Slideri Kryesor

Edi Rama dhe Lulzim Basha janë në marrëveshje për ndryshime Kushtetuese pas zgjedhjeve, reformë zgjedhore dhe një qasje të unifikuar qeveri-opozitë për integrimin Europian të vendit. Na u tha se kjo marrëveshje hap një faqe të re në kulturën politike të vendit, ku sipas kryeministrit në detyrë pas zgjedhjeve takimet me kryetarin e opozitës do të jenë periodike dhe informuese në funskion të një zëri të unifikuar për çështjet e afrimit me BE-në.  

Constantine Mitsotakis, ish-kryeministri i Greqisë, ka ndërruar jetë në moshën 99 vjeçare. Një nga figurat kryesore të politikës greke të viteve ’80-’90, Mitsotakis rridhte nga një familje me lidhje të forta dhe ndikim politik. Në të dyja krahët e tij, Mitsotakis kishte lidhje gjaku me Elefteros Venizellos. Ai u bë deputet në vitin 1946 dhe vijoi si I tillë deri në vitin 2004, karrierë që arriti kulmin në vitet 1990-1993 kur ai u bë kryeminstër. Mitsotakis ka qenë edhe në Shqipëri dhe konsiderohet se lehtësoi emigrimin e shqiptarëve drejt këtij vendi.

Çështja e helmimit – infektimit në protestën e PD-së ka marrë një tjetër teknik sot. Mediat raportojnë se prokuroria ka sekuestruar prozhektorët e përdorur gjatë mitingut të hapjes së fushatës së PD-së për t’i ekzaminuar për rrezatim të rrezikshëm. Katër ndriçues në katër platforma u përdorën dhe duhet thënë se 140 personat e prekur ndodheshin afër tyre. Shenjat e shqetësimit u shfaqën 2 orë pas mitingut dhe një numër i madh njerëzish me irritime në lëkurë dhe sy u paraqitën në QSUT.

Francesco Totti i ka dhënë fund sot karrierës së vet me Romën. Një ikonë e Romës dhe futbollit italian të këtyre viteve, 40 vjeçari ka luajtur sot kundër Genoa ndeshjen e 786-të. Ai ka mbajtur edhe një fjalë të shkurtër nën peshën e emocioneve të mëdha. 

Forcat Ajrore egjiptiane vijuan sulmet ajrore në Libi për ditën e dytë radhazi, siç raportohet për agjencinë Reuters nga burime të afërta me Forcat e Armatosura egjiptiane. Objektiv kanë qenë kampet ku besohet se fshihen autorët e sulmit me 29 të vrarë nga komuniteti i krishterë.
Reagimi erdhi vetëm disa orë pas sulmit në provincën e Minya në jug të Egjiptit, i cili u mor përsipër nga Shteti Islamik.
ISIS muajin e kaluar vrau të paktën të paktën 45 njerëz në një seri sulmesh kundër pakicës së krishterë në Egjipt. 

Komisioni Qendror i Zgjedhjeve i ka lënë 24 orë afat Partisë Demokratike për të plotësuar listën e kandidatëve për deputetë dhe dokumentacionin shoqërues në të 12 qarqet e vendit. 
PD ka dorëzuar një listë kandidatësh me vetëm 94 emra nga 140 të mundshëm. Afati i vendosur nga KQZ, detyron PD-në të plotësojë listat me kandidatë në të gjitha qarqet e vendit. 

Ekipi që Basha hodhi në fushë për ndeshjen e 25 qershorit po pëson rrjedhje. Kandidatë që janë në vendet e poshtme të listës kanë dhënë dorëheqjen. Ramiz Çobaj kryetari aktual i Partisë Demokratike të Shkodrës është tërhequr nga kandidimi. si deputet në listën e PD Shkodër për zgjedhjet e 25 qershorit. Basha e ka vendosur të tetin në listën e kandidatëve, çka nuk është pranuar nga kreu i demoktarëve të Shkodrës Çobaj. Nga sa mësohet Çobaj nuk ka patur kontakte me Bashën pori vazhdon të mbajë postin e kryetarit të PD-së Shkodër deri në zgjedhjet e reja.

Partia Socialiste vazhdon fushatën e vet elektorale me kërkesën e votave djathtas për marrjen e 71 mandateve. Kryeministri Edi Rama, ka qenë sot në Elbasan, Peqin, Papër dhe Përrenjas ku ka përsëritur thirrjen për vota nga demokratët:

“Nuk mjaftojnë vetëm votat e njërës palë. Na duhen gjithë votat e demokratëve të arsyeshëm. Të gjithë njerëzve që dinë ta bëjnë dallimin midis nevojës për një punë të ndershme dhe votës për të punësuar Lulzim Bashën”, tha Rama.

Duket se Lista Basha është vërtet kështu: Lista Basha. Sulmet që po i bëhen sot kryetarit të PD-së për kandidatët që ka sjellë për deputetë imponojnë idenë se diçka është thyer në këtë parti mes të vjetërve dhe të rinjve. E me gjasë edhe marrëveshja e 18 majit ishte thjesht vendim personal i Bashës, askujt tjetër.

Me një opinion shumë kritik është shfaqur sot në media edhe Gjergj Lezhja, një njeri i pushtetit të Berishës, këshilltar për Sigurinë i Presidentit të Republikës, sipas të ciit Çadra dhe listat janë marrëzia e fundit e Bashës.

"Urdhri që kam lidhur me çështjen e emrit të Maqedonisë është çelësi që do të hapë derën për zgjidhjen e çështjeve të tjera të diskutueshme në rajon". Kështu deklaron ndërmjetësi i OKB-së për çështjen e emrit të Maqedonisë, Matthew Nimetz në një intervistë për gazetën Realnews.
Diplomati amerikan thotë se pret që të formohet qeveria e re në Shkup për të nisur "diskutimet serioze", duke dërguar një mesazh se zgjidhja e emrit kushtetues të Maqedonisë duhet të jetë prioritet në agjendën e qeverisë së re.