Blloku Politikë

Në kuadër të Samitit të NATO-s në Bruksel, kryeministri Rama pati një takim me homologun grek Alexis Tsipras. Në takim morën pjesë dhe dy ministrat e Jashtëm Bushati dhe Kotzias.Sipas ministrisë sonë të Jashmte, dy kryeministrat nënvizuan natyrën dhe rëndësinë strategjike të  marrëdhënieve shqiptaro-greke dhe rolin e miqësisë mes të dy popujve si urë paqeje e stabiliteti ne mbarëvajtjen e integrimit euro-atlantik të rajonit.

Pas mbylljes së çadrës Basha i është futur me kokë listave të PD-së për zgjedhjet e 25 qershorit. Ai pati dje një takim me kordinatorët e qarqeve për t'u njohur me propozimet e strukturave të PD-së për listat e kandidatëve. Por teksa ky proces nuk është finalizuar, Basha ka përmbyllur "pazarin" e dytë të çadrës. Aleatët e partive të vogla që u futën në çadër do të futen në siglën e PD-së në zgjedhje përderisa në këto zgjedhje nuk garohet me koalicione. Basha u ka siguruar vende të sigrta në listën e PD-së.

Turi ballkanik i zv.ndihmës sekretarit amerikan të Shtetit, Hoyt Brian Yee nuk ka përfunduar. Ai ndodhet në Serbi në një vizitë që është komentuar shumë nga mediat vendase. Në një intervistë për “European Western Balkans” dhe “Tanjug”, Yee nuk ka dhënë shumë hollësi rreth vizitës, por presidenti i Zgjedhur, Aleksander Vuçiç, deklaroi se zyrtari amerikan ka dorëzuar ndër të tjera një ftesë të zv.presidentit amerikan Mike Pence për Vuçiç që të vizitojë SHBA.

Kreu i grupit parlamentar socialist ose numri dy i Partisë Socialiste, Gramoz Ruçi u takua dje me të rinj që votojnë për herë të parë, duke u kërkuar votën. Ish-sekretar i Partisë së Punës dhe ish-ministër i Brendshëm në kapërcyellin e diktaturës dha konsiderata për të dy kohët ku ai ka milituar me të njëjtën parti, duke përcjellë edhe këshilla për brezin e ri jo vetëm si të sillet në jetën e përditshme, por edhe si të hedhë votën në kuti, kësaj rradhe për demokracinë.

Shqipëria shpreson të hapë negociatat e anëtarësimit në muajin dhjetor. Ky të paktën është projeksioni i kryeministrit Rama i shprehur pas një takimi në Bruksel me shefen e diplomacise europiane, Federica Mogherini. 
Rama deklaroi se i ka kërkuar BE-së të përgatitet për hapjen e negociatave të anëtaresimit me Shqiperinë. "I thashë Mogherinit dhe Bashkimit Europian që qeveria dhe opozita që do dalë nga zgjedhjet e 25 qershorit do kërkojnë me nje zë hapjen e negociatave të anëtaresimit"- theksoi kryeministri. 

PDS-ja e Paskal Milos ka firmosur marrëveshje me LSI-në, një ditë pasi PS-ja kërkoi mosregjistrimin e partive të vogla në zgjedhje me synim maksimalizimin e votës. Kjo është çarja e dytë majtas pas deklaratave të Skënder Gjinushit dhe betejës së Tom Doshit, kandidat i PSD-së, për të fituar të drejtën e kandidimit nga KQZ-ja.

Kreyefjala është fushata dhe në terren ka nisur puna për të mbledhur vota. Ndaj dhe gjuha e drejtëpërdrejtë ndonjëherë është më e kuptueshme sesa fjalimet butaforike për mrekullitë që do ndodhin më pas. Këtë e ka kuptuar më së miri kryetari i Bashkisë së Tiranës, Erion Veliaj i cili në gjuhën popullore votën për Partinë Socialiste e ka quajtur “votë për sajdisje”. Edhe më e pacipë mund të quhet kjo që bën si kryetar bashkie. Në këmbim të këtij nderi që e ka kërkuar personalisht ai ka bërë një ofertë publike që mund të quhet ndryshe edhe Pazar publik me taksat e bashkisë.

Çfarë është kanabisi? Drogë? jo, është mall tregu nga i cili shteti merr para. Meqenëse qeveria për dy vjet ishte në embargo, kryeministri mendoi që të fuste kanabisin në treg. Këto thotë Spartak Ngjela, një nga apologjetët më të mëdhenj të kësaj qeverie, mik i kryeministrit. 

Në muzeun e Shtëpisë me Gjethe, inauguruar këto ditë, shfaqet edhe Gramoz Ruçi, si ministër i fundit i regjimit Komunist, për çështjet e brendshme. Ruçi vazhdon ndërkohë të jetë një nga figurat kryesore të PS-së, pro reformave. 

Fushata ka filluar dhe nga partia më e madhe që finalizoi me sukses katërvjeçarin duke bashkëqeverisur me Partinë Demokratike vijnë leksione që kanë të bëjnë me ndershmërinë dhe dobishmërinë e votës. Kuptohet në fushatë defiçiti i atyre që thuhen është i madh, po morali mesa duket që vjen nga pushteti në këto zgjedhje është "bëj çfarë them unë, po mos bëj si bëj unë". Ja çfarë u thotë ish-ministri i Brendshëm Tahiri qytetarëve në Kasharit: