Slideri Kryesor

Dalai Lama ëndërron që shtabi politik i NATO-s të jetë në Moskë. Ai e ka zbuluar këtë në një intervistë për gazetën ruse Kommersant, intervistë e cila po citohet gjerësisht. 
 “E kam përmendur edhe më parë një ide që mund të jetë një ëndërr boshe, por nëse NATO do të vendoste shtabin në Moskë, kjo mund të minimizonte keqkuptimet e rusëve", tha ai. 
Duke vijuar më tej, lideri shpirtëror tibetian ka shtuar jo pa ironi se kam frikë se "pas këtij sugjerimi nuk do më lënë të shkoj në Amerikë". 

Pas afro tre muaj bashkëqeverisje me Partinë Socialiste dhe Lëvizjen Socialiste për Integrim, ministrat teknikë të Partisë Demokratike kanë bërë gati dorëheqjet të cilat prititet t’i zyrtarizojnë të enjten. Akti formal i largimit nga qeveria të ministrave të opozitës erdhi menjëherë pas përfundimit të raportit për strandartin e zgjedhjeve. Ministrat teknikë të Partisë Demokratike u bënë pjesë e kabinetit Rama, pas marrëveshjes së 18 majit  si garanci për të monitoruar administratën gjate fushates dhe standartin e zgjedhjeve të 25 qershorit.

Ka disa raportime nga se në pikat e kalimit doganor të Shqipërisë policia shqiptare nuk po lejon kalimin e shtetasve shqiptarë pasaporta e të cilëve skadon brenda 3 muajve nga data e paraqitjes në kufi. Nuk jepet asnjë arsye për këtë sjellje që duket se buron nga një urdhër i policit Haki Çako, për masat e kontrollit në kufi. Pa arsye dhe pa ndonjë sqarim, qytetarë që raportojnë këtë gjë, thjesht kthehen me interpretimin personal se “nuk u lamë të kalonim sepse dyshonin se mos nuk kthehemi më”.

Nga kërcënimet për zjarr dhe furi të paprecedentë, presidenti amerikan Donald Trump ka kaluar në mesazhe vlerësuese për mençurinë e Kim Jong Un dhe Koresë së Veriut. Përmes një mesazhi në profilin e vet në twitter, Trump shkruan se “Kim Jong Un dhe Korea e Veriut morën një vendim shumë të mençur dhe të mirëarsyetuar për të mossulmuar ishullin e Guam”. “E kundërta do të kishte qenë kaatastrofike dhe e papranueshme”, shkruan Trump.

Ministri i Punëve të Jashtme, të Turqisë Mevlüt Çavuşoğlu, ka rihapur debatin në lidhje me kufirin detar me Greqinë. Shefi i diplomacisë turke, në përgjigje të një pyetje në parlamentin turk, tha se mes Turqisë dhe Greqisë ka një numër të problemesh të ndërlidhura në Egje. "Mes problemeve është statusi i disa ishujve të Egjeut dhe  fakti që nuk ka kufij detare të përcaktuar nga një marrëveshje ndërkombëtare mes Turqisë dhe Greqisë, e cila të jetë në fuqi”- argumentoi në mënyrë specifike Mevlut Çavusoglu.

"Channel" 4 transmetoi të dielën një dokumentar mbi princeshën Diana, të titulluar “In Her Own Words”, pikërisht sepse ishte një rrëfim bazuar në fjalët e vetë Dianës, të regjistruara nga trajneri i saj personal i quajtur Voice Couch. Kërto regjistime mund të shpjegojnë gjithçka në lidhje me karakterin dhe personalitetin e saj të shumë diskutuar në raport me familjen mbretërore dhe princin Karl.

Aleksadër Vuçiç hap dialogun për Kosovën, ministri i Jashtëm, Ivica Daçiç shkruan për kufijtë. Gjatë këtyre ditëve, Daçiç ka publikuar artikuj dhe dhënë intervista duke sugjeruar nevojën e një kompromisi me shqiptarët. Kosova një çështje e Serbisë me komunitetin ndërkombëtar, po zhvendoset në termat e një marrëdhënieje rajonale duke ngarkuar me barrën e shpërbërjes së Jugosllavisë edhe Shqipërinë. Por Daçiç nuk ndalet vetëm në propozime.

Një artikull i shkruar nga Kerin Hope në gazetën "Financial Times" që hedh dyshime mbi funksionimin e shtetit të së drejtës në Greqi, nisur nga një vendim i Gjykatës greke në favor të Ministrit të Jashtëm, Nikos Kotzias, ka provokuar reagimin e Ministrisë së Jashtme të vendit fqinj. Çështja zë fill në vitin 2010 kur revista "Athens Review of Books" botoi letrën e një lexuesi të saj që thoshte se ministri në fjalë në rininë e tij ka qenë "një ekstremist komunist dhe fanatik i vërtetë i stalinizmit". 

Recep Tayyip Erdogan ka formalizuar edhe në rrjetet sociale ambicien e tij për eliminimin final të Repubikës turke. Qendra e Stokholimit për Lirinë, një organizatë e emigrantëve politikë turq, ka vënë re ndryshimin që i është bërë llogarisë në Twitter të Erdogan, i cili ka hequr fjalën “Republika e” duke ndryshuar prezantimin në “President i Turqisë” dhe kryetar i AKP-së”.

Ndonëse simbolik, akti thotë shumë në kuadër të asaj që po ndodh në Turqi, tanimë ish-Republika e Turqisë.

Gjermanishtja nuk flitet më nga stafi i disa restoranteve në Berlin. Ja sesi gjermanët po I rikthehen temave të vjetra, por edhe të reja me një sens që mund të kthehet problematik. Vend që nën Angela Merkelin promovoi multikulturalizmin, por që nuk e gëlltit dot një kryeqytet shumëgjuhës. “The Guardian” raportonte dje sesi zv.ministri gjerman i Financave, Jens Spahn, anëtar i partisë së Merkel, deklaronte në gazetën “Neue Osnabrücker Zeitung”, tërbohej nga fakti se kamarierët në disa ristorante në Berlin flasin vetëm anglisht.