Blloku Shkenca

Një grua e moshës 73 vjeçare nga Nevada ka ndërruar jetë si pasojë e një infeksioni, bakteret shkaktare të të cilit i rezistuan të 26 antibiotikëve që përdoren në SHBA. Lajmi është bërë i ditur nga Qendra për Kontrollin dhe Parandalimin e Sëmundjeve

https://www.cdc.gov/mmwr/volumes/66/wr/mm6601a7.htm?s_cid=mm6601a7_e

Astronomë të Calvin College parashikojnë një ngjarje të veçantë e cila do të mund të vëzhgohet me sy të lirë nga toka. Në takimin e Shoqatës Astronomike Amerikane, të premten, astronomi  Larry Molnar, tha se rreth vitit 2022, një yll binar në konstelacionin Cygnus do të shpërthejë duke krijuar një Nova të kuq. Pasoja e këtij shpërthimi do të duket me sy të lirë nga toka në formën e një feneri të kuq, diçka që padyshim do të mahnisë njerëzit që do ta shohin.

Google ka testuar një program të inteligjencës artificiale duke u hedhur në lojë masive në Kinë. Nën nickname “Master” programi ka mundur të gjithë kampionët e lojës “Go”, një lojë strategjike e vjetër, që luhet mes dy personave. Që Master ishte kompjuter u kuptua nga shpejtësia e madhe e lëvizjeve, hapjet me lëvizje në dukje pa lidhje dhe naïve si dhe nga fakti se ai mundi shpejt edhe kampionin botëror në fuqi, Ke Jie.

Një grup shkencëtarësh nga Cornell University pretendon se ka zbuluar galaktikën prej nga ku origjinojnë valët e shpejta radio – një dukuri e konstatuar fillimisht në vitin 2007 e manifestuar në formën e valëve shumë të shpejta radio, me energji të lartë e që zgjasin vetëm disa milisekonda. Ata e kanë publikuar konkluzionin e vëzhgimeve të bëra nga një rrjet teleskopësh në revistat “Nature” dhe “Astrophysical Journal Letters” dhe sipas tyre bëhet fjalë për një galaktikë 3 miliardë vjet dritë larg.

Rehabilitimi i Neandertalit duket se ka marrë një goditje të re. Përpjekjet e mëdha, bazuar në zbulime të dorës së parë, për të rishkruar historinë e këtij hominidi dhe për ta nxjerrë atë nga portretizimi i një nënnjeriu kanë dhënë efekte të mëdha. Atij sot i atribuhen kapacitete intelektuale të organizimit të jetës në shpellë, prodhimit të veglave të punës, madje të sofistikuara.

Një ekip shkencëtarësh amerikanë kanë arritur të identifikojnë origjinën e atij që quhet si Biotingulli i Paqësorit Perëndimor. Bëhet fjalë për dy sekuenca tingujsh të regjistruar në Paqësor mes vitet 2014 dhe vitit 2015. Tingulli u regjistrua nga një pajisje që mblidhte të dhëna akustike në thellësitë Mariane që është edhe pika më e thellë e oqeanit. Një sekuencë si hungërimë dhe një tjetër si makineri, krijuan pështjellime te shkencëtarët të cilët pas analizave të kryera kanë dalë në përfundimin se tingulli ka origjinë bilogjike.

Një ekip i Observatorit të Leiden në Holandë, drejtuar nga astronomja Margot Brower ka testuar me sukses teorinë e fizikanit teorik Erik Verlinde i universitetit të Amsterdamit mbi efektin e lentes gravitacionale. Ekipi mati shpërndarjen e gravitetit përreth 33 mijë galaktikave për të testuar parashikimin e Verlindes dhe doli në rezultatin se matjet përputhen me teorinë.

Përqendrimi metanit në atmosferën e Tokës ka shënuar rritjen më të shpejtë të dy dekadave të fundit. Metani është një nga gazrat më të rrezikshëm të efektit serë që kërcënon të prishë ndryshimin e klimës dhe t’i bëjnë të kota përpjekjet për frenimin e rritjes së temperaturës në dy gradë Celsius.

Kërkuesit në Shtetet e Bashkuara të Amerikës kanë rënë në gjurmë të një geni te bakteret e identifikuara në derrat e një ferme i cili i jep rezistencë ndaj efekteve të një klase të tërë antibiotikësh. Geni i quajtur IMP – 27 u zbulua në një fermë, ndërkohë që asnjë prej derrave, të parashikuar për t’u therur nuk u konstatua i sëmurë. Kjo shton dyshimin sesi ka arritur aty ky mutacion, ndërkohë që kërkuesit sugjerojnë se superbakteri i konstatuar përbën kërcënim për njerëzit.

Shkencëtarë të universitetit të Cincinnati kanë zbuluar së fundmi një fosile bakteri të sulfurit që daton 2.52 miliardë vjet më parë. Kërkuesi Andreë Czaja, as. profesor në këtë universitet, sqaron se fosili është gjetur në Afrikën e Jugut dhe

ai hedh dritë mbi diversitetin e ekosistemeve të jetës që ekzistonin përpara Ngjarjes së Madhe të Oksidimit, koha e një evolucioni të madh atmosferik.