Slideri Kryesor

Akademia e Shkencave do të reformohet. Këtë ka paralajmëruar kryeministri Edi Rama gjatë takimit të 11-të të Institutit Alb-Shkenca. Duket se me këtë institut kryeministri ka vendosur të ndajë organizimin dhe përfaqësimin për samitin e Diasporës, nga i cili siç tha ai "nuk synohet të nxirren përfitime politike". Kryeministri nuk ka kursyer as sulmet dhe as direktivat për Akademinë e Shkencave, një institucion që ka humbur shumë nga autoriteti i dikurshëm.

Autoriteti i Mbikëqyrjes Financiare vijon për të disatën ditë që të ofrojë komedinë ku gjallojnë institucionet shqiptare. Autoriteti ka tërhequr urdhrin, apo rekomandimin për anullimin e vendimit të kompanive të sigurimit për të rritur tarifën e sigurimit për automjetet.

Me kalimin e reformës në drejtësi dhe sidomos të ligjit të vettingut, ka një mësymje propagandistike që e vendos qeverinë në pozicione epërsie të padiskutueshme për zgjedhjet. Pozicione që duken edhe më të logjikshme kur sheh sesi Ilir Meta e la masazhin me Arjanin e hotel “Grand” dhe iu drejtua për ndihmë masazheve nga kryeministri.

Kryeministri Edi Rama ka qenë në Shkodër për të parë ndeshjen Shqipëri - Marok. Edi Rama ka shfrytëzuar vizitën për të dhënë show para kamerave teksa ka debatuar me kryetaren e Bashkisë, Voltana Ademi për disa ndërtime rreth stadiumit. Nuk mungon tundja e kokës e atij që i vjen keq për nivelin e bashkëbiseduesit, metaforë kjo e Ramës për opozitën. E në çdo rast fasadomania nuk mbulon dot përgjigjen e munguar ndaj akuzës së Ademit për mungesë fondesh dhe varfëri.

Nga sondazhi më i fundit Washington Post/ABC News, rezulton se 59% e amerikanëve që janë regjistruar për votim kanë opinion negativ për Hillary Clinton-in. (Qytetarët amerikanë regjistrohen për votim në mënyrë vullnetare – ata që nuk duan të regjistrohen, nuk votojnë). Në të njëjtën kohë, 60% e amerikanëve që janë regjistruar për votim kanë opinion negativ për Donald Trump-in.

Miratimi në mënyrë të njëanshme i ligjit të vettingut imlë opozitës vetëm rrugën e ankimimit të tij në Gjykatën Kushtetuese.

Kompanitë e sigurimeve nuk pranojnë të ulin tarifën ndonëse Autoriteti i Mbikëqyrjes Financiare kërkoi anullimin e rritjes prej 30%.
“Kadri Morina, pronar i dy prej kompanive në këtë treg, thotë se çmimet nuk do të ulen. Ai shpjegon se risku që mbajnë mbi vete kompanitë është shumë më i madh në vlerë. Kërkesën e AMF-së për të rikthyer tarifat e mëparshme, ai e sheh si një orientim, por jo detyrim, për sa kohë që tregu është i liberalizuar”, raporton Vizion Plus.

Beniamin Netanyahu, kryeministër i Izraelit, thotë shpesh se rreziku dhe kërcënimi më i madh për vendin e tij është Irani. Aq sa jo rrallë Netanyahu ka bërë presion dhe lobim edhe në Washington për të orientuar politikën e Jashtme amerikane drejt qëllimeve të TelAvivit zyrtar. Por ish-shefi i shërbimit sekret izraelit, Tamir Pardo, larguar nga detyra në qershor të këtij viti, thotë se kërcënimi më i madh në fakt është potenciali i një lufte civile në Izrael.

Debati par burkinin, veshjen që mbajnë femrat myslimane në plazhe po kalon drejt qesharakes. Në Francë disa bashki vendosën ndalimin e burkinit në plazhe, në emër të barazisë gjinore, por është e qartë edhe në e ër të ndalimit të invadimit të një lloj kulture të huaj për Europën e sotme.

Ministria e Arsimit do të blejë 1900 abetar për fëmijët e diasporës. Gazeta “Shqip” shkruan sot se fondi i akorduar është 23 milionë lekë dhe përmes tyre do të blihen 1900 abetaret dhe 400 copë libra “Gjuha Shqipe 2” dhe 400 copë “Gjuha Shqipe 3”.