Slideri Kryesor

Një akuzë për monopole ekonomike në Kuvendin e Kosovës ka prekur edhe Shqipërinë. Albin Kurti, kreu i Lëvizjes Vetëvendosja raportohet të ketë akuzuar vëllezërit Devolli për dominim të sektorit bujqësor në një nivel thuajse të kontrollit absolut.

“Devollët kanë krijuar monopol në shumë fusha. Ata po i shkatërrojnë fushat tona bujqësore dhe bujqit tanë s’kanë më leverdi të mbjellin për shkak të importit të grurit për ushqimin e kafshëve prej rezervave shtetërore të Serbisë e të cilat Devollët po ia sjellin jo vetëm Kosovës, por po ia çojnë edhe Shqipërisë.

"Wiener Library" publikon së fundmi katalogun e Krimeve të Luftës së hetuar nga Komisioni i Kombeve të Bashkuara, i ngritur në një takim mbajtur në Ministrinë e Jashtme britanike më 20 tetor 1943, pra përpara se vetë OKB-ja të legalizohej si strukturë kryesore e rendit ndërkombëtar. Komisioni u krijua me përfaqësim të disa qeverive, konkretisht 17: Australia, Belgjika, Kanadaja, Çekosllovakia, Danimarka, Franca, Greqia, India, Luksemburgu, Hollanda, Zelanda e Re, India, Norvegjia, Polonia, SHBA, Britania e Madhe dhe Jugosllavia.

Kryeministri turk Binali Yildirim ka paralajmëruar opozitën se thirrja e protestave pas rezultateve të referendumit është e papranueshme. Associated Press citon kreun e qeverisë të jetë shprehur se opozita ka të drejtën të depozitojë ankesat e veta për referendumin që i dha presidentit Erdogan kompetenca të reja duke ndryshuar në thelb strukturën e shtetit. Sipas Yildirim shtegu për kërkimin e të drejtave duhet të kufizohet në ankesat ligjore duke eliminuar kështu një të drejtë si ajo e protestës.

Kërkesa e  PS-së dhe LSI-së për shtyrjen e afateve për regjistrimin e koalicioneve, ka provokuar reagime nga disa anëtarë të KQZ-së. Në interpretimin e vetëm të ligjit, anëtarët, disa prej tyre, kanë përcjellë mendimin se kjo nuk mund të bëhet. Kryeministri Edi Rama e cilësoi këtë hap, krejtësisht tinzar dhe që heq edhe atë pak era shtet që kishte filluar të na zinte të gjithëve, si një shprehje të vullnetit të mirë ndaj PD-së. E cila nga ana e vet nuk ka vonuar por ka përpiluar edhe ajo një letër drejtuar KQZ-së.

Ministria e Financave, Banka e Shqipërisë dhe Autoriteti i Mbikëqyrjes Financiare kanë nënshkruar një memorandum që ka për objektiv uljen e përdorimit të monedhave të huaja dhe qarkullimin më të madh të monedhës vendase, Leku-t.

Abuzime me donacionet, me tenderat, blerje pa fatura tatimore. Janë këto disa prej shkeljeve ligjore të konstatuara nga një auditim i kryer nga Ministria e Financave në Ambasadën tonë në Turqi.Sipas raportit ambasada nuk ka zbatuar procedurat ligjore dhe nënligjore në fushën e prokurimit publik për blerjet për mallra, shërbime apo punë të ndryshme. Pagesat janë kryer kryesisht me arkë dhe pjesërisht me bankë, ndërkohë që në mandat pagesat e arkës nuk ka nënshkruar personi që ka tërhequr paratë.

Ata që shpresonin se Erjon Veliaj nuk do të dilte sot në media, u zhgënjyen. Kryetari i Bashkisë së Tiranës, ka prezantuar atë që e quajti vetë: Portali i Transparencës. Emri tregëtar: “Open Data”.

“Besoj se asnjë shoqëri nuk është rrëzuar nga tepria e informacionit. Sot jemi në një situatë që nuk besoj se do i vijë dëm bashkisë. Vetëm njerëzit kur kanë informacion të bollshëm mund të marrin vendime si për qytetin ashtu edhe për familjen, unë jam njeri me ambicie ndaj e dua Tiranën të parën për transparencën “, tha Veliaj.

Konflikti në Izrael ka tjetërsuar edhe vetë strukturën sociale të shtetit përveçse e ka ekspozuar atë përkundrejt një armiqësie permanente nga vendet arabe. Tri ditë më parë gazetari i njohur Gideon Levy shkrunate një opinion në gazetën “Haaretz” me titull: “Nakba jonë” i cili merrej me luftën e vitit 1967 të cilën Izraeli e fitoi. Titulli sugjeron një fatkeqësi të madhe për hebrejtë, e krahasueshme me eksodin e madh të palestinezëve në vitin 1948 – Nakba – ku nga vendi u larguan 700 mijë njerëz.

Telenovela rozë me darka peshku dhe gjeagjëza politike mbi të ardhmen e partneritetit politik Rama-Meta përtej kureshtjes po afekton edhe procedurat që mbajnë në këmbë të ashtuquajturin shtet shqiptar, duke ekspozuar edhe me letra mungesën e seriozitetit të atyre që qeverisin këtë vend. Sekretarët e dy partive të koalicionit për Shqipërinë Europiane i janë drejtuar me një letër Komisionit Qëndror të Zgjedhjeve, ku i kërkojnë që në kundërshtim me Kodin Zgjedhor të shtyjë me dy muaj afatin e regjistrimit në KQZ të partive politike dhe koalicioneve për zgjedhjet e 18 Qershorit.

“Lufta për pushtet fiton mbi demokracinë – Shqipëria shpërdoron shanset e saj”

Ky është titulli i një shkrimi të shkurtër, publikuar dje në “European Western Balkans”, një faqe e afërt me Brukselin dhe që ka për autore, Sarah Wohlfeld, zyrtare në Këshillin Gjerman për Marrëdhëniet me Jashtë në Qendrën “Alfred von Oppenheim” për Studime Politike Europiane.