Blloku Politikë

Pasi kaloi frikën e zakonshme për të, pasi pa se protesta e mbylli ditën, Edi Rama, kryeministri i Shqipërisë, u shfaq me një status prej kristiani të mirë në Facebook. “Ç'shemti e trishtueshme, mu ne Diten Kombetare te Rinise, te shohesh PD e sotme te mbytur ne pellgun e nje vandalizmi mizerabel, teksa kujton levizjen studentore qe shembi regjimin komunist e i dha jete vete Partise Demokratike, pa thyer asnje xham.

Nga një analizë e bërë me anë të Google Earth Pro, rezulton se në protestën e sotme të opozitës marrin pjesë rreth 30 mijë veta. Analiza ështe bërë për çdo sektor të veçantë të bulevardit Dëshmorët e Kombit, sipas dendësisë së çdo sektori.

Siç ka ndodhur edhe gjatë kohës kur PS-ja ishte në opozitë, pritet që opozita aktuale të deklarojë një pjesëmarrje 10 fish më të lartë dhe qeveria ta pjestojë atë me tre.

Re.Pu.

Shtetet e Bashkuara janë kujdesur të përcjellin një mesazh në Ditën Kombëtare të Rinisë, duke i njohur meritat për tranzicionin demokratik edhe ish-funksionarëve të guximshëm të Partisë së Punës. Sekretari amerikan i Shtetit, John Kerry në emër të Presidentit Obama thotë se ky tranzicion historik është mbeshtetur nga udhëheqësit e lëvizjes studentore, është përforcuar nga qytetarët që marshuan dhe demonstruan kundër diktaturës dhe është ndihmuar nga ish-anëtarët e guximshëm të partisë, të cilët ndihmuan në vendosjen e sundimit popullor.

Që qeveria shqiptare është e afektuar me modelet britanike këtë e provon afërsia e kryeministrit Rama me këshilltarin e tij falas, ish-kryeministrin Tony Blair dhe një sërë qasjesh me sistemet anglosaksone të reformave në arsim apo shëndetësi. Përveç kësaj Alister Cambell sapo ka mbaruar një libër ku ka përfshirë edhe liderin socialist shqiptar Edi Rama. Deri këtu gjithçka mbetet në prirjet e kryeministrit për mënyrën si pëlqen të bëjë politikë dhe të qeverisë vendin.

Partia Socialiste është larg të qenit partia e dikurshme e strukturave funksionale, ku jepej llogari dhe shtroheshin çështjet për zgjiedhje me vendimmarrje kolegjiale. Deputetja e kësaj partie, Arta Dade, njëkohësisht kryetare e Komisionit Parlamentar me Jashtë, thotë në një intervistë në emisionin “5 pyetje nga Babaramo”, se kjo analizë dhe kjo kërkesë llogarie nuk po ndodh edhe kur vjen rasti për akuza të shumta nga opozita. “Është gjëja më normale që kur ka sensibilizim të opinionit publik nuk ka përse të mos ndërhyhet.

Ndryshe t’i shohësh gjërat nga lart dhe ndryshe nga poshtë. Nëse Shqipëria nga sivjet ka dalë jek e jek me borxhin, kjo vlen vetëm sa për statistikë. Pavarësisht vlerës që kanë për qitapet e shtetit, statistikat as nuk hahen e as nuk pihen.

Edhe vetë kryeministri e ka pranuar se kjo nuk ka impakt të drejtpërdrejtë e të menjëhershëm në buxhetin e çdo familje, por është një garanci që sipas tij ashtu si edhe në sektorët e tjerë hemorragjia tanimë është ndalur dhe operacioni i reformave ka filluar të japë rezultate.

Ka ndërruar jetë sot në moshën 76 vjeçaare, Imzot Rrok Mirdita, drejtues i konferencës ipeshkvnore të Shqipërisë prej disa vitesh. Rrok Mirdita ka lindur në Këllezen të Ulqinit (Mal i Zi), më 28 shtator 1939. Shkollën fillore dhe të mesme e ka ndjekur në vendlindje. Ka kryer Liceun Klasik dhe studimet filozofike dhe teologjike në Zagreb. Ai u vendos në krye të kishës katolike shqiptare në fillim të viteve 1990 pas shumë vite shërbimi në SHBA pranë bashkësive shqiptare. 

Një ditë më parë Alfred Peza në rolin e "tellallit" partiak të Partisë së re Socialiste tha se Lulzim Basha duhet të bindë ata që nuk e duan brenda Partisë Demokratike. Eshte një informacion që nuk e ndan vetëm selia e e partisë në pushtet, por janë të shumtë zërat që konfirmojnë një klimë përçarje në Partinë Demokratike. Pas Eduard Selamit që deklaroi se lidershipi i opozitës nuk frymëzon, edhe Arben Imami, një nga zërat e rëndësishëm të Partisë Demokratike, thotë se shqiptarët nuk shohin shpresë as tek opozita.

Kryeministri Edi Rama ka qenë dje në Kukës ku ka zhvilluar disa takime me banorë dhe ka folur për situatën ekonomike në vend. Edi Rama ka deklaruar se kjo që po ndërmerr qeveria është një kurs i vështirë reformash, të cilat do të japin efekt pozitiv ndryshues për 20 vitet e ardhshme. Energjia, taksat, formalizimi, edhe ai i bujqësisë, janë sipas tij hapa të domosdoshëm për t’u quajtur shtet normal, por edhe për të çliruar energji në ekonomi. Formalizimi në bujqësi lidhet me akordimin e fondeve dhe në këtë kuptim, nisma e qeverisë nuk pse t’i trembë fermerët.