Blloku Shkenca

Një shpresë e re për pacientët që vuajnë nga kanceri vjen nga Rusia. Kërkuesit në këtë vend kanë propozuar një trajtim të ri bazuar mbi nanogrimcat që dëmtojnë më shumë qelizat kanceroze dhe veprojnë edhe ndaj qelizave që shfaqin rezistencë ndaj antibiotikëve. Këto nanogrimca përbëhen nga citokroma, enzimë dhe kariopilin, pjesë e membranës së brendshme mitokondrike të qelizës. Kërkuesit nga Universiteti i Mokës, Bostonit në SHBA dhe Akademia ruse e Shkencave provuan se këto nangrimca stimulojnë vdekjen e qelizave kanceroze duke vepruar në membranën e qelizës dhe në membranën mitokondrike.

Thinjat mund të sinjalizojnë faktor risku për goditje në arterite dhe koronaret e zemrës. Studimi është kryer mbi 545 meshkuj të rritur nga universiteti i Kajros në Egjipt, të cilët u përzgjodhën mbi kriterin e ngjyrës së flokëve.

Bluja egjipitiane, pigmenti sintetik I krijuar 5200 vjet më parë, mund të përdoret për identifikimin e shenjave të gishtërinjve në sipërfaqe të vështira, duke e përdorur atë si pluhur. Pigmenti që është përdorur në dekorime, u krijua nga nxehja e një mikstimi bakri, rëre kuarcore, gëlqere dhe alkaline si natrium. Shkencëtarët kanë zbuluar së fundmi se pigmenti emeton rrezatim infrared kur ekspozohet në një kënd të caktuar drite. Gjurmët e gishtave identifikohen duke lëshuar koncentrate pluhur mbi sipërfaqe të caktuara.

Shkencëtarët kanë zbuluar prova të thatësirave të rënda që ndodhën nën shtratin e Detit të Vdekur 10.000 vjet më parë dhe më shumë se 100.000 vjet më parë. Ata besojnë se gjetjet e tyre janë një paralajmërim i asaj që mund të ndodhë nëse parashikimet e ndryshimeve klimatike vërtetohen. 
Raporti, i publikuar këtë javë në revistën "Earth" është i bazuar në hulumtimet e shkencëtarëve nga gjashtë vende, duke përfshirë edhe Izraelin. Ai përfshin të dhëna mbi nxjerrjen e sedimenteve nga një thellësi prej 450 metra nën shtratin e Detit të Vdekur rreth gjashtë vjet më parë.

Një ekip prej 20 kërkuesish mendohet se kanë zbuluar portin e vjetër prej nga ku flota e koalicionit helen u përgatit për betejën e famshme të Salaminës. Mbetjet janë gjetur në gjiun Ampelakia në ishullin e Salaminës dhe ato dëshmojnë aktivitetin tregtër dhe ushtarak të kohës kur u zhvillua beteja, që është viti 480 p.e.s. Sipas Ministrisë greke të Kulturës, kërkimi u bë edhe nga ajri për të dokumentuar të gjitha strukturat e dukshme dhe mandej u krijua edhe një hartë nënujore e portit që do të lehtësojë kërkimet që do të vijojnë në vitin 2018.

Disa dëshmi okulare të dhëna në Queensland kanë nxitur shkencëtarët që të nisin ekspedita kërkimore për tigrin e Tasmanisë, i menduar se është zhdukur 80 vite më parë. Sipas të dhënave të derisotme, thylacine e fundit vdiq në vitin 1936 në Hobart, ai është zhdukur nga Austrialia 2000 vjet më parë, por siç raportohet, dëshmitë që flasin për “kafshë që duken si qenë, por që nuk janë as dingo dhe as dhelpra”, mund të ndryshojnë diçka.

Ndikimi i veprimtarisë njerëzore në ndryshimin e klimës mund të ketë nisur të japë efekte të jashtëzakonshme mbi motin dhe ndarjen stinore. “The Washington Post” raporton për një studim të fundit që krediton me gjetje të reja një ide që është konsideruar eksplozive: sipas saj, ngrohja e planetetit nuk sjell vetëm rritjen e valëve të ngrohta apo vëllimin e reshjeve, ajo ndryshon gjithashtu rrjedhën e motit. Ku supozim mbështetet në hipotezën se ndryshimi i klimës çon në ndryshim të modeleve të lëvizjes së ajrit në shkallë planetare duke provokuar një mot statik, pa dallime stinore.

Më shumë se dy të tretat e mutacioneve që shkaktojnë kancerin janë rezultat i gabimeve gjatë rikopjimit të ADN, proces që ndodh kur ndahen qelizat normale.Njerëzit kanë triliona qeliza, të cilat janë rigjenerohen vazhdimisht duke u ndarë dhe duke krijuar qeliza të reja. Çdo herë që ndodh ky proces shoqërohet me kopjimin e ADN-së. Shumica e gabimeve janë të padëmshme, por një numër i vogël i tyre ndikon tek gjenet që nxisin kancerin. Sudimi është kryer nga matematikani Cristian Tomasetti dhe gjenetisti Bert Vogelstein, nga Universiteti Johns Hopkins.

Shkencëtarët rusë kanë identifikuar 7000 fluska metani gati për të shpërthyer, në gadishullin Yamal dhe Gaydan në Arktik. Fluskat janë krijuar si pasojë e presionit të metanit nëntokësor që gjen daljen në sipërfaqe për shkak të rritjes së temperaturës dhe shkrirjes së akullit nëntokësore që shërben si kapak. Dukuria është e ngjashme me gropat e mëdha që u konstatuan në Yamal vitin e kaluar e që krijuan shqetësim të madh te komuniteti i shkencëtarëve. Shpërthimi i fluskave do të krijonte kratere të reja duke sinjalizuar se çfarë efekti sjell ndryshimi i temperaturës.

Jeta nis me shkëndija drite. Kjo shprehje mund të jetë legjtime tashmë edhe në sytë e shkencës, që ka arritur të kapë momentin “shkëlqyes” kur spermatozoidi kontakton vezën dhe aty zë fill konceptimi i jetës. Kërkues nga universiteti Northwestern në Chicago arritën të fotografojnë momentin e konceptimit të jetës në çastin e kontaktit duke konstatuar vezët e fekonduara një përftim ndriçimi.