Blloku Shkenca

Studimet e ADN-së hedhin dritë mbi një fakt që i jep siguri shkencore gjenealogjisë së homo spaiensit. Duke pranuar se paraardhësit tanë të parë kanë origjinuar nga Afrika dhe se para tyre Neandertali dhe njeriu Denisovian kishin nisur eksplorimin e botës, të parët homo spaines që e bënë këtë janë ata që sot i quajmë si Aborigjenët e Australisë. Të cilët kanë besuar gjithnjë se janë shoqëria më e vjetër në botë që vijon ekzistencën, çka tani ua konfirmon edhe shkenca.

Nuk kishte folur për 53 shekuj me radhë, por njeriu i ngrirë njeriu Otzias ( një mumje 5 300 vjeçare e  gjetur në vitin 1991 në një akullnajë në Alpet italiane) "thyen" heshtjen.  Studiuesit krijuan një model simulimi që përmban elementet e kordave vokale dhe gojës. "Sigurisht, ne nuk e dimë çfarë gjuhe fliste para 5000 vjetësh. Por ne jemi në gjendje të riprodhojmë timbra të zërit të tij, dhe unë shpresoj të simulojmë edhe mënyrën se si ai fliste "- deklaroi për CNN koordinatori i projektit,  Francesco Avanzini.

New Scientist shkruan se “Google” është duke përfunduar kompjuterin më të madh kuantik që ekziston sot. Faqja në fjalë i jep shumë rëndësi këtij zhvillimi, duke vlerësuar se kjo do të transformojë komunikimin, por edhe do të ndikojë shumë më gjerë. Kompjuteri pritet të jetë gati në fund të vitit që vjen dhe një lajm i tillë është i pakonfirmuar pasi kompania po mban shumë sekret planet e zhvillimit të tij.

Kërcënimet nga goditjet katastrofike të Tokës nga asteroidët janë reale. Këshilltari kryesor për shkencën i Presidentit të SHBA-së, John Holdren, deklaroi gjatë një diskutimi në Qendrën e Fluturimeve Hapësinore Goddard të NASA-s, se “ne nuk jemi plotësisht të përgatitur, por jemi në drejtimin e duhur për të arritur aty ku duam”. Sipas Holdren dy shembuj goditjesh janë një provë për ekspozimin e planeti dhe për rrjedhojë njerëzimit ndaj këti rreziku: shpërthimi i Tunguskas në vitin 1908 dhe shpërthimi i vitit 2013 në Chelyabinsk. Të dyja në Rusi.

KIC 8462852, ky është emri i yllit që bëri lajm vitin e kaluar. Vëzhguesit shohin prej tij pulsime të çregullta dhe një reduktim në ndriçim prej 20% në një shekull, diçka që nuk gjen ende shpjegim për shkakun. Të gjitha teoritë e hedhura, si një planet që pengon dritën, një re gjigande pluhuri, një përqendrim kometash, apo edhe një megastrukturë aliene, nuk kënaqin të gjitha dilemat.

Elon Musk po bën thirrje për ndihmën e gjithkujt për të shpjeguar dhe hetuar shkakun e shpërthimit të raketës Falcon 9 që shpërtheu më 1 shtator gjatë një testi. Miliarderi që është një nga financuesit më të mëdhenj të projekteve për të ardhmen, shkruajti një status në Twiter përmes të cilit kërkoi ndihmë:

“Nëse keni audio, foto apo video të anomalisë sonë të javës së shkuar, ju lutem dërgojini te report@spacex.com. Materiali mund të jetë i dobishëm për hetimin”, shkruan Musk.

Planeti xhuxh, apo asteroidi që ndodhet në sistemin tonë diellor, Ceres, duket se ka qenë gjeologjikisht aktiv deri vonë. Para disa kohësh u vunë re disa forma të ngritura në reliev që nuk dihet se çfarë ishin. Sot shkencëtarët në NASA mendojnë se ato janë pasojë e krio-vullkaneve, apo vullknaeve akullnajorë. Këta krijohen nga shpërthimi i elementëve të tillë si uji, amoniaku apo metani, të cilë ngrijnë sapo bien në kontakt me temperatura të ulëta për të krijuar profile gjeologjike në sipërfaqe.

Përmasa e trurit lidhet me inteligjencën e species njerëzore. Ky është një konstatim që konsiderohet si tregues i evolucionit të species tonë.
Por një studim i bërë së fundmi nga kërkues të universitetit të Adelajdes ka hedhur dritë mbi këtë dinamikë duke kuptuar kompleksitetin e saj.

Një ekip astronomësh nga universiteti i Yale ka zbuluar një klasë të re galaktikash të përbëra thuajse plotësisht nga Materia e Errët. Dragonfly 44 ndodhet në konstelacionin Coma dhe ka përmasën e Rrugës së Qumështit.

“Shumë shpejt pas zbulimit ne kuptuam se kjo galaktikë duhet të ishte diçka më shumë sesa ajo që dukej.  Ka aq pak yje saqë do të duhej të shpërbëhej vetëm nëse diçka e mbante”, thotë astronomi Pieter Dokkum.