Blloku Politikë

Referendumi që sugjeroi Edi Rama, si mënyrë për votëbesimin e tij si kryetar, mund të zhvillohet pas Kongresit të 19 marsit. “ABC News”, citon burime të kësaj partie që thonë se procesi do të zbatohet sipas statutit të ri që parashikohet të miratohe në Kongres dhe se ai në fakt mund të jetë në formën e një pyetjeje që lidhet me qenien ose jo të Ramës si kryetar i PS-së. “Referendumi mes anëtarësisë së Partisë Socialiste, i kërkuar nga Edi Rama në lidhje me mandatin e tij të kryetarit, duhet të thirret brenda datës 18 prill, gjithnjë nëse Kongresi do ta miratojë atë.

Prokuroria e Përgjithshme ka krijuar së fundmi strukturën e posaçme që do të zbatojë ligjin e dekriminalizimit. Kreu i këtij institucioni, Adriatik Llalla, ka urdhëruar ngritjen e “strukturës së posaçme - Sektori i Verifikimit të Integritetit – e cila do të përbëhet nga dy prokurorë, tre oficerë të Policisë Gjyqësore dhe një specialist IT”, raporton Top-Channel.

Ligji parashikon vetëdeklarimin nga subjektet dhe mandej është organi i akuzës që ngarkohet me verifikimin e tyre, një hap që shkon përtej lojës symbyllur të  “dëshmisë së penalitetit”. 

Asambleja kleriko-laike e Kishës Orthodhokse Autoqefale të Shqipërisë ka kërkuar përmes një deklarate që objektet e kultit që i përkasin t’i kthehen në administrim kishës. Shkak për këtë mesazh është jo vetëm ligji që ia njeh KOASh-it këtë të drejtë, por edhe shfrytëzimi i mjediseve të objekteve në fjalë për aktiviteteve që siç thuhet në deklaratë fyejnë ndjenjat e besimtarëve.

Futja e diskutimit të reformës në drejtësi në një shtrat tenkik nuk garanton tymin e bardhë që ndërkombëtarët presin të dalë në Tiranë. Drejtori i Zyrës për çështjet e Evropës Jugore dhe Qendrore në Departamentin Amerikan të Shtetit, Thomas Yazdgerdi sugjeron një kompromis politik mes palëve. “Në politikë, siç e dimë të gjithë, për të patur sukses, duhet të bësh kompromis. Të dyja palët duhet të bisedojnë.

Mediat raportojnë sot se në mbledhjen e Grupit Parlamentar është diskutuar edhe dërgimi në Gjykatën Kushtetuese të çështjes së mandatit të deputetit, të Koço Kokëdhimës. Sipas raportimeve të ndryshme, ky i fundit ka shprehur pakënaqësinë që kolegët e tij miratuan dërgimin në Gjykatë të vlerësimit të konfliktit të interesit të tij në raport me mandatin.

Ministri i Drejtësisë Ylli Manjani është treguar i ashpër me gjyqtarët, duke i cilësuar ata pjesë e mashtrimit dhe përgjegjës për situatën në të cilën ndodhet sistemi i drejtësisë në vend. Manjani ka shfrytëzuar prezencën e tij në takimin e zhvilluar për ndërgjegjësimin e dënimeve alternative nga shërbimi i provës dhe prezenca e OSBE-së në qytetin e Durrësit.

Deputeti socialist Koço Kokëdhima, praktikisht njeriu me më shumë influencë dhe ndikim te kryetari Edi Rama ka zhvlerësuar deklaratën e Pandeli Majkos se mund të shkohet në zgjedhje të parakohshme. Ai ka dhënë një sinjal LSI-së se nuk duhet të marrë seriozisht profecitë e Pandeli Majkos, i cili lobon dukshëm për të qenë një nga kandidatët për President i Republikës, post të cilin e synon edhe Ilir Meta. Në një interevistë për emisionin “Tonight”, Kokëdhima deklaroi se zgjedhjet e ardhshme do të jenë në 2017 “Nuk ka asnjë arsye të ketë zgjedhje të parakohshme. Të mos bëjmë profecira.

Majko hodhi gruin e zgjedhjeve të parakohshme dhe PD-ja, apo një pjesë e saj po i rend nga pas. Edi Paloka, kryetar i Grupit Parlamentar të PD-së, deklaroi sot në një prononcim për Top-Channel, se reforma në drejtësi është mirë të bëhet pas zgjedhjeve të parakohshme. “Ka edhe një rrugë tjetër. Ka zgjedhje dhe pastaj reformë. Sepse përderisa kemi qartazi vullnet të munguar nga Edi Rama për të bërë edhe reformën në drejtësi, pse jo, këtë reformë mund ta bëjë Parlamenti i ardhshëm me një vullnet të plotë”, tha Paloka. A mund të jetë ky skenar real?

Shqipëria mund të përdorë edhe ushtrinë për të kontrolluar vijën kufitare në rast të një fluksi të mundshëm refugjatësh nga Greqia. Drejtori i Përgjithshëm i  kufirit në policinë e shtetit Genc Merepeza dekalroi se aktualisht pikat doganore dhe rrugët ku mendohet se mund të lëvizin ata, po kontrollohen nga policia, e cila i ka shtuar sherbimet. “Në rastet që është e papërballueshme nga policia kufitare do aktivizohen të gjithë përfaqësuesit e autoriteteve që veprojnë.

Pë të prodhuar të ashtuquajturin “sukses” të reformën në drejtësi Donald Lu po ndjek rrugën e takimeve interactive më të dyja palët. Zgjidhja pritet të vijë pikërisht nga angazhimi direkt i ambasadorit Lu në negocimin mes palëve për të gjetur rrugën sesi do të procedohet më tej deri në hartimin e projektligjit final të ndryshimeve kushtetuese si pjesë e Reformës në Drejtësi. Burime I thanë gazetës Mapo se ambasadori amerikan është garancia e vetme për të arritur në një draft konsensual.