Blloku Politikë

Para disa ditësh, gjatë diskutimit në Parlament të projektligjin “Për Turizmin”, ministri i Ekonomisë, Arben Ahmetaj, debatoi me deputetët për disa pika. Një ishte heqja e kompetencave të pushtetit vendor në menaxhimin e pasurive të paluajtshme në zonat me përparësi turizmin. Një dispozitë kjo shumë problematike krahas asaj për shpronësimin që buron nga ligji “Për investimet strategjike”. Ministri në fjalë kishte një argument origjinal për të mbrojtur përqendrimin e kompetencave, ndonëse ligji tanimë është kthyer nga Presidenti.

Xhelal Mziu bëhet sërish lajm. Kësaj radhe, raportohet se kryetari i Bashkisë së Kamzës, ka refuzuar të paguajë komisionerët e majtë, pasi sipas tij, ata figurojnë debitorë ndaj bashkisë. Për këta komisionerë, Komisioni Qendror i Zgjedhjeve ka përcjellë shpërblimin për punën e bërë në kuadër të zgjedhjeve të 21 qershorit, por Mziu, ka menduar të mos e lëvrojë fondin, për shkak të debive ndaj zyrës së taksave në këtë bashki. Gazeta “Shqip” shkruan se edhe ata komisionerë të majtë që kanë marrë lekët, e kanë arritur këtë falë ndërhyrjeve faniljare.

Nuk është e qartë nëse ka debat, apo të dyja partitë e koalicionit, PS dhe LSI po përgatisin opinionin për një ndryshim në politikën fiskale, që ka të bëjë me tatimin e të ardhurave personale.

Kryeministri Edi Rama, i ka dhënë sot një intervistë gazetës “Dita”. Një nga çështjet e prekura është edhe situata brenda koalicionit qeverisës. Rama pranon se “furtunën brenda koalicionit” e dëshirojnë disa përveç opozitës. “Ka jo pak njerëz sot në opozitë që e ëndërrojnë një furtunë të kësaj natyre. Por nuk mungojnë as njerëz brenda vetë koalicionit që e dëshirojnë diçka të tillë. Për arsye të ndryshme, por që emërues të përbashkët kanë përgjithësisht pakënaqësirat personale.

Duket se e pabesueshmja bëhet e besueshme sa hap e mbyll sytë në Shqipëri. Një portal, “droni.al”, publikon sot foto të vendimit të Gjykatës së Lartë që urdhëron Prokurorinë e Përgjithshem të nisë hetimin ndaj kryeministrit Edi Rama, me akuzën e “Keqpërdorimit të thirrjeve telefonike”. “Droni.al”, i referohet vendimit, pjesës arsyetuese dhe paraqitjes së dinamikës së ngjarjes që në thelb është kërcënim apo fyerje nga kryeministri(nga numri i tij celular) ndaj shtetasit S.H që ka bërë kallëzimin. “Në gusht të vitit 2014 shtetasi S. H.

Në një intervistë për ADN (Albanian Daily News) Presidenti Bujar Nishani ka përshkruar punën e institucionit të tij në një atmosferë injorimi dhe tejkalimi të përcaktimeve kushtetuese nga ana e qeverisë. Nishani akuzon se është mënjanuar qëllimisht prej shumicës. Sipas Nishanit, “Presidenti i Republikës ka edhe një detyrë shumë të rëndësishme e cila në jetën e përditshme kalon si “e pa dukshme” por ka një rëndësi fondamentale: balancimin e pushteteve.

Presidenti i Republikës, pritet të rikthejë edhe ligjin e ri “Për arsimin e lartë”. Kështu raporton “Tv Klan”, që referon burime nga presidenca. “Presidenti i Republikës pritet të shprehet brenda kësaj jave për ligjin e Arsimit të Lartë, i miratuar vetëm me votat e maxhorancës në fund të Korrikut në parlament. Burime të Televizionit Klan mësuan se pas konsultimeve të shumta me të gjitha palët e interesuara, kreu i shtetit do ta rikthejë ligjin për rishqyrtim në Kuvend”, raporton “Tv Klan”. Pak ditë më parë Bujar Nishani ktheu edhe ligjin “Për turizmin”.

Shqiptarja.com njofton se Partia Socialiste ka ngritur përmes Asamblesë një grup pune i cili do të punojë për ndryshimet statutore. Një nga pikat e rëndësishme ku pritet të ndërhyhet, është ajo e konfirmimit që nëse kreu i partisë fiton zgjedhjet parlamentare, ai nuk ka nevojë t’u nënshtrohet zgjedhjeve brenda partisë për të rikonfirmuar mandatin e drejtuesit. Kjo është në fakt diçka që kryetari Rama është duke konsumuar ndërkaq, në shkelje të statutit aktual.

Në kuadrin e “shtrëngimit të lejeve të ndërtimit” derisa bëhen planet e reja për 61 bashkitë, do të lejohen ndërtimet në 14 bashki të vendit, por në zona të përcaktuara dhe me kushte të veçanta, thotë Shqip. Dhe në këtë rast, për pallatet mbi 6 kate lejet e ndërtimit nuk do i japin bashkitë, por vetë kryeministri Edi Rama në emër të Këshillit Kombëtar të Territorit. Njësitë vendore ku mund të jepen leje ndërtimi janë Tirana, Fieri, Durrësi, Himara, Berati, Lushnja, Kamza, Mamurrasi, Shkodra, Rrogozhina, Vora, Fushë-Kruja, Bulqiza dhe Korça.

Gazeta “Dita” shkruan sot në kopertinë se ministri i Brendshëm, Saimir Tahiri, po i kalon pushimet në Korfuz të Greqisë. “Dita” shkruan se Tahiri ndohet në hotel “Imperial” që sipas gazetës i ka çmimet që varjojnë nga 1400-3000 euro nata. Bëhet fjalë për një hotel luksoz, arsye që e shtyn gazetën të hapet sot me këtë çështje e të ngrejë disa pyetje: Sa i kushtojnë pushimet Sajmirit? Si i paguan ministri pushime kaq të shtrenjta? Dhe pyetja tjetër që ngjan disi e pazakontë: Me kë ndodhet ai në Korfuz?