Blloku Politikë

A shqetësohet vërtet BE-ja për Ballkanin Perëndimor? Pyetja që ka nsiur të dalë në pah si temë diskutimi në kushtet kur unioni ka braktisur shumë nga politikat e veta është shtruar për diskutim me disa ekspertë nga “Carnegie Europe”, një ndër qendrat kryesore të studimit dhe kërkimit për çështje të politikës dhe sigurisë. Pyetja ka fituar rëndësi pasi ajo reflekton dilemën e rajonit tonë që nga një anë synon integrimin, por nga ana tjetër lexon se nuk është shumë i dëshiruar. Ekspertët që janë pyetur janë nga disa vende.

Një tensionim i mëtejshëm i situatës në Maqedoni deri në përplasje civile është një skenar që po diskutohet.Në të njëjtën kohë, sipas "Ethnos" Komisioni Evropian ka ndërmarrë ditët e fundit iniciativën për të ngritur  në Shkup zyrën e menaxhimit të informacionit ku përfaqësohen të gjitha shtetet anëtare të BE-së, me diplomatë  apo zyrtarë të policisë.

Lulzim Basha ka kërkuar një takim urgjent me përfaqësues politikë të Departamentit Amerikan të Shtetit, pas deklaratës së 20 prillit të zv. sekretarit për çështje politike në DASH, Tomas Shannon. Shannon u kërkoi partive opozitare që të merrnin pjesë në zgjedhjet parlamentare të 18 qershorit-deklaratë që e shtyu Bashën ta akuzojë zyrtarin amerikan si mbështetës të Edi Ramës, raporton BIRN.

Koço Kokëdhima, kryetar i lëvizjes “Zgjidhja”, ka menduar të dalë sot me një editorial të vetin që merret me trajtimin e krizës politike në vend. Editoriali shfaqet në ditën kur është njoftuaar takimi mes kreut të PD-së dhe kryeministrit Edi Rama, mes të cilëve Kokëdhima, duket se zgjedh të parin në funksion të kauzës së zgjedhjeve të lira.

Joseph Daul, zv. President i PPE-së dhe Johannes Hahn, Komisioneri për Negociatat e Zgjerimit dhe Fqinjësisë në Bashkimin Evropian, kanë zhvilluar sot një videokonferencë me Grupin Parlamentar të Partisë Demokratike.

 Videokonferenca përbën akt të pastër ndërmjetësimi dhe presioni ndaj PD-së të cilës i kërkohet të shmangë bojkotin e zgjedhjeve dhe të miratojë paketën e McAllister, e cila siç u tha para disa ditësh kur politikani gjerman ishte në Tiranë parashikonte:

Ambasadorja gjermane në Shqipëri, Susanne Schütz ka deklaruar sot se qeveria e saj do ti njohë zgjedhjet e 18 Qershorit edhe nëse në to nuk do të marrë pjesë Partia Demokratike. “Zgjedhjet duhet të zhvillohen në datën e caktuar. Nëse PD nuk hyn në zgjedhje është vendim i trishtë. Edhe nëse PD nuk hyn në zgjedhje ne do ti njohim”, ka deklaruar  Susanne Schütz. Pak ditë më parë ishte ambasadori amerikan, Donald Lu, i cili tha se zgjedhjet do të jenë legjitime edhe nëse në to nuk merr pjesë Partia Demokratike.

“Albanian Daily News” i ka marrrë një intervistë zv.ministrit të Jashtëm të Rusisë, Grigory Karasin. Ai pyetet gjerëisht për marrëdhëniet e Rusisë me Perëndimin, situatën në Europë, Ukrainë, Ballitik dhe Poloni. Karasin shpreh pikëpamjet ruse në këtë drejtim, për t’u ndalur në një koment edhe për marrëdhëniet shqiptaro-ruse, që janë të pazakonta.

Ministri i Jashtëm i Shqipërisë, Ditmir Bushati, ka qenë dje në Top-Story ku ka folur gjerësisht për krizën maqedonase. Në një dalje të cilës i mungoi takti i duhur, por jo arroganca e një lektori që se kërkon kush, ministri ka dhënë leksione për demokracinë në Maqedoni, ka shantazhuar hapur Shkupin zyrtar kur ka theksuar “nevojën për çkyçje të rrugën euroatlantike të Maqedonisë”, si dhe ka deklaruar thuajse pa teklif, se Platforma Shqiptare duhet të jetë një udhërrëfyes për politikën e këtij vendi në raport me krizat shumëdimensionale të tij.

Presidenti i Republikës, Bujar Nishani, ka dhënë një intervistë në emisionin “Fol me Mua” në Televizionin Publik Shqiptar, përmes të cilës ka përcjellë disa mesazhe dhe qëndrime politike. Nishani ka vlerësuar si kushtetuese dhe legjitime zgjedhjen e Ilir Metës president të vendit, ndërkohë që ka vlerësuar edhe kandidaturën e kreut të LSI-së. Ai ka nënvizuar se nuk përjashton një rikthim në jetën politike të vendit, por duke shmangur pretendimin për një detyrë të re administrative.

Sot u bë lajm dalja e disa përfaqësuesve të Partisë Demokratike, të cilët kundërshtojnë idenë e bojkotit të zgjedhjeve. Majlinda Bregu dhe Eduard Selami janë tanimë dueti i zakonshëm që shfaqen si serumi i konstruktivitetit politik, në shërbim të një stabiliteti që i konvenon pushtetit.