Slideri Kryesor

OSHEE i ka bërë rrush e kumbulla lekët e arkëtimeve dhe shpenzimeve, duke u gjendur me  gisht në gojë tani që duhet të paguajë sipas kontratave disa fatura investimesh. Kreu i saj Ardian Çela ka dërguar një letër pranë ministrisë së Infrastrukturës dhe Energjisë, ku thotë se OSHEE e ka të pamundur që të përballojë disa pagesa me fondet e veta.

Mund të rezultojë një ndër nismat që do të inkriminojë një komunitet të tërë vendesh. Agjencia serbe e lajmeve, B92, bën e dije për një ndërmarrje të qytetarëve serbë kundër NATO-s dhe përdorimit prej saj të uraniumit të varfëruar gjatë konflliktit të Kosovës në vitin 1999.

Teatri Kombëtar kushton shumë dhe qeveria nuk ka para për të ndërtuar një të ri. Ky është argumenti kryesor që përfaqësues të shumicës aktuale – kryesisht kryeministri Rama dhe kryebashkiaku i Tiranës, Erjon Veliaj – kanë dhënë për të përligjur formën e ndërtimit përmes ofrimit falas të mijëra metrave katrorë truall publik një kompanie private për të përfituar një teatër të ri. Për ta shtuar dozën e “arsyes” së kësaj qasjeje, është hedhur në qarkullim shifra 30 milionë euro. 

Seanca dëgjimore në Komisionin e Medias për projektligjin për zhvillimin e zonës ku ndodhet Teatri Kombëtar është mbërthyer nga debate për shkak se në të ka hyrë si xhol Kryetari i Bashkisë së Tiranës, Erjon Veliaj. Ministrja e Kulturës Mirela Kumbaro, e cila ishte thirrur në seancë, ka preferuar të heshtë dhe të marrë si engjëll mbrojtës Veliajn, që ka bërë zhurmuesin. Albana Vokshi, kryetare e Komisionit, ka deklaruar se Veliaj është thirrur të mërkurën.

Fushata për shembjen e Teatrit Kombëtar i është besuar jo pa qëllim Erion Veliajt. Personazhit që ka marrë përsipër të bëjë sekserin e kompanisë Fusha shpk që po negocion të marrë truall dhe të ngre kulla. Rezistenca e aktorëve ka prishur punë mesa duket në një Pazar që qëndron mbi kryetarin e Bashkisë, i cili në këtë rast mund të negociojë një rikandidim për Bashkinë e Tiranës nëse e kryen me sukses misionin të cilin ka marrë përsipër.

Shfaqja ku kryeministri Rama u shfaq me krerët e komuniteteve fetare duket parakaluar në mes të Parisit është një kartolinë që tani i duhet qeverisë për të lobuar për hapjen e negociatave.

Nuk dihet ende se e kujt ishte ideja, por një rekomandim nga komunitetet fetare do t’i shkojë Brukselit për t’i dhënë Shqipërisë këtë status. Ministria e Jashtme njoftoi se krerët e bashkësive fetarë në Shqipëri i bëjnë apel kancelares Merkel dhe Presidentit Macron të mbështesin hapjen e negociatave me Shqipërinë.

Ministria e Jashtme e Shqipërisë, që në këtë mandat të dytë qeveriës, i ka shtuar vetes edhe llagapin “për Evropën”, ka shpërndarë në këto momente një njoftim mbi një letër që drejtuesit e komuniteteve fetare në Shqipëri i dërgojnë kancelares gjermane Merkel dhe presidentit francez Macron për hapjen e negociatave për me Shqipërinë.

Në letër përfaqësuesit e këtyre komuniteteve bëjnë thirrje që Europa të hapë rrugën për anëtarësimin e vendit tonë, duke theksuar edhe njëherë se Europa është e ardhmja për kombin tonë. 

"Arkitektët japin alarmin për Teatrin Kombëtar". Ky ishte lajmi që u servir këtë hënë dhe fare mirë diçitura e një takimi që Bashkia e Tiranës organizoi me arkitektë dhe urbanistë, shumica e të cilëve të punësuar në bashki ose në rastin më të mirë partnerë me të. Sipas tyre, godina është e papërshtatshme dhe si e tillë duhet shembur. 

Një përfundim që i shërben kryetarit të Bashkisë, Erion Veliaj të legjitimojë përrallën që tregon se pazari me firmën Fusha shpk për të këmbyer tokën e Teatrit dhe ngritjen e  dy kullave me një godinë të re është me leverdi.  

TemaTv

Nacionalistët protestuan sërish në Shkup kundër marrëveshjes me Greqinë. Gjatë natës u shënuan edhe episode të dhunshme, kur një grup të rinjsh filluan të hedhin gurë dhe bomba molotov në polici. Forcat e rendit u kundpërgjigjën duke përdorur gaz lotsjellës për të sprapsur protestuesit. 

Benzinë zjarrit i hodhën deklaratat e kreut të partisë maqedonase të opozitës, Kristian Mikisky, i cili theksoi se "kurrë dhe me asnjë kusht, edhe nëse kjo më kushton jetën nuk do ta mbështes këtë kapitullim nga Zoran Zaev"