Blloku Të Kripura

Në mesin e dhjetorit të vitit 2018, Artsy, një platformë e njohur oline për zbulimin dhe mbledhjen e veprave të artit, publikoi një listë të atyre që i quan artistët më ndikues të vitit 2018. Në hyrje të shkrimit sqarohen edhe kriteret mbi të cilat është bërë kjo përzgjedhje që në përgjithësi merr në konsideratë inovacionin.

Njihuni me gazetarinë parashikuese. E prezanton media e Carlo Bollinos, shqiptarja.com. Sipas kësaj gazete, Ajola – e ka fjalën për bashkëshorten e kryebashkiakut të Tiranës, Erjon Veliaj, të cilës i shkruan vetëm emrin – ka publikuar një foto në Instagram.  Gazetari/ja përdor ekstrapolimin për të na bindur se fotoja do të komentohet gjerësisht në rrjetet sociale. Pasi çdo foto e çiftit të parë të Tiranës komentohet gjerësisht.

Gazetari pretendon se Kryeministri ka kopjuar dhe vjedhur pjesë të idesë, realizimit dhe përmbajtjes së emisionit "Shqipëria e tjetër" në trajtimin e temave të varfërisë. 

Kryeministri Edi Rama ka publikuar në Instagram një video montazh ku ironizohet raporti mes Sali Berishës dhe Lulzim Bashës. Mediat pranë tij e përcjellin me ngazëllim këtë gjë. 

Një tjetër tarifë apo taksë  për ata që hyjnë në Tiranë.  Sipas burimeve nga kabineti i z. Rama, bëhet e ditur se është duke u shqyrtuar vendosja e tarifave simbolike për kalimet e automjeteve në urat e Lanës në Tiranë. Tarifa po mendohet të mbahet gjatë pagesës së detyrimeve për automjetet, por një ide ëstë që ajo mund të paguhet edhe në parkingjet në kryeqytet, të cilat kanë vendndodhje gjeografike që e bën të detyrueshëm kalimin e tyre nga një urë.

Me propozimin e Ridvan Bodes për anëtar të Këshillit Mbikëqyrës të Bankës së Shqipërisë Edi Rama ka hequr edhe copën e fundit të maskës që mbante deri më sot. Ai ia ka dalë  të gënjejë shumëkënd, dëshmi kjo e nivelit të inteligjencës së shoqërisë, e moralit të saj dhe e faktit tronditës se ne shqiptarët nuk e begenisim Shqipërinë.

Pagesa do të vihet edhe për kalimin në Unazën e Madhe të Tiranës. Për këtë arsye kanë nisur punimet rehabilituese në rrugën "Tre dëshmorët", rruga alternative e Unazës që del në Kombinat.

Shaptilografisti

Shqipëria po prish atë që ndërtoi pa karar në vitet ’90. Nga një perspektivë ajo po ndërton atë që prishi në po ato vite prishjesh të mëdha. Shqipëria me Rilindjen në krye shpreson të ndërtojë edhe mendjen që iku e humbi udhën.

Incidenti i radhës i këtij procesi është prishja e disa objekteve në Unazën e Re, mbirë aty në tokë bujqësore në valën e kaosit dhe të “kryengritjes” sociale, kryer mbi parimin: të gjithë drejt Tiranës.

Këtu del edhe njëherë në pah largpamësia e kryeministrit që të vetmen shtëpi të njohur për të gjithë që ka, e ndërtoi në Surrel.