Slideri Kryesor

Vetë një ditë më parë kreu i grupit parlamentar socialist dhe numri 2 i PS-së, Gramoz Ruçi, u ka kërkuar deputetëve unitet në seancat plenare gjatë votimit të nismave të qeverisë. Sipas gazetës ‘Sot”, rrudhja e Partisë Socialiste në Parlament dhe mundësia e ndryshimit të balancave për shkak të krisjeve në koalicion ka qenë dje objekt diskutimesh në mbledhjen e grupit parlamentar. Ruçi ka paralajmëruar deputetët për të papriturat e situatave të vështira, ky paralajmërim jo në mbledhjen zyrtare të grupit, në praninë e mediave, por pas takimeve me deputetë të veçantë.  

Partia Demokratike ka akuzuar sot kreun e Arkivës së Shtetit, Gjetë Ndoji, duke publikuar me këtë rast një shkresë të firmosur nga ish-ministri i Rendit, Spartak Poçi, për lirimin para kohe të tij.  “Bëhet fjalë për Arkivin Qendror të Shtetit, ku çdo shtet serioz mban memorien kombëtare. Bëhet fjalë për Arkivin Qendror të Shtetit Shqiptar ku janë dokumentet e para qeverisë së Ismail Qemalit por edhe ato pas saj. Aty janë dokumente të vyera ku palët me çështje pronësie dhe të tjera, zgjidhin ose jo problemet e tyre.

“Problem janë mostakime dhe jo takimet”. Kështu është shprehur pas takimit me Shpëtim Idrizin, kreu i Lëvizjes Socialiste për Integrim, Ilir Meta. Një mesazh i qartë për kryeministrin Edi Rama, me të cilin Meta ka kohë që nuk ka marrëdhënie të qeta. Një ditë më parë, Idrizi ka paralajmëruar zgjedhje të parakohshme, sikurse do theksuar se para marrëveshjes së prillit 2013, Meta u përpoq për krijimin e një poli me PDIU-në.

Avokati i Popullit Igli Totozani ka folur në një intervistë për gazetarin Roland Qafoku, ku ka përgënjeshtruar në mëse një rast qëndrimet dhe deklaratat e kryeministrit Rama. Sipas Totozanit, Shqipëria këto dy vjet nuk ka pësuar ndonjë përmirësim të dukshëm, por ka vështirësi të mëdha të cilat nuk janë krijuar sot, por janë të shtrira në kohë. “Ka qytete që kanë vetëm një orë ujë në ditë dhe ky nuk është problem i qeverisë së majtë apo i qeverisë së djathtë. Mendoj se shqiptarët nuk jetojnë më mirë se dy vjet më parë”.

Edi Rama është takuar me homologun e tij grek, Aleksis Cipras në Nju Jork në kuadër të axhendave të shkurtra dhe të ngjeshura që kryejnë kryetarët e qeverive në kuadër të samitit vjetor të asamblesë së përgjithshme të OKB-së. Cipras pritej të vizitonte Tiranën, çka u anullua për shkak të zgjedhjeve të parakohshme në Greqi. Mediat greke kanë zbardhur bisedën. Sipas “To vima” kryeministri i Greqisë ka theksuar rëndësinë e zgjidhjes së çështjeve ende të pazgjidhura mes Shqipërisë dhe Greqisë mbi bazën e të drejtës ndërkombëtare dhe në frymën e respektit të ndërsjelltë.

U njoftua me të madhe se letra “Braho” për krerët e shtetit do të publikohej e se në të bëhej fjalë për paralajmërimin e një skenari destabilizues. Orët kaluan e letra mbeti ashtu siç edhe u lajmërua: sekrete dhe ndoshta “me zarar”. Arsyet nuk u dhanë nga ata që e lajmëruan publikimin, por gazeta “Dita” jep disa detaje që japin një version. Më poshtë raportimi i “Dita”:

Ajo që qeveria shqiptare e quan marrëveshje të mirëkuptimit me CEZ nuk është gjë tjetër veçse një formë tjetër e korrupsionit që kryeministri Rama thotë se po e lufton për të shembur fenomenenin e ngritur në sistem. Por tani që lufta politike mes palëve po i nxjerr të gjitha sheshit, dalin dhe arsyet e vërteta pse u tërhoq shteti shqiptar nga arbitrazhi me CEZ,  duke i falur kompanisë çeke plot 600 milionë euro fatura të papaguara ndaj KESH dhe OST. Kjo sipas pretendimeve të opozitës. 

Zhvillimet e fundit politike në Shqipëri po çojnë përherë e më shumë drejt idesë se një pjesë e politikës po “blen” hyrjen në Europë, duke bërë kurban një pjesë tjetër. Asociimi me Ivo Sanader të Kroacisë çalon jo pak, pasi në ndryshim nga Kroacia, Shqipëria është një vend ku institucionet e drejtësisë dhe të akuzës janë përgjegjëse sa politika për gjendjen e krijuar, sikurse i gjithë establishmenti politik është i zhytur në batakun e korrupsionit që gjeneron po vetë. E megjithatë ai mbetet sërish i referueshëm. 

Në ligjin e propozuar nga qeveria për “barnat dhe shërbimin farmaceutik” ka një moment tejet problematik që opozita e ngriti sot si shqetësim në Komisionin për Punën, Çështjet Sociale dhe Shëndetësinë. Propozimi i qeverisë kërkon të heqë kriterin e vendosur në ligjin aktual, i cili përcakton se për tregtim autorizohen "barnat e prodhuara në vendet e Ballkanit vetëm kur kanë marre autorizim për tregtim dhe qarkullojnë në vendin e tyre, si dhe në një nga vendet e BE".

Agjencia e Komunikimeve Elektroniko-Postare, AKEP  dhe kreu i saj Pirro Xhixho dyshohet se kanë dorë në deformimin e tregut të telefonisë celulare dhe favorizim të kompanive fantazma që kanë xhiruar miliona euro, përmes skemave jo transparente dhe të pakontrolluara. Për këtë institucion dhe kreun e saj ka dy denoncime, i pari vjen nga një prej operatorëve në treg dhe i dyti nga mediat.

Denoncimi nga komopania “Plus”