Slideri Kryesor

Ekipi që Basha hodhi në fushë për ndeshjen e 25 qershorit po pëson rrjedhje. Kandidatë që janë në vendet e poshtme të listës kanë dhënë dorëheqjen. Ramiz Çobaj kryetari aktual i Partisë Demokratike të Shkodrës është tërhequr nga kandidimi. si deputet në listën e PD Shkodër për zgjedhjet e 25 qershorit. Basha e ka vendosur të tetin në listën e kandidatëve, çka nuk është pranuar nga kreu i demoktarëve të Shkodrës Çobaj. Nga sa mësohet Çobaj nuk ka patur kontakte me Bashën pori vazhdon të mbajë postin e kryetarit të PD-së Shkodër deri në zgjedhjet e reja.

Partia Socialiste vazhdon fushatën e vet elektorale me kërkesën e votave djathtas për marrjen e 71 mandateve. Kryeministri Edi Rama, ka qenë sot në Elbasan, Peqin, Papër dhe Përrenjas ku ka përsëritur thirrjen për vota nga demokratët:

“Nuk mjaftojnë vetëm votat e njërës palë. Na duhen gjithë votat e demokratëve të arsyeshëm. Të gjithë njerëzve që dinë ta bëjnë dallimin midis nevojës për një punë të ndershme dhe votës për të punësuar Lulzim Bashën”, tha Rama.

Duket se Lista Basha është vërtet kështu: Lista Basha. Sulmet që po i bëhen sot kryetarit të PD-së për kandidatët që ka sjellë për deputetë imponojnë idenë se diçka është thyer në këtë parti mes të vjetërve dhe të rinjve. E me gjasë edhe marrëveshja e 18 majit ishte thjesht vendim personal i Bashës, askujt tjetër.

Me një opinion shumë kritik është shfaqur sot në media edhe Gjergj Lezhja, një njeri i pushtetit të Berishës, këshilltar për Sigurinë i Presidentit të Republikës, sipas të ciit Çadra dhe listat janë marrëzia e fundit e Bashës.

"Urdhri që kam lidhur me çështjen e emrit të Maqedonisë është çelësi që do të hapë derën për zgjidhjen e çështjeve të tjera të diskutueshme në rajon". Kështu deklaron ndërmjetësi i OKB-së për çështjen e emrit të Maqedonisë, Matthew Nimetz në një intervistë për gazetën Realnews.
Diplomati amerikan thotë se pret që të formohet qeveria e re në Shkup për të nisur "diskutimet serioze", duke dërguar një mesazh se zgjidhja e emrit kushtetues të Maqedonisë duhet të jetë prioritet në agjendën e qeverisë së re.

Presidenti i Republikës, Bujar Nishani, ka deklaruar dje senatorin amerikan Bob Dole me Dekoratën e Flamurit Kombëtar. Ceremonia u zhvillua në Washington dhe motivacioni është: 

Me mirënjohje të thellë dhe vlerësim të lartë shtetëror ndaj kontributit të çmuar dhe ndihmesës thelbësore dhënë për promovimin dhe zgjidhjen e çështjes kombëtare shqiptare, si dhe për lobimin në Senatin Amerikan në përkrahje të palëkundur të lirisë dhe Pavarësisë së Kosovës”.

Bota po ndryshon dhe me gjasë ky ndryshim në një të ardhme shumë të afërt do të ndihet me pasoja radikale te të gjithë. Sot në ShBA njerëz si Mark Zuckerberg, Bill Gates apo Elon Musk po paralajmërojnë se koha e robotëve po vjen edhe për tregun e punës duke imponuar zhvendosje në të mëdha në relacionet njerëzore dhe strukturën ekonomike. Kjo ëhstë sfida e brezit të ri të studentëve që në ndryshim nga prindërit e tyre nuk kanë më sigurinë e një karriere.

“Shqiptarët shkelën flamurin grek” ulërin – dhe krijon ide të gabuar – titulli mbi ekranin e vogël, ndërkohë që prezantuesja e kanalit televiziv transmeton lajmin në mënyrë melodramatike. “Shqiptarët hoqën dhe shkelën me këmbë flamurin grek” bien dakord dhe ngrenë zërin edhe portalet informative. Ku ideja e gabuar dhe ku “retorika patriotike”?

Ka ndërruar jetë në moshën 89 vjeçare Zbigniev Brzenzinski, ish-këshilltar për Sigurinë në Presidencën e Jimmy Carter në SHBA. “Një shërbyes publik i shkëlqyer”, e quajti Carter polako-amerikanin që hyn bashkë me Kissinger ndër njerëzit më me ndikim në mendimin politik të SHBA për çështjet e sigurisë.

Ish - ndërmjetësuesi i parë në krizën greko-maqedone, Robin O’Neill ka bërë thirrje për anëtarësim të shpejtë të Maqedonisë në NATO në interes të paqes në Ballkan. Duke folur për Radio Maqedonia e Lirë, O’Neill tha se “anëtarësimi i plotë i Maqedonisë në NATO do të luante një rol të rëndësishëm në sigurinë dhe stabilitetin e rajonit të Ballkanit".

Me t’u bërë anëtare, të gjitha idetë dhe orekset për vende më të mëdha dhe skenarët e tjerë do të humbasin vlerën

shtoi ai. 

Lista e kandidatëve të Partisë Demokratike publikuar mbrëmë natën nga kryetari Lulzim Basha ka provokuar debate. Largime të disa personazheve publikë, përfshirje aleatësh dhe emra krejt të rinj. Lista nuk ka sesi të befasojë më shumë sesa emrat e ministrave që Basha propozoi së fundmi. Ata janë ose njerëz të afërt me PD-në, ose ish-drejtorë, pra njerëz të parasë dhe pushtetit financiar të qeveirijes së Berishës, ose zgjedhje personale e kryetarit. Shikoni emrin e Grida Dumës në Tiranë dhe kujtoni për analogji sesi Elisa Spiropali përfshihet në listat e Korçës nga PS-ja.