Slideri Kryesor

Kontroversial dhe shpeshherë i nënvlerësuar për shkak të deklaratave të cilësuara edhe “idioteske”, garuesi republikan për presidencën 2016 Donald Trump megjithatë bën disa pohime që të tjerët i përshpërisin. Më e fundit është deklarata se bota do të ishte një vend më i mirë, nëse diktatorët si Saddam Husseini i Irakut dhe Moammar Gadafi i Libisë do të ishin ende në pushtet. Deklarata e djeshme u bë gjatë një interviste në CNN, ku Trump duke e quajtur Irakun “Harvardi i terrorizmit”, tha se ky vend është shndërruar në një “fushë stërvitjeje për terroristët”.

Kushdo që është ndodhur para zgjedhjes “Blerje e një makine të re, apo marrje me qera afatgjatë e saj”, e di se alternativa e parë është më pak e kushtueshme (por që i do paratë në dorë). Në sagën e re të qiramarrjes afatgjatë të makinave Jaguar nga qeveria shqiptare, është e qartë se kostoja do të ishte më e ulët në qoftë se ato do të bliheshin, por paratë do të duhej të paguheshin në dorë.

300 mijë vendet e punës në 4 vjet është objektivi i shpallur i mazhorancës për  këtë mandat. Kanë kaluar dy vjet dhe Shqipëria ka njohur një valë të madhe emigrimi drejt vendeve të Bashkimit Evropian. Qeveria prezanton rreth 90 mijë vende pune të hapura dhe të formalizuara në gjysmën e mandatit të saj, por Banka Botërore vlerëson se papunësia tek të rinjtë është rritur me të paktën 1 për qind në vitin 2015.

Ka tejkaluar kufinjtë e një lajmi kronike dhe është bërë çështje mediatike e sociale, ku nuk kanë munguar dyshimet për arsyet të vërteta të vrasjes së 22 vjeçarit shqiptar Gjergj Gjoni nga Puka. Gjoni është vrarë pak ditë më parë nga një pensionist italian, Françesko Siçinjano gjatë tentativës për vjedhje në shtëpinë e tij. Kështu ka deklaruar autori, pensionist, dhe fillimisht lajmi është futur në hullinë e ngjarjeve të kronikës së zezë, pasi nuk kanë qenë të pakta ngjarjet e grabitjes së vilave me protagosnistë banda shqiptare.

Partia Demokratike denoncoi sot dhënien me konçesion për 25 vjet të hekurudhës Ballsh-Fier-Vlorë djalit të Valentina Leskajt me një vlerë tenderimi 200 mln dollarë. Ministria e Transporteve nuk sheh asgjë të paligjshme në këtë konçesion dhe ka sqaruar për shqiptarët pse këtë konçesion e fitoi djali i deputetes së Partisë Socialiste.

Sqarimi:

Rusia ka vendosur të informojë edhe publikun shqiptar për arsyet dhe ecurinë e operacioneve ushtarake në Siri. Përveë lajmërimit në murin e ambasadës, sot ambasadori rus në Tiranë, Alexander Karpushin, i ka dhënë një intervistë "Top-Channel", ku ka theksuar se operacionet janë në përputhje me parimet e të drejtave ndërkombëtare. Më poshtë materiali ashtu siç përcillet nga TCH: 

ABC News ka në dorë raportin e ekspertëve kontabël që kanë detajuar se cila është shuma që Kastriot Ismailaj ka përfituar nga kompania çeke CEZ shpërndarja, në formë pagesash për kompaninë e tij DIA. Pas studimit të materialeve që disponon prokuroria në lidhje me hyrje daljet e kompanisë DIA, del se CEZ brenda pak muajve i ka kaluar në llogarinë bankare Ismailajt rreth 650 mln lekë të reja.

Rreth 110 milion lekë të reja Ismailaj i ka tërhequr në cash nga bankat e ndryshme dhe një pjesë nga kjo shumë është përdorur për udhëtime dhe pushime.

Arben Ndoka ikën dhe në vend të tij vjen Eduart Ndocaj. Komisioni Qendror i Zgjedhjeve i dërgoi sot Parlamentit emrin e tij si zëvendësues i Ndokës, që dorëzoi mandatin më 7 shtator të këtij viti përmes një letre publike. Vendimi në KQZ e bën edhe më qesharake situatën pasi ai u mor me 4 vota pro dhe 3 kundër. Nuk dihet se pse është kundërshtuar nga 3 anëtarë marrja e mandatit nga Ndocaj, kur formalisht atij i takon. Sipas listës së PS-së në qarkun Lezhë, mandati i takonte Ndrec Dedajt, po ky i fundit nuk pranoi të japë dorëheqjen si kryebashkiak i Mirditës.

Me një vendim të ditës së sotme, Gjykata e Apelit ka pranuar kërkesën e ish-Prokurores së Përgjithshme Ina Rama për t’u kthyer në sistemin gjyqësor, në postin e barazvlershëm me atë që mbante në Krimet e Rënda para se të emërohej kryeprokurore. Ky vendim në fakt është parashikuar në ligj, por ndryshe kishte arsyetuar Këshilli i Lartë i Drejtësisë. Kështu gjykata ka rrëzuar vendimin e KLD-së, sipas të cilit, Rama, si çdo gjyqtar duhet t’i nënshtrohej konkursit nëse do të donte të punonte në një Gjykatën e Apelit.

Një raport i Kombeve të Bashkuara që trajton Progresin e Femrave për vitet 2015-2016 zbardh një fakt të rëndësishëm për Shqipërinë.  Ky fakt ka të bëjë me trajtimin me pension që i vendos femrat shqiptare në pozicion të diskriminuar, për shkak edhe të pjesëmarrjes së tyre më të ulët se burrat në tregun e punës. “Hendeku mes gjinive në përfitimin e pensionit ekziston edhe në vendin tonë, ku sipas të dhënave të raportit, 39 % e grave shqiptare nuk përfitojnë pension.