Slideri Kryesor

Shqipëria mund të dalë me gisht në gojë nga Samiti i Triestes nëse lexojmë atë që thotë komisioneri për Zgjerimin e BE-së, Johannes Hahn. Në një intervistë për Deutsche Welle, Hahn jep një panoramë që i moderon shumë shifrat e propozuara për mandatin e dytë nga kryeministri i Shqipërisë Edi Rama.

Nga 15 korriku në zyrat e administratës publike dhe bizneseve me më shumë se 100 të punësuar do të nisë funksionimi i të ashtuquajturave strukturave sinjalizuese të rasteve të korrupsionit. Sinjalizuesit do të jenë punonjës të institucioneve publike por edhe ato private dhe do të gëzojnë status dhe mbrojtje të veçantë me ligj.

Kandidati për kryetar të PD-së, Eduard Selami, ka kërkuar sot nga kryetari i ngrirë Lulzim Basha që të mbajë premtimet për zhvillimin e garës elektorale në parti.

“…Unë dua që PD t’i kthehet edhe njëherë vlerave demokratike dhe perëndimore të saj.

Për këtë, i kërkoj zotit Basha të mbajë premtimin që më ka bërë se debatet mes nesh do të bëhen të hapura për mediat dhe për publikun. Kjo nuk ndodhi në debatin e Korçës.

Nëse të gjithë kryeministrat e vendeve të Ballkanit Perëndimor kanë dalë në mediat e vendeve të tyre dhe kanë sqaruar se çfarë mendojnë për Samitin e Triestes, apo idenë e Zonës Rajonale Ekonomike, kryeministri i Shqipërisë, preferon ta bëjë këtë përmes mediave në SHBA dhe në anglisht. Madje, jo duke folur për vendin e tij, por pë Ballkanin.

Niko Peleshi, kreu i Grupit të Punës së krijuar nga kryeministri për ristrukturimin e administratës dhe qeverisë, ka dhënë një intervistë për “Report Tv” ku sqaron disa aspekte të punës që po bëhet. Peleshi thotë se takimet me përfaqësues të komuniteteve apo të të grupeve të interesit i shërbjenë më mirë identifikimit të problematikave në terren, duke ofruar nja pasqyrë të defekte në administratën publike. Sipas tij, në ndërhyrjet që do të pasojnë, do të ketë një listë prioritetesh, pasi jo të gjithë problemet mund të zgjidhen me burimet e brendshme.

Për eurodeputetët e Parlamentit Europian, moskontestimi i zgjedhjeve dhe mungesa e ngërçeve të mëtejshme politike në Shqipëri dëshmuan për një rikthim të normalitetit demokratik në vend. Ndaj, siç e kanë cilëuar disa parlamentarë europianë, nuk ka më kuptim më të shtyhet hapja e negociatave të anëtarësimit të Shqipërisë në Bashkimin Europian.

Katër vjet ikën me një bilanc të madh dështimesh të qeverisë PS-LSI, e megjithatë mungesa e alternativës la në pushtet formacionin që drejton Edi Rama. Tashmë që populli i dha atë që dëshironte, timonin i vetëm, kryeministri po shpalos platformën e një përgjegjësie të përbashkët që sipas tij është një raport i ndërsjelltë mes shërbimeve që ofron shteti dhe kulturës shtetdashëse të qytetarëve.

Organizata Ndërkombëtare për Migrimin(IOM) pa publikuar sot raportin e vet “Matja e Potencialit Migrator Global 2010 -2015” që analizon prirjet migratore të njerëzve në mbarë botën për periudhën 2010 – 2015. Sipas këtij raporti rezulton se rreth 0.5% e të rriturve në botë po përgatiten aktivisht për të emigruar, një e dhënë që në shifra absolute është 23 milionë njerëz. Destinacionet kryesore të kësaj vale potenciale janë SHBA, Britania e MAdhe, Arabia Saudite, Franca, Kanadaja, Gjermania dhe Afrika e Jugut. Një në tre të rritur që u përfshinë në sondim rezultoi se ka në plan të emigrojë.

Lulzim Basha është sot kandidat i vetëshpallur në pozitat e një kryetari të ngrirë të Partisë Demokratike. Ai është lëshuar në një fushatë elektorale brenda subjektit që po e privatizon, atipike. Lulzim Bashës sot nuk i intereson se çfarë thotë dhe sesi intepretohet ajo që ai thotë. Atij sot i intereson mbyllja e fushatës dhe votimi që do të përligjin qenien e tij si kryetar i PD-së, edhe për katër vjet. Më pas, në lojë hyjnë miqtë e tij, Sali Berisha dhe Edi Rama.

"E ardhmja e Ballkanit Perëndimor ndodhet në Bashkimin Europian" - këtë fjali e kanë nënshkruar krerët e shteteve dhe qeverive europiane në vitin 2003. Premtimi i njohur i Selanikut tingëllon sot kaq i mjegullt, si mitet greke. Sepse që atëherë në BE është pranuar vetëm Kroacia. Me ndarjen e Kosovës nga Serbia u krijua një problematikë e re në rajon. Zgjerim? Askush nuk po e përdor më këtë fjalë. "Zgjerimi është një si pulë që i është prerë koka", tha një diplomat serb kundrejt plaftformës BuzzFeed. "Ajo rend ende, por në të vërtetë është duke ngrodhur."