Slideri Kryesor

Gazeta “The Guardian” i ka kushtuar një shkrim fjalimit vjetor të presidentit të Komisionit Europian, Jean Claude Juncker mbajtur para Parlamentit Europian. Gazeta është ndalur te tema e ushqimit që është prekur nga Juncker dhe për politikën e diferencimit cilësor që aplikohet nga kompanitë kryesore të cilat paktetimin dhe ambalazhimin e produkteve që tregëtojnë në Europën Lindore e kanë identik me atë në Perëndim, por cilësia është krejt tjetër.

Rusia e konsideron të gabuar dhe kundër interesave të Shqipërisë vendimin e Tiranës zyrtare për t'iu bashkuar embargos së Shteteve të Bashkuara të Amerikës dhe Bashkimit Europian ndaj Rusisë.
Në bisedën me gazetarin Vincent Triest, Karpushin nuk ngurroi të flasë për situatën në rajon, duke thënë se bllokimi i eksporteve bujqësore drejt Rusisë ka dëmtuar më së shumti fermerët shqiptar. Ai tha se është kanë qenë vetë biznesmenët shqiptarë që kanë shprehur këtë shqetësim në ambasadën ruse.

Shumëkush e mendoi si moment reflektimi deklaratën e Edi Ramës për çështjen e drogës gjatë fjalimit të parë në legjislaturën e re parlamentare. Ai vlerësoi opozitë se kishte shkundur qeverinë gjatë katër viteve për trafikun e drogës. Bashkë me vendimin e largimit përfudnimisht nga kabineti qeveritar të Sajmir Tahirit , kjo deklaratë paketohet si një mesazh politik që e bën këtë të fundit viktimën e radhës.

Ish-kryeministri Sali Berisha ka denoncuar përmes një shkrimi publikuar në "syri.net", atë që e quan nismë përjashtuese të disa vendeve të rajonit për krijimin e një blloku të Ballkanit Perëndimor, ku përfshihet, Shqipëria, Kosova, Mali i Zi, Serbia, Bosnje-Hercegovinën dhe Maqedonina dhe që tani njihet si “Nisma e Ballkanit Perëndimor 6” apo BP6. 
Berisha thotë se nisma përjashton Kroacinë dhe Slloveninë, dy vende mike për shqiptarët me të cilat Shqipëria është aleate në NATO. Spas tij,  nisma BP6 përveç frymës përjashtuese, rrezikon të nxisë nacionalizmat dhe demonët e tyre.

Revista ekonomike “Monitor” publikon sot në faqen online një shkrim mbi përpjekjet për integrimin e Ballkanit Perëndimor, sipas axhendave të përcaktuara për të nga Samitet e fundit të nxitura nga Gjermania. Me fjalët e shkrimit të “Monitor” parashikohet të ndodhë: 

Turqia thirri ambasadorin gjerman në Ankara për të protestuar për një tubim të kurdeve në Këln, duke çuar edhe më tej tensionet në marrëdhëniet Berlin-Ankara.

"Ne dënojmë organizimin e një tubimi në qytetin gjerman të Këlnit nga grupet e degëve të organizatës terroriste PKK dhe faktin se propaganda terroriste u lejua nga autoritetet gjermane. Ne shprehëm reagimin tonë të fortë ndaj ambasadorit gjerman në Ankara, të cilin e thirrëm në ministri"- thuhet në deklaratën e Ministrisë së Jashtme turke.

“Shqiptarja.com” raporton sot për një nismë ligjore të shumicës socialiste për të rishikuar titujt dhe dekoratat për personat me funksione gjatë kohës së regjimit të para vitit ’90. Përveç kritereve të reja, nisma parashikon edhe rishikime duke prekur të gjitha figurat e nomenklaturës së pushtetit të Enver Hoxhës bashkë me përfitimet që rrjedhin prej tyre. 

Historia përsëritet, kur s'ka më asnjë shpresë se shteti shqiptar mund të ofrojë zgjidhje dhe të bëjë drejtësi qytetarët e këtij vendi shkojnë aty ku janë përplasur sa herë halli i tyre nuk është halli i qeverisë apo bashkisë. Ashtu si Filedzja që kërcënohej me jetë nga ish-bashkeshorti i saj dhe nuk ndjeu asnjë mbrojtje nga institucionet, edhe banorët e Shkozës të cilët janë rrethuar nga fadromat iu drejtuan për ndihmë ambasadorit amerikan, Donald Lu.

E ka pësuar keq një shtetas i Kosovës, teksa së bashku me familjen 5 anëtarëshe ishte vizitë në Shqipëri dhe puna ia deshi të kalonte në Fier. Aty, policia i ka vendosur një gjobë 200 euro dhe e kanë sorollatur për pagesën, pasi sportelet në fundjavë nuk punonin.
Si të mos mjaftonte me kaq, ai tregon gjithë fyerjet e policisë me te cilat është përballur, heqjen e patentës, daljen në komision dhe rebelimin për trajtimin poshtërues, vetëm pse nuk është shtetas i Shqipërisë.

Dëshmia e shtetasit të Kosovës pas gjobes 

Organizata palestineze Hamasi ka rënë dakord për nisjen e bisedimeve me lëvizjen rivale Fatah. Organizata njoftoi përmes një deklarate se rikthimi në tryezën e bjsedimeve ka për qëllim të çmontojë Komitetin e Administrimit të Gazës dhe të mbajë zgjedhje legjislative në zbatim të një marrëveshje për t'i dhënë fund rivalitetit të gjatë mes dy fraksioneve palestineze.