Blloku Shëndeti/Dieta

Efektet negative të Covid-19 në qarkullimin e gjakut, të tilla si iktusi dhe tromboza, nuk vijnë vetëm për shkak të inflamacionit të shkaktuar nga infeksioni, por janë një pasojë e drejtpërdrejtë e veprimit të proteinës Spike. Ky është përfundimi i një studimi të botuar në revistën “Circulation Research”, i cili sugjeron që Covid-19 nuk është vetëm një sëmundje e frymëmarrjes, por gjithashtu, dhe ndoshta mbi të gjitha, një sëmundje vaskulare.

Drejtori ekzekutiv i kompanisë Pfizer, Albert Bourla ka deklaruar se brenda vitit tjetër do të jetë në treg një medikament antiviral që bllokon replikimin e Sars – CoV -2 që shkakton sëmundjen e CoVid-19.

Vëmendja është sidomos te barnat orale, sepse na ofron një seri avantazhesh. Një ndër ta është se nuk ke pse shkon në spital për të marrë trajtim…mund ta marrësh nga shtëpia. Kjo do ta ndryshonte lojën

Përtej viktimave, mbylljes dhe dëmeve të tjera, Covid-19 ka pasur edhe efekte pozitive. Një prej tyre është rritja e kontrollit mjekësor të mushkërive, që çoi në zbulimin e shumë rasteve të kancerit, në faza të hershme. Kirurgu Igor Khatkov, bashkëpunëtor i Shoqatës Amerikane të Kirurgjisë, i tha RT se pandemia e koronavirusit e ndryshoi rutinën e këtyre kontrolleve, duke rritur diagnostikimin e kancerit të mushkërive.

Ajo që shumë prej nesh e kalojnë shpesh nëpër mend është padyshim vdekja. Por studimi i ri i botuar në revistën “Nature” sugjeron që pikërisht mendimet negative mund të afrojnë vdekjen.

Më saktësisht, studiuesit zbuluan se aktiviteti më i lartë nervor ka efekt negativ mbi jetëgjatësinë. Aktiviteti nervor i referohet rrjedhës së vazhdueshme të energjisë elektrike dhe sinjaleve në të gjithë trurin. Aktiviteti i tepruar mund të shprehet në mënyra si: ndryshim i papritur i humorit, dridhje e fytyrës etj.

Ndërsa vijon gara e vaksinimit, mjekët dhe shkencëtarët po kthejnë vëmendjen te një numër gjithnjë e më i madh njerëzish, që njihen si pacientët e Covid-it të gjatë. Janë ajo kategori e njerëzve që vazhdojnë të ndiejnë simptoma shumë kohë pas ditëve ose javëve që konsiderohen normale për sëmundjen. Çuditërisht, këta pacientë janë në moshë të re në disa raste thjesht kanë vuajtur një formë të lehtë të sëmundjes.

Meshkujt gëzojnë më shumë imunitet nga Covid-19 në terma kohorë sesa femrat. Një studim i kryer në Uells ka zbuluar se burrat mund të krijojnë deri në tre herë më shumë antitrupa se gratë dhe kanë tendencë t'i mbajnë ato për një periudhë më të gjatë kohore.

Në funksion të studimit janë testuar 739 asimptomatikë në Universitetin Cardiff Metropolitan në korrik 2020 gjatë valës së parë të pandemisë dhe sërish tre muaj më vonë.

Pandemia e Covid-19 ka prodhuar të paktën një efekt pozitiv. Suksesi i vaksinës Pfizer dhe paratë që ajo ka gjeneruar do të shkojnë për luftën kundër kancerit. Özlem Türeci, shkencëtarja që themeloi kompaninë BioNTech -  thotë se brenda pak vitesh, bota mund të ketë vaksina kundër kancerit.

Në fakt, ky ka qenë objektivi fillestar i Türeci-t kur themeloi BioNTech.

Vaksinat e personalizuara janë ndër risitë e viteve të fundit në mjekësi. Një e tillë për melanomën, formën më vdekjeprurëse të kancerit të lëkurës, po rezulton e suksesshme dhe është vënë re se ruan efektet e saj në sistemin imunitar edhe disa vite pasi është injektuar te subjekti. Kjo shënon një hap tjetër në përpjekjet për ta përdorur sistemin imunitar si një aleat në luftën kundër kancerit të të gjitha llojeve.

Rastet e infektimit me Covid për së dyti u shfaqën që në valën e parë të pandemisë, kur bota ishte ende në karantinë. Por pak të dhëna ka pasur në lidhje me këtë fenomen të përhapur në të gjithë botën. Studimi i parë i përmasave të mëdha që i jep përgjigje shkencore pyetjes mbi riinfektimin është botuar këtë javë në “Lancet”. Sipas studimit, pjesa më e madhe e njerëzve që kanë Covid-19 janë të mbrojtur nga riinfektimi për të paktën 6 muaj.

Ngrohja globale nuk është i vetmi problem me të cilin njerëzimi do të përballet në dekadat e ardhshme. Shanna Swan, një nga emrat më të njohur në fushën e shëndetit publik, thotë se deri në vitin 2045, shumica e burrave mund të mos jenë më në gjendje të riprodhohen për shkak të ndikimit të kimikateve te hormonet.

Dhe për këtë, sipas Swan, pjesa më e madhe e botës nuk ka ndërgjegjësimin e duhur.