Blloku Të Kripura

Lali, thonë se je shumë i mërzitur. Se je bërë verem si i thonë andej nga Jugu, helm. Thonë se ke marrë vetëm nja 100 mijë vota dhe se të tjerat t’i rregulloi Denari I KQZ-së. Thonë…se zyrtarisht ti ke marrë shumë vota. Ke thyer edhe rekordin madje. Por ti me firmat në procesverbale ia ke marrë dorën tani.

Shkruan sot kryeministri Edi Rama në rrjetin social tuter:

Ja dhe vizat s’u rikthyen siç predikuan e trumpetuan lajmësit e qametit që s’ndodhi! Komisioni Europian e refuzoi kërkesën e qeverisë holandeze dhe e vërteta doli fiks siç ishte kur e thamë e shumëkush s’e besoi: Vizat nuk rikthehen sepse Shqipëria s’ka shkelur asnjë kriter

Mathew Palmer shkarkohet. 

Ky “lajm” u përhap me shpejtësi në disa media online, pasuar mandej nga gjyqi politik i gazetarëve “seriozë” që ia ngopën “lajmin” të shndërruar në status “fake” Lulzim Bashës dhe Monika Kryemadhit. Për ca e ca bota është katrore: shpjegohet me Kryemadhin dhe Bashën. 

“Historia” është më e thjeshtë se kaq: “lajmi” bashkë me fotomontazhin e postimit tuiter të Mike Pompeo u realizua në Paint për t’u postuar në rubrikën “Të Kripura” në ResPublica, një rubrikë humoristike. 

Tashmë që presidenti i Republikës u zbyth dhe dekretoi një datë tetori për zgjedhjet, është e udhës, por edhe engledisëse për të shtyrë vapën duke aluduar se çfarë e shtyu në këtë vendim. Në këtë ulje të parakohshme pantallonash.

Ideja e parë që të vjen në mend është ajo që ngjan edhe më e vërteta: ky brumë është. Njeri i pusisë, i bandës dhe që i jep vetes më shumë rëndësi se ç’ka. Pas Ilir Metës është një histori politiko-ekonomike që kushtëzon vendimmarrjen. Plus ky ndoshta ngatërron veten me revolucione dhe demokraci duke mbajtur ca llastiqe në xhep.  

Burime nga ambasada shqiptare në Beograd bëjnë me dije se presidenti serb Aleksander Vuçiç i ka dërguar me iniciativë të vet, kryeministrit të Shqipërisë, Edi Rama garancitë shtetërore për strehim politik, apo strehim të përkohshëm, të drejtë kalimi tranzit në Serbi në çdo kohë. Burimet thonë se qeveria shqiptare nuk ka kthyer asnjë përgjigje, duke krijuar paqartësi mbi arsyen e kësaj oferte nga Beogradi, kur dihet fare mirë se destinacioni i parë i kryeministrit Rama është Turqia. Bëhet e ditur se z. Rama dhe z. Vuçiç kanë miqësi personale.

Kryeministri i Shqipërisë Edi Rama do të publikojë së shpejti një libër të ri që ngërthen dhe komenton zhvillimet politike. Njësoj si me librin e parë të tij të njohur ndërkombëtarisht, “Kurban”, edhe ky reflektim do të bazohet mbi personazhet politike të vendit, duke ofruar në të njëjtën kohë sa një vëzhgim, aq edhe një kritikë, sa një analizë, aq edhe një lloj testamenti politik qytetar.

“Avadan” do të quhet libri dhe përqendrohet kryesisht mbi dy krizat e fundit, atë të vitit 2017 dhe krizën aktuale.

Qeveria shqiptare ka fshehur dhe mbajtur larg mediave një mesazh të presidentit sirian Bashar al Assad. Sipas burimeve shumë të sigurta që flasin për redaksinë e “Të Kripura”, mesazhi është dërguar me rastine Ditës së Dëshmorëve, më 5 maj dhe ai përmban urimet në emër të popullit sirian, por deri dikur shpreh edhe solidaritetin e Damaskut zyrtar me qeverinë e z. Edi Rama. Në letrën e tij, Assad shkruan se shqiptarët janë një popull me histori të lashtë dhe krenare, Siria vetë ka përfituar nga kontributi i shqiptarëve në shekuj, një numër jo i vogël i të cilëve ka gjetur strehë në atë vend.

Një ditë më parë kryeministri Edi Rama parlajmëroi padi penale në Gjermani për gazetarin e gazetës “Bild”, Peter Tiede. Por edhe me këtë çështje ka ndodhur një incident.

Endri Fuga që është ngarkuar për t’u marrë me hollësitë e padisë ka ngatërruar gazetarin Tiede  me zv.ndihmës sekretarin amerikan të Shtetit, Matheë Palmer, fotografinë e të cilit e ka vendosur në aktpadinë përkatëse.

Burime nga Drejtoria e Komunikimit në Kryeministri bëjnë me dije për “Të Kripura” se së shpejti del në qarkullim vepra e radhës e z. Edi Rama, “Shënime për opozitën”. Titulli krijon tingëllime të ngjashme me librin “Shënime për Kinën” të Enver Hoxhës, por është lënë i tillë meqenëse aty ka edhe kritika, por edhe vëzhgime për opozitën.