Blloku Politikë

Protesta e paralajmëruar në Himarë është zhvilluar në mënyrë paqësore dhe pa incidente. Nga materiali video që është publikuar nga televizoni lokal “sarandweb”, përcillen disa elementë që mund të nënvizohen:

Një ditë më parë Partia Socialiste zyrtarizoi kandidaturën e Muharem Ramës për bashkinë e Dibrës. Një emër i minutës së fundit, pasi për kandidat ishte përfolur drejtori i tatimeve të Qarkut të Dibrës, Dionis Imeraj. Muharem Rama është mjek dhe nga sa mësohet ka patur pëlqimin e vetë kryeministrit. Por pyetja që bëhet është sa të vështirë do ta ketë mjeku socialist të tejkalojë efektet që la mbrapa “pelivani” Shukri.

“Vizion Plus” raporton për një raport sekret të agjencive ligjzbatuese përpiluar nga shërbimet partnere të Shqipërisë. 363 zona të identifikuara, një infrastrukurë njerëzore dhe logjisitike e konsoliduar që e ka kthyer vendin tonë në një republikë të kanabisit. Raporti flet për bashkëpunim të trafikanëtëve me drejtues dhe punonjës të policisë, çka e ka kthyer kultivimin dhe trafikimin e kanabisit në një aktivitet të përmasave industriale. Dhe si për çudi asnjë zhurmë nga mediat ndërkombëtare, ndërkohë që Lazarati, një fshat i vetëm u trumbetua sikur të ishte kërthizë e çdo të keqeje.

Partia Demokratike ka reaguar sot lidhur me prishjen e fasadës deh bazorelievit në stadiumin “Qemal Stafa”. Sipas PD-së me këtë akt janë shkelur ligjet dhe rregulloret në funksion të interesave private.

Presidenti i Republikës nuk do të hedhë shortin për zgjedhjen e anëtarëve të Këshillit të Emërimeve në Drejtësi brenda 16 Gushtit. Kushtetuta e re ia kërkon Nishanit që të hedhë shortin pesë ditë pasi ka hyrë në fuqi, por për të bërë këtë gjë, kreut të shtetit i duhet të bazohet në ligjin organik për Këshillin e Emërimeve, i cili ende nuk është miratuar.

Shqipëria ka pësuar rënie në treguesin e lirisë së shtypit krahasuar me një vit më parë. Në raportin e “Reporterët pa kufijë”, vendi ynë është ulur me 1.5 pikë, çka përbën një zhvillim jo pozitiv. Një tjetër problem është vënë re në moszbatimin e ligjit për të drejtën e informimit, i cili u miratua nga qeveria e tanishme me të ardhur në pushtet.

Kryetarja e KQZ do të kallzohet penalisht nga KLSH për shpërdorim me detyrën. ky është kallëzimi i dytë penal ndaj Luzit. Ajo është kallëzuar penalisht edhe në 2013 “Kërkesa për ndjekje penale të 4 anëtarëve të KQZ-së ishte bërë nga ministri aktual, Damian Gjiknuri, asokohe sekretar për Çështjet Zgjedhore në PS. Sot kallëzimi vjen nga KLSH ose Bujar Leskaj, i afërt me Partinë Demokratike. Mesa duket Luzi është bërë e papëlqyeshme për të dyja palët dhe ky kallëzim ndoshta i paraprin një shkarkim të saj.

Përplasja e qeverisë me banorët e Himarës pritet të përshkallëzohet. Ditën e dielë janë parashikuar protesta për të kundërshtuar projektin që parashikon prishjen e disa objekteve në qendër të qytetit.

Përpjekjet e aktivistëve në ndihmë të familjeve të zonës së Bregut të Lumit që po përballen me rrezikun e shembjes së shtëpive dhe barakave të tyre modeste pa dëmshpërblim nga ana e Bashkisë së Tiranës duket se e kanë shqetësuar kryebashkiakun Erion Veliaj, aq sa ky i fundit i ka kërcënuar aktivistët me “përballje me drejtësinë” pasi i ka akuzuar se po i shkaktojnë bllokim të punimeve.

Skenari i qeverisë teknike, formalisht si kusht për zgjedhje të lira, zyrtarizohet si axhendë kryesore e opozitës parlamentare. Në një prononcim për “AbcNews”, kreu i Partisë Demokratike, Lulzim Basha, ka deklaruar se qeveria teknike është e vetmja mënyrë për të siguruar integritetin e zgjedhjeve.