Slideri Kryesor

Kryeministri i Shqipërisë ka tagër të flasë në emër të shumicës së shqiptarëve së Shqipërisë, meqenëse kjo nënkuptohet nga mandate i tij. Por vështirë se ai mund të flasë në emër të dëshirave të tyre, pasi çdo interpretim do të ishte spekulativ. Z Rama luan në këtë drejtim duke sugjeruar të pavërtetën, ose të vërtetën e paverifikueshme, si interes të përgjithshëm, meqenëse vota e 25 qershorit garanton podiumin prej nga iniciohen politika.

Joe Biden, ish-zv.president i SHBA-së nën administratën e Barack Obamës, publikon sot në New York Times një opinion mbi politikën e jashtme amerikane. Biden, që përflitet si kandidat për president në zgjedhjet e ardhshme presidenciale, i përmbahet idesë së “forca e shembullit” që SHBA dha për 45 vjet duhet të prevalojë mbi “shembullin e forcës”, rrokadë kuptimore kjo që duket se është huazuar edhe në Shqipëri. Dhe në këtë drejtim, sipas tij, Donald Trump, përfaqëson një krizë në vlerat e politikës së jashtme amerikane.

Fotoja e "shugurimit" të qeverisë së re e "bekuar" me një shtrengim duarsh mes Edi Ramës dhe Ilir Metës tregon një lidhje që tejkalon simbolikën protokollare të adetit në fjalë.

Dy personazhe që përfaqësuan në 4 vjet  një model të konçensionimit të pushtetit larg aspiratave të atij që u quajt Koalicioni për Shqipërinë Europiane, shtetit të së drejtës, barazisë sociale apo meritokracisë.

Lulzim Basha është i detyruar të pranojë se partia që ai drejton është në krizë të rëndë. Jo përmes një deklarimi të vet, pasi duket se nuk e disponon këtë stof lidershipi, as përmes Edmond Spahos, i vetëstërvitur për skriptet politike të kryetarit. Por përmes faktit se qëndrimet e sotme të Sali Berishës në intervistë për “syri.net” janë në thelb arsyetimi dhe apologjia e munguar për situatën e krijuar.

Kompanitë  të cilat operojnë në fushën e naftës dominojnë borxhin tatimor ndaj shtetit. Ato zënë afro 40% të të gjithë shumës prej 220  milionë euro të listës së debitorëve në drejtorinë e tatimeve.

Edhe pse mbi disa prej këtyre kompanive  është vendosur masa e sekuestors, borxhi tatimor ende nuk është arritur të mblidhet, pasi një pjesë e mirë e firmave ndodhen në proçese gjyqësore për të shpallur falimentin, ndërsa  një pjesë tjetër e kanë ankimuar vlerësimin e drejtorisë së tatimeve.

Presidenti serb, Aleksandër Vuçiç ka shpjeguar para serbëve arsyet pse këshilloi Listën Serbe t’i bashkohet qeverisë së Ramush Haradinajt. Në një konferencë për shtyp edhe pse e quajti Haradinajn kriminel ai la të kuptohet se për serbët ish-komandanti i UÇK-së është e keqja më e vogël në kushtet e një opozite si Vetvendosja që kërkon bashkim me Shqipërinë.

Turqia mori një tjetër mesazh të fortë nga Brukseli se kursi antieuropian që po ndjek i bën zero shanset që ajo të anëtarëshet në Bashkimin Europian. Në fjalën e përvitshme nga parlamenti Europian, Presidenti i KE, Jean Clont Juncker i bëri të qartë Ankarasë se problemi nuk është populli turk, por la të kuptohet se përplasja me Europën është e udhëhqjes politike dhe konkretisht e presidentit Erdogan.

Dhoma e ulët e parlamentit italian miratoi një projekt-ligj që i vendos kufizime të forta propagandës fashiste, 70 vjet pas vdekjes së diktatorit Benito Musolini. Projektligji, i cili u hartua nga Partia Demokratike (PD), u paraqit për debat dhe u votua pas një vere të nxehtë politike, ku organizatat e të drejtave të njeriut ngritën alarmin për rritjen e racizmit në Itali për shkak të dyndjes masive të emigrantëve nga Afrika.

Kristaq Xharo, që prezantohet si pedagog për çështjet e sigurisë në Universitetin Europian të Tiranës shkruan sot në gazetën “Mapo” një opinion mbi nevojën e debatit për rikthimin e shërbimit të detyrueshëm ushtarak. I shfuqizuar në vitin 2008, shërbimi në fjalë është parë si një rudiment i Luftës së Ftohtë dhe me lëvizjet e mëdha demografike, rënien ekonomike, heqja e tij, ishte në realitet formalizim i një gjendjeje fakti. Por Xharo mendon se rikthimi i shërbimit të detyrueshëm ushtarak nuk duhet parë thjesht në planin e ushtrisë, por më gjerë.

Shqipëria duket se ka hyrë tanimë në vëmendjen e operatorëve turistikë ndërkombëtarë si një ndër destinacionet e reja të preferuara të Mesdheut. Përtej retorikës së qeverisë, publicitetit emocional në rrjetet sociale që duan të shmangin problemet, vendi ynë, posaçërisht Saranda me mundësitë penetruese që ofron për turistët, është në axhendën e operatorëve. Kjo konfirmohet edhe nga interesi i kompanive që kryejnë aktivitet në tregun e turizmit me anije shëtitëse – korçera.