Slideri Kryesor

Kelmend Balili është njeriu më i kërkuar i momentit për policinë shqiptare. Që prej shpalljes së urdhër-arrestit ndërkombëtar nga autoritetet greke nuk kanë munguar fotot dhe dëshmitë qe ai ka qarkulluar i lirë në Sarandë apo vendbanimin e tij në Stjarr të Delvinës. Një prej tyre është edhe një video e publikuar nga Lapsi. Al ku Balili shfaqet duke kërcyer në një dasëm në hotelin “Santa Quaranta” në pronësi të tij dhe vëllezërve Balili.

Shefja e politikës së jashtme të Bashkimit Evropian, Federica Mogherini tha në Uashington se shpreson që politikanët në Shqipëri të shfaqin unitet për zbatimin e reformës në drejtësi. Ajo vlerësoi votën unanime për reformën në drejtësi duke e quajtur miratimin, “një hap historik për vendin”. Por ajo tha se tani fokusi duhet të jetë tek zbatimi i saj.

Edward Snowden, ish-kontraktori i të Zyrës së Sigurisë Kombëtare së Shteteve të Bashkuara të Amerikës, që zbuloi shkallën e madhe të spiunazhit të Uashingtonit ndaj aleatëve  të tij e konsideroi skenarin sipas  të cilit Moska është duke negociuar dorëzimin e tij, si një dëshmi të fortë se ai kurrë  nuk ka bashkëpunuar me shërbimet e inteligjencës ruse.

"Më në fund: prova bindëse se nuk kam bashkëpunuar kurrë me spiunazhin rus. Asnjë vend nuk dorëzon bashkëpunëtorët, pasi të tjerët do të ndihen të frikësuar” -ka shkruar Snowden nw Twitter.

Barna të importuara në Shqipëri që prej vitit 2005 u gjetën të groposura në në shtratin e lumit në njësinë Zall Bastar në Tiranë. Denoncimi u bë nga emisioni investigativ “Stop” në Televizionin Klan. Agjencia Kombëtare e Barnave dhe paisjeve mjeksore thotë se barnat e gjetura janë futur në Shqipëri kontrabandë.

Parlamenti Evropian promovon rregulla specifike me qëllim shmangien e skandalit të tipit “Dieselgate”. Komiteti i Tregut të Brendshëm ka miratuar propozimet që do ta bëjnë shumë të vështirë mashtrimin me emetimin e gazrave të  automjeteve. Rekomandimet e Komisionit do të diskutohen në seancën e ardhshme plenare të Parlamentit Evropian.

"Pasuria ime s'ka asgjë të paligjshme", sqaron deputeti Alfred Peza. E siç mund ta dijë vetë ai, dyshimet mbeten, pse çështja ka shumë të panjohura. Deputeti shpreh besim te prokuroria teksa nuk i komenton hetimet e saj, ndonëse për organin e akuzës ka shumë pakënaqësi nga PS-ja. Këtu nuk shtrohet çështja për shkeljet ose jo të deputetit në fjalë, por për faktin se mungesa e transparencës si praktikë, edhe nga ish-gazetarë, provokon kësi ngjarjesh që lënë atë shijen e njohur se "këtu janë të gjithë". Pasi edhe miliarderët, sidomos majtas po dalin edhe aty ku nuk pritej.

Shkrimi i djeshëm në Washington Times, gazeta e dytë në Washington, ka pështjelluar Tiranën zyrtare dhe rojtarët e dritave të qeverisë. Ndonëse është një shkrim nga ata që duket se janë të lobuar për t’u botuar, sërish mendimi se një gazetë amerikane riprodhon të njëjtat akuza që ka sot Ilir Meta dhe Sali Berisha për Donald Lu, ka infektuar fillimisht apologjetët e ambasadorit amerikan. I pari në listë është padyshim Spartak Ngjela, statuset në Facebook të të cilit janë manifestime depresioni dhe deliri të programuara për t’u përcjellë si avokati serioze.

Pas Ministrisë së Jashtme maqedonase edhe presidenti I vendit, George Ivanov, ka deklaruar se disa vende fqinje po ndërhyrjnë në punët e brendshme të këtij vendi. Ivanov ka përcjellë këto shqetësime në takimin e tij me eurokomisionerin Hahn, duke kërkuar dënimin e akteve të tilla.

Jetojmë në kohë ku mund të thuash çdo gjë dhe sërish të shënjestrohesh si lider i suksesshëm. Marie Le Pen dhe Franca e kulturës që duket se po i rend nga pas janë një shembull i rrallë në këtë drejtim. Prej kohësh liderja e Frontit Popullor predikon daljen nga BE-ja të Francës, që do të ishte në fakt fundi i unionit, daljen nga Euro dhe rishikim të marrëdhnëieve ndaj Rusisë. Por kur vjen puna për të vendosur një standard pranimi të përgjithshëm për të huajt, Le Pen nuk shkon dot përtej BE-së që e konsideron vetiu si kufirin final ku fillon “Tjetri” për Francën.

Fondacioni Shoqëria e Hapur për Shqipërinë publikon sot atë që e quan Indeksi i Pandëshkueshmërisë  që sipas tij është shumë i lartë. Kjo bazuar në perceptimin e përgjithshëm që shkon deri në 94% të të intervistuarve.

“Lidhur me skenaret e propozuar mbi shkelje te ndryshme te zyrtareve, vihet re nje mungese besimi lidhur me ndeshkueshmerine e ketyre rasteve. Perjashtim ben ‘besimi ne ndeshkueshmeri per skenarin e akuzave per deputete te inkriminuar‘, me nje rritje prej 43 pikesh ne krahasim me 2014”, thuhet në këtë publikim.