Blloku Shëndeti/Dieta

Shkencëtarë të Wellcome Sanger Institute në Kembrixh sugjerojnë në një studim të tyrin se arsyeja pse njerëzit vdesin rreth të 80-ave lidhet me përqendrimin e gabimeve genetike në këtë hark kohor të jetës. Në dallim nga gjitarët e tjerë, njerëzit jetojnë më gjatë dhe shpjegimi qëndron te përshpejtimi i gabimeve genetike. P.sh minjtë e Azisë Jugore jetojnë vetëm 6 muaj, disa balena arrijnë deri në 200 vjet.

Mikroplastika arrin deri në gjakun e njeriut. Shqetësimi i ngritur prej kohësh, për depërtimin kapilar të mikroplastikës duket se vërtetohet tashmë, pas një studimi të universitetit “Vrije” të Amsterdamit që ka shqyrtuar gjakun e 22 vullnetarëve përmes një teknike të re. Në 77% të rasteve të marra në shqyrtim, u identifikuan gjurmë mikroplastike me një përqendrim prej 1.6 µg/ml.

Ai që njohim si Covid i gjatë është objektivi i radhës i industrisë farmaceutike. Pas prodhimit të vaksinave dhe trajtimeve për Covidin akut në kohë rekord, studiuesit dhe prodhuesit e barnave po e zhvendosin fokusin te një kurë për Covid-in e gjatë.

Ekspertët e shëndetit publik dhe kompanitë bioteknike thonë se kompanitë e mëdha farmaceutike janë vendimtare për marrjen e një trajtimi të provuar për Covid-in, i cili aktualisht prek më shumë se 100 milionë njerëz, sipas Organizatës Botërore të Shëndetësisë.

Përdorimi i marijuanës mjekësore për të trajtuar dhimbjen, ankthin dhe depresionin nuk arrin t’i përmirësojë këto simptoma, por dyfishon rrezikun e zhvillimit të çrregullimit të përdorimit të kanabisit. Ky është konkluzioni i një studimi të kryer nga Spitali i Përgjithshëm i Massachusetts (MGH) në Shtetet e Bashkuara, i botuar në revistën JAMA Network Open. Studimi është kryer me 269 të rritur nga zona e Bostonit me një moshë mesatare prej 37 vjeç.

Karantina nuk ka pasur ndonjë efekt në uljen e numrit të vdekjeve nga Covid-19.

Një studim i kryer nga Universiteti Johns Hopkins arriti në përfundimin se karantina i ka reduktuar vdekjet me vetëm 2%.

Në këtë përfundim, studiuesit e John Hopkins arritën pasi shqyrtuan 24 studime të tjera.

Në vend që të parandalonte vdekjet, karantina pati ndërkohë një kosto të madhe ekonomike dhe sociale, kudo që ajo u imponua.

Disa ndryshime që ngjajnë me ato që shkakton Alzheimer janë vënë re në trurin e pacientëve që kanë ndërruar jetë për shkak të Covid-it. Këto anomali lidhen me akumulimin e një proteine ​​të quajtur tau, brenda qelizave të trurit dhe sasi jonormale të proteinës beta-amiloide që grumbullohet në pllaka amiloide. Në këtë përfundim kanë arritur disa studime të kryera së fundmi.

Për herë të parë, shkenca ka një përgjigje për shkakun e sklerozës së shumëfishtë. Edhe pse jo përfundimtare. Sëmundja e rëndë e karakterit neurodegjenerativ, që prek moshën më vitale të popullsisë dhe në mënyrë të veçantë femrat, vjen si pasojë e kombinimit të disa faktorëve, si gjenetikë, edhe mjedisorë. Por shkenca nuk ka mundur deri tani të japë një përgjigje të qartë për mënyrën sesi ndërveprojnë këta faktorë.

Një element që gjendet te pasta e dhëmbëve mund të shkaktojë inflamacion të zorrëve. Triklosani, antimikrobik që gjendet në pastën e dhëmbëve, lodrat dhe mijëra produkte të tjera njihej si toksik, por një ekip ndërkombëtar studiuesish i udhëhequr nga Universiteti i Karolinës së Veriut në Chapel Hill, Universiteti i Massachusetts Amherst dhe Universiteti Baptist i Hong Kongut identifikuan bakteret, madje edhe enzimat specifike, që shkaktojnë efektet e dëmshme.

Gjetjet u publikuan në Nature Communications.

Zemra e modifikuar gjenetikisht e një kafshe u transplantua për herë të parë me sukses te një njeri. Pacienti është 57-vjeçari David Bennett, i cili ishte skualifikuar si përfitues i një transplanti me procedurë standarde. Organi i ri në trupin e tij është zemra e një derri, e modifikuar gjenetikisht. Rasti provon se një procedurë e tillë mund të rezultojë me sukses në trupin e një njeriu, pa u refuzuar nga ky i fundit.

Sëmundjet autoimmune kanë nisur të përhapen me shpejtësi edhe në vende ku më parë kishte raste shumë të pakta. Një qendër kërkimore në Londër, Francis Crick Institute ka ngritur grupe për të kuptuar shkakun e kësaj përhapjeje në masë që duket se lidhet me dietën ushqimore perëndimore. 

Numri i raste të sëmundjeve autoimune nisi të rritej rreth 40 vjet më parë në Perëndim. Megjithatë ne po shohim tani shfaqjen në vende ku nuk ka patur më parë sëmundje të tilla