Slideri Kryesor

Lideri opozita rus Alexei Navalny ka publikuar pamje ajrore të asaj që quhet Vila Segren, një mjedis privat në gjirin e Finlandës, i përdorur dikur për xhirime filmash. Në ambjentin në fjalë janë shtuar banesa të reja. Sipas Navalny kjo dëshmon një skemë korruptive që është në veprim në Rusi e në krye të së cilës qëndron Putin. Navalny thotë se Putin i regjistron pronat nën emra të tjerë, persona që janë pasuruar shumë gjatë sundimit të tij.

Greqia dhe Maqedonia kanë hedhur një hap në rivendosjen e një axhende diskutimesh për zgjidhjen e çështjes së emrit. Ministri i Jashtëm grek, Nikos Kotzias vizitoi Shkupin në një përpjekje për forcimin e marrëdhënieve midis Greqisë dhe Maqedonisë dhe rindërtimin e besimit mes dy vendeve.

Besimtarët janë mbledhur në sheshin "Skënderbej", para xhamisë së Ethem Beut.

Sot paradite u përcoll lajmi i vrasjes së gjyqtares Fildes Hafizi nga ish-bashkëshorti i saj Fadil Kasëmi. Përtej kronikës së ngjarjes tërheq vëmendjen një fakt i publikuar nga Balkanweb që zbardh një letër të gjyqtares drejtuar ambasadorit amerikan Donald Lu një vit më parë. Hafizi e nis letrën me shqetësimin e “përbashkët për shumë femra", që janë sipas saj viktima të dhunës në familje dhe më tej, viktima edhe të sistemit të drejtësisë.

Rriten tensioni në gadishullin e Koresë së Veriut, dy ditë pas lëshimit nga Peniani  të raketës që ra në Paqësor, pasi kishte kaluar mbi Japoni. Siç transmeton CNNi, Uashingtoni dhe Seuli kanë kryer ushtrime të përbashkëta ushtarake dhe në një demonstrim force, elita e avionëve të tyre ushtarakë ka kryer fluturime orët e fundit  në gadishullin Korean.

Aleksandër Vuçiç dhe Ivica Daçiç janë në pozitë komode dhe në kohë kur mund të bëhen para dhe investime për Serbinë. Prej gati dy vitesh atyre kanë se çfar tu kërkojnë dhe ata kanë se çfarë të japin. Beogradi zyrtar e menaxhoi mirë nisjen e dialogut me Kosovën duke rritur pozitën e vet negociuese. Aq rëndësi iu dha saqë edhe Konferenca e Berlinit kishte në vëmendje Serbinë, politikisht dhe në planin e investimeve. Por në vend pa ndonjë vlerë si këto tonat, para dhe përpara mund të bësh duke qëndruar përherë në Pazar.

Megjithë polemikat Këshilli Bashkiak i Himarës miratoi planin rregullues të Himarës  ku përfaqësuesit e PS-së dhe PD-së votuan pro. Plani rregullues i Himarës parashikon zgjatimin e shëtitores së qytetit deri në afërsi të portit, ndërsa nga zgjatimi i saj preken disa ndërtime në këtë zonë, të cilat do të shemben. Mes personave të prekur nga ky plan janë edhe vetë Beleri dhe Neranxi, të cilët zotërojnë prona në mesin e ndërtesave që parashikohen të shemben pas miratimit të planit.
Athina e konsideron kete shkelje te te drejtave te Njeriut te minoritetit grek ne vendin tone.

Bashkimi Europian do të trajtojë çështjen e lajmeve të rreme në nivel politik. Komisionerja e re për Dixhitalizimin Mariya Gabriel deklaroi se ajo do të krijojë një grup ekspertësh për të vlerësuar në kohë publikimin e lajmeve të rreme nga platformat online. Komisionerja do t’i kushtojë 3 muaj konsultime publike kësaj teme duke kërkuar mendime dhe sugjerime mbi çështje konkrete të cilat mandej mund të shërbejnë edhe për integrimin e tyre në ndryshime legjislative. Këto të fundit nuk prashikohen të prezantohen së shpejti. 

Ish – deputeti i Partisë Demokratike, Sherefedin Shehu flet në një intervistë për gazetën “Shekulli” për ndërhyrjet që po aplikohen në qeveri nga kryeministri Edi Rama. Ndonëse nuk është e qartë nëse Shehu flet në tagër personal, apo përfaqëson një mendim edhe të PD-së, “idetë” e tij për pakte thuajse për çdo gjë, flasin për një refuzim të demokratëve, apo atyre që quhen të tillë, për të qëndruar në opozitë. Thotë Shehu për administratën: 

Greqia është e para në listën e vendeve me shkallë të lartë të "ekonomisë informale". Sipas një studimi nga Instituti i Kërkimeve Ekonomike të Aplikuara, të Universitetit të Tübingen në Gjermani, ekonomia e zezë në shtetin fqinj është nivelin 21.5% të GDP-së për 2017.

Për Italinë ekonomia informale llogaritet në 19.2%, për Spanjën në 17.8%, për Gjermaninë në 10.4%, ndërsa për SHBA  në 5.4%. Për Norvegjinë, ekonomia e zezë llogaritet në 12.2% të PBB-së, për Mbretërinë e Bashkuar në 9.4%, për Japoninë  në 8.6% ndërsa për Zvicrën në 6%.