin dhe gruan e tij Lysis në një film porno, pa pëlqimin e tyre.

Presidenti turk, Rexhep Tajip Erdogan, zgjodhi t’i shmangej një pyetjeje të CNN lidhur me një përpjekje të mundshme amerikane për ta larguar nga pushteti. I pyetur nëse beson se Uashingtoni po përpiqet ta rrëzojë atë, ai u përgjigj duke kritikuar presidentin amerikan Joe Biden se e shikon atë si diktator.

Si mund të jetë diktator dikush që shkon në balotazh në vend që të [fitojë] zgjedhjet në raundin e parë? Ky është realiteti.

Dyzet e dy vjet pasi u vendos në fasadën e Muzeut Historik Kombëtar, mozaiku “Shqipëria” ka marrë ngjyra të reja falë restaurimit të financuar nga një projekt i Bashkimit Europian. Vepra që mban autorësinë e Josif Drobonikut, Vilson Kilicës, Anastas Kostandinit, Agim Nebiut dhe Aleksandër Filipit përbëhet nga gurë me 123 nuanca dhe shtrihet në një sipërfaqe prej 565 m2.

Procesi i restaurimit mori dy vjet kohë dhe u krye me gurët e të njëjtës fabrikë në Venecia, ku u prodhuan gurët e origjinalit.

Anastas Kostandini tregon në MCN TV historinë e ndërtimit të tij.   

Gazmend Bardhi është kryetari i ri i grupit parlamentar demokrat pas dorëheqjes së Enkelejd Alibeajt një ditë më parë. Me 23 vota pro, mes të cilave edhe ajo e Lulzim Bashës, Bardhi do të drejtojë grupin parlamentar të asaj që njihet ndryshe si “PD e vulës”.

Mbushja e vakancës së lënë nga dorëheqja e Alibeajt nuk sjell asnjë shkrirje akujsh me pjesën tjetër të demokratëve. Rithemelimi njeh në të njëjtin pozicion Luçiano Boçin, i cili humbi garën për kryebashkiak të Elbasanit të dielën e kaluar.

Liderët e botës janë mbledhur këtë javë në Hiroshima për Samitin e G-7. Përfaqësuesit e vendeve më të pasura të botës do të diskutojnë mbi krizën globale të borxhit, ndërsa kriza e klimës është ende te dera.

Shumë gjatë, madje edhe sot, kam menduar dhe ende mendoj, se çfarëdo komenti dhe shkrimi rreth temave fetare veçse shtojnë kundërthëniet. Sidomos kur shkrimet dhe diskutimet rreth kësaj teme bëhen me gjuhë radikale, agresive, fyese, nënçmuese, prepotente, superiore ... nga cilado palë, në ç’mënyrë ushqehet radikalizmi i palës tjetër. Efekti përforcohet edhe më shumë kur ky lloj i diskutimeve bëhet nga persona publikë nëpër mediume të ndryshme.

Pjesëmarrja në nivelin 89 për qind, në një vend me popullsi rreth 90 milionë banorë, është një rezultat zgjedhor që i turpëron shumicën e demokracive liberale.

Turqia, natyrisht, nuk është një demokraci liberale. Shkeljet e të drejtave dhe lirive themelore të njeriut, një shtet ligjor i gërryer dhe një ndarje e shkatërruar e pushteteve nuk lënë vend për dyshime.