Blloku Politikë

Pas mbledhjes së kryesië, Ilir Meta, ka folur për qeveri besimi, për dialog dhe për mospërfshirje të policisë në zgjedhje. Asnjë kërkesë direkte, asnjë kusht i lexueshëm për publikun. Më poshtë video:

Darka e djeshme mes drejtuesve të koalicionit qeveritar ka përcjellë disa mesazhe, por asnjë qëndrim zyrtar. Së pari ai ka konfirmuar vijimin e bisedimeve për rikonfirmimin e aleancës, në emër të pushtetit dhe zbatimit formal të programit të dakordësuar. Ky është versioni empirik që rrjedh nga fakti i takimit informal. Mesazhi i dytë lidhet me shoqëruesit: Erjon Veliaj pranë kryeministrit Edi Rama është evidentuar si njeriu më afër kryeministrt dhe kryetarit të PS-së, me nënkuptimin e pasuesit të tij.

Në kulmin e debatit mbi situatën e drogës dhe ngërçit politik që ka mbërthyer vendin, në Tiranë shfaqet ish-ambasadori amerikan Aleksandër Arvizu.  Në cilësinë e zëvendës/ndihmës Sekretarit amerikan të  Shtetit për çështjet e trafikut ndërkombëtar të narkotikëve, Arvizu është takuar me Lulzim Bashën dhe Ilir Metën. Vizita e tij në selinë e Partisë Demokratike është një lloj konfirmimi për shqetësimin e ngritur nga opozita për çështjen e trafikut të drogës.

Zgjedhjet e Kavaajës po shndërrohen në një test përgatitor për zgjedhjet e përgjithshme që mbahen së afërmi. Kjo mund të shihet në qëndrimet e Lëvizjes Socialiste për Integrim që vlerëson te përballja e vetme PS-PD në një zonë që konsiderohet tradicionalisht bastion i së djathtës po që në vitin 2015 ndryshoi kah, një mundësi për të evidentuar peshën që ka.

Ministri i Jashtëm i Shqipërisë, Ditmir Bushati, i ka dhënë një intervistë “Euractiv”. Ai është pyetur për bojkotin e opozitës, për reformat dhe zgjedhjet. Përbën interes një koment i ministrit që e sheh kundërvënien aktuale ndaj reformës në drejtësi si pjesë edhe të investimit të Rusisë për të ruajtur status quonë.

Një darkë pas së cilës u fokusua vëmendja e të gjitha mediave, duket se ka qenë kurorëzimi i një marrëveshje të re politike mes Edi Ramës dhe Ilir Metës për të qeverisur Shqipërinë edhe në 4 vitet e ardhshme. Mund të ishte firmosur pa zhurmë dhe show, por mesa duket dy krerët e koalicionit ishin kujdesur edhe për simbolikën e takimit që u mbajt për më shumë se 4 orë në një restorant peshku në zonën e Pazarit të Ri. Të paktën kështu raportojnë mediat informative Ora News dhe News 24 që i referohen burimeve nga takimi, për të cilin vetë protagonistët nuk folën.

Me një orë vonesë në komunikimin e fundjavës kryeministri nuk lëvizi nga pozicioni i tij për t’u futur në zgjedhje edhe pa opozitën. Ai theksoi se qeveria nuk ka ndërmarrë asnjë masë që pengon ushtrimin e rolit të opozitës në jetën demokratike të vendit dhe se deri më tani nuk është ndërmarrë asnjë hap për ndryshime në Kodin Zgjedhor pa Partinë Demokratike. Bashkë me mesazhin se nuk ka ndërmend të tërhiqet, Rama bëri një prognozë edhe për partinë ku ka milituar edhe vetë për disa orë në fillim të viteve 90.

Koço Kokëdhima, drejtues i lëvizjes “Zgjidhja” që operon brenda PS-së, ka menduar t’i drejtohet Asamblesë së partisë me një letër. Letër të cilën e ka bërë publike. Mes të tjerave, Kokëdhima vlerëson se PS-ja ka hyrë në një fazë mbylljeje, distancimi nga realiteti, duke u bërë pengesë për çuarjen përpara të proceseve që ka nevojë vendi. Kritika dhe akuza i është drejtuar lidershipit, Edi Ramës personalisht, aq sa sipas Kokëdhimës, PS-ja sot është një bashkësi parapolitike.

Kryeministri i vendit i shndërruar në superstarin e studiove televizive brenda dhe jashte vendit ka shpjeguar në Asamblenë e Partisë Socialiste rëndësinë që ka LSI për atë personalisht dhe Partinë që drejton. Rezymeja është se partia e Ilir Metës pavarësisht se çfarë thotë, i ka shërbyer reformave që kanë çuar Shqipërinë përpara, ndaj dhe sipas Ramës koalicioni PS-LSI duhet të vazhdojë. 

Sekretari Amerikan i Shtetit, Rex Tillerson ka kërkuar nga vendet e NATO-s të përmbushin objektivin e GDP-së për shpenzimet e mbrojtjes. Qëllimi është që në samitin e ardhsmë të NATO-s në muajin maj, në të cilin do të marrë pjesë edhe presidenti amerikan Donald Trump, aleatët duhet të përmbushin angazhimin e tyre për shpenzime në nivelin 2% të GDP-së, ose të kenë paraqitur plane të sakta për kohën kur do të arrihet ky objektiv. I menjëhershëm ka qenë reagimi i ministrit të jashtëm gjerman, Sigmar Gabriel. “Shpenzimet e mbrojtjes 2% janë ekuivalente me 70 miliardë euro..