Slideri Kryesor

Mazhoranca aktuale nuk ka se çfarë të ofrojë tjetër për zgjedhjet në Dibër, përveç rrugës së Arbrit. Apk premtimit për ndërtimin e saj. Muharrem Rama, kandidati i koalicionit qeverisës në Dibër, është shoqëruar në takimet në fshatin Grevë nga ministri i Financave, Arben Ahmetaj, i cili ka përsëritur premtimin me garancinë se ai ka lejëtë e qeverisë.

Ligji për vettingun e gjyqtarëve dhe prokurorëve është kaluar sot në parlament pa votën e opozitës. Ky akt i rëndësishëm politik e legjislativ kreditoi krejt pa bazë një paradë deklaratash që provojnë krizën reale të vendit. Kryeministri nxitoi të shpallte soliditetin e koalicionit dhe rikthimin e drejtësisë në Shqipëri, ndërkohë që thjesht është hapur një proces i gjatë dhe i ndërlikuar.

Shërbimi Informativ i Shtetit ka mësuar fakte të reja në lidhje me trafikun e lëndëve narkotike dhe implikimin në këtë skemë edhe të kryepleqve të fshatit. ABC News ka mësuar se në raportin voluminoz që SHISH ka dorëzuar kohë më parë në Prokurorinë e Krimeve të Rënda, krahas dyshimeve për përfshirjen e zyrtarëve të policisë në kultivimin dhe mbrojtjen e parcelave të kanabisit ka denoncuar edhe disa administratorë të njësive.

Autoriteti i Mbikëqyrjes Financiare ka kërkuar nga kompanitë e sigurimeve të anulojnë vendimin për rritjen e tarifave të sigurimit për automjetet. Ky është qëndrimi i tretë i kësaj agjencie, pasi ditën e parë u dol me qëndrimin se tregu vetërregullohet. Mandej Autoriteti deklaroi se do të analizonte atë që po ndodhte dhe sot del me kërkesën për ulje.

Policia Rrugore gjatë një aksioni për heqjen e makinave ma karrotrec, në zonën pranë Zyrave të Regjistrimit të Pasurive në Tiranë, është konfliktuar me një qytetar, të cilin e kanë fyer dhe shtyrë, pasi ai kërkonte të merrte mjetin. Sipas Kodit Rrugor drejtuesit të mjetit i vendoset gjobë për parkim të gabuar, por i jepet e drejta ta largonte vetë mjetin përderisa ishte i pranishëm.

Në konferencën e vet përmes mediave sociale, Edi Rama, kryeministër i vendit, është pyetur edhe për të ardhmen e koalicionit PS-LSI. Edi Rama nuk ka gjetur dot një përgjigje më të mirë sesa kjo alibi që e bën ripërsëritjen e marrëveshjes 50 me 50.

PPartia Demokratike nuk do të bojkotojë seancën e sotme plenare ku do të diskutohet dhe votohet projektligji për vettingun. Seanca është paraprirë nga një konferencë e kryeministrit, zhvilluar në mediat sociale, përmes së cilës, Edi Rama, ka deklaruar se ligjet do të votohen edhe pa konsensusin e PD-së. Nga konsensusi si kushtëzim ka hequr dorë edhe LSI-ja e cila luajti rol thelbësor gjatë miratimit të ndryshimeve kushtetuese. Gjithsesi PD-ja do të jetë në seancë dhe kjo është bërë e ditur pas mbledhjes së Grupit Parlamentar të saj.

Myrvete Duka ishte viktima e parë e Landfillit të Sharrës. Ajo ka ndërruar jetë më 26 nëntor të vitit 2015 pasi u godit aksidentalisht nga një automjet që punonte në landfill. Tema tv ka biseduar këtë të hënë me familjarët e 46-vjeçares të cilët kanë treguar sesi ka ndodhur ngjarja tragjike.
Myrvete Duka, nënë e katër fëmijëve humbi tragjikisht jetën më 26 nëntor të vitit 2015 teksa punonte në Landfillin e Sharrës.

Ajo u godit aksidentalisht nga një automjet dhe për pasojë ka gjetur vdekjen e menjehershme.