Slideri Kryesor

Pikëpyetjet për të ardhmen e Maqedonisë shtohen për sa kohë kriza e thellë politike nuk po merr zgjidhje, pavarësisht presionit të madh ndërkombëtar kryesisht nga BE dhe SHBA. Skenari më paqësor do të ishin zgjedhjet e parakohshme, variant që nuk parashtrohet në analizat si të mediave apo dhe zyrtarëve dhe ish-zyrtarëve që e njohin mirë rajonin dhe çështjen në fjalë.  Kështu The Economist flet për një impenjim të ndërkombëtarëve dhe skenarave të luftës që artikulojnë mediat serbe, duke theksuar se rëndësia gjeopolitike është kthyer në rajon.

Pas Elvis Rroshit të Kavajës, Prokuroria e Përgjithshme kërkon ndërprerjen e mandatit për kryetarin socialist të bashkisë së Tepelenës Termet Peçi dhe atij të Poliçanit Adriatik Zotkaj. Sipas kryeprokurorit Adriatik Llalla të dy të zgjedhurit socialistë preken nga ligji i dekriminalizimit.

Mes katër emrave të propozuar për të zëvendësuar emrat e ministrave të larguar nga kryeministri, ai i Fatmir Xhafës ka tërhequr më shumë vëmendjen. Dhe në fakt këtë e ka bërë vetë mazhoranca, konkretisht PS-ja me mjetet e veta mediatike, duke dashur të sqarojë se atuja kryesore e Xhafës në detyrën e re është mbështetja ndërkombëtare. Madje i preferuari i tyre për të për rolin që ai presupozohet se pati në reformën në drejtësi.

Një grup njerëzish, pasardhës të serbëve, romëve dhe hebrejve që kanë vuajtur pasojat e regjimit filonazis të ustashëve të Paveliçit në Kroaci, gjatë Luftës së Dytë Botërore, kanë ngritur një padi në SHBA. Ata kërkojnë 3.5 miliardë dollarë kompensim për viktimat dhe dëmet e shkaktuara nga regjimi kroat i cili ngriti, drejtoi dhe administroi edhe kampe përqendrimi. Lajmi bëhet i ditur nga e përditshmja kroate, Vecernji List që thotë se akt padia e ngritur majin e vitit të kalur në Çikago, ka mbërritur në Zagreb përmes ambasadës amerikane.

Përmes Agron Tufës, i cili nuk la të zhvillohej një shfaqje letrare organizuar nga Ministria e Kulturës, kushtuar Diana Çulit, kësaj gruaje që ka dhënë ndihmesën e vet në vrasje njerëzish, u bë e para protestë publike ndaj një figure, përfaqësuese e shumë figurave të tjera, që i shërbyen me mish e me shpirt regjimit komunist, madje segmenteve më kriminale të tij dhe sot, në pas komunizëm, kërkojnë të jenë përsëri në qendër të vëmendjes, në krye të shoqërisë dhe politikës, të përfitojnë prej tyre dhe të japin mësime morali, kulture, lirie e demokracie.

Tingëllon e pabesueshme që një vend që përjeton periudhën më të vështirë ekonomike në historinë e tij pas Luftës së Dytë Botërore të ketë dërguar në Shqipëri gati gjysmë miliardë dollarë, por është e vërtetë. Në vitin 2015 ku përmes kontrolleve të kapitalit, grekët nuk mund të  përmbushnin angazhimet e tyre me kosto mbi 60 euro, emigrantë shqiptarë dërguan në Shqipëri remitanca që arrijnë në 480 milion $, sipas Pew Research Center.

Kryeministri ka bërë të njohur emrat zëvendësues në kabinetin e tij qeveritar pas përfundimit të mbledhjes së Kryesisë së PS-së. Katër njerëz të afërt me të që nuk ndryshojnë thuajse asgjë në panoramën e përgjithshme. Fatmir Xhafa caktohet ministër i Brendshëm, Ogerta Manastirliu, ministre e Shëndetësisë, Olta Xhaçka në Ministrinë e Mirëqenies Sociale dhe Eduart Shalsi, ministër për Çështjet vendore. Ata zëvendëosjnë Sajmir Tahirin, Ilir Beqjan, Blendi Klosin dhe Blendi Çuçin.

Nisma e presidentit të Kosovës për tranformimin me ligj, të Forcës së Sigurisë në Ushtri të Kosovës, duket se ka jo pak kundërshtarë. Thaçi nuk është tërhequr as pas sinjaleve të ardhura nga SHBA, disa prej të cilave u raportuan edhe në media, e duket se nuk ka ndërmend të kthejë pa provuar votimin në Parlament të ligjit të propozuar, por duke anashkaluar ndryshimin e Kushtetutës. Sot gazeta “Zëri” i ka marrë një prononcim një zyrtari të lartë të NATO-s, emrin e të cilit nuk e bën publik, i cili nënvizon se nisma e Thaçit bart rreziqe për sigurinë.

Kemi dëgjuar shpesh për krimin shqiptar anembanë Europës, Bashkimit Europian, mediat e të cilit nuk i lënë gjë mangut traditës më të errët të propagandës baltosëse. Por e vërteta statistikore, ajo policore dhe institucionale, qëndron ndryshe. Sipas një raporti të Europol për vlerësimin e kërcënimeve serioze të krimit të organizuar, në hapësirën e BE-së operojnë aktualisht 5 000 grupe ndërkombëtare të krimit të organizuar, nga 3 600 në vitin 2013.

Gjatë javës që sapo u mbyll, zhvillova një sondazh kombëtar, të komisionuar nga revista Follow Business Albania (http://www.followbusinessalbania.com/index.php/fba-polls/ ). Sondazhi u përqendrua tek inisiativa e opozitës shqiptare për bllokimin e zgjedhjeve, në rast se kryeministri Rama nuk pranon kërkesën e saj për qeveri teknike.