Blloku Politikë

Marrëveshja për zgjedhje të Lira e të ndershme është përshëndetur nga Ambasada e Shteteve të Bashkuara në Tiranë, e cila vlerëson lidershipin e treguar nga Rama e Basha dhe durimin e popullit shqiptar. Ka reaguar edhe Zyra e Delegacionit të Bashkimit Europian, që thekson se marrëveshja për zgjedhje të lira e të ndershme është në interes të të gjithë qytetarëve shqiptarë. Edhe OSBE-ODIHR ka shprehur gatishmërinë për të bashkëpunuar me aktorët politikë për ndryshimet e nevojshme në Kodin Zgjedhor.

Paul Schwartz, ekspert dhe bashkëpunëtor i Qendrës për Studime Ndërkombëtare dhe Strategjike ka dhënë një intervistë për “European Western Balkans” në të cilën vë theksin te roli në rritje i Rusisë dhe mundësitë e destabilizimit të rajonit. Skenarët që janë hedhur së fundmi për nëj Ballkan që merr sërish flakë janë shumë, por teza ruse është këmbëngulëse në shumicën e analizave që duhet thënë se kanë një predispozitë për të kërkuar te prezenca e Moskës një problem sigurie.

Politika vërtetoi edhe njëherë raportin e paqëndrueshëm me seriozitetin që i jep vetes sidomos në periudha krizash. Referuar retorikës së artikuluar 3 muajt e fundit, "kryetari i Republikës së Re" dhe ai i "Republikës së Vjetër" shtrënguan duart duke u gdhirë 18 Maji me lajmin për arritjen e një marrëveshje që sipas tyre e çon vendin në zgjedhje të lira e të ndershme.

Situata e provokuar nga propozimet e zyrtarit amerikan Hoyt Brian Yee është paradoksale: i mbërritur në Tiranë për të presuar opozitën të hyjë në zgjedhje, ai ka lënë në tryezën e bisedimeve një draft që sikletos më së shumti socialistët dhe kryeministrin. Ky i fundit ka lënë të kuptohet se nuk e pranon draftin si të tërë, ka rezerva për disa pika, por nuk ka thënë Jo zyrtarisht.

Kreu i PD-së, Lulzim Basha i ka nisur një letër kryeministrit Edi Rama përmes së cilës pranon se opozita është dakord me propozimet e zyrtarit amerikan Hoyt Brian Yee. 

Pas heshtjes më shumë se një ditore Partia Demokratike ka zbardhur gjithë përmbajtjen e takimit me zv/ndihmës sekretarin amerikan Hoyt Yee dhe negociatat për krizën duke konfirmuar tërheqjen nga shumë prej kërkesave të saj. Në njoftim thuhet se diplomati amerikan i paraqiti drejtuesve të opozitës një propozim të integruar për zgjidhjen e krizës politike në Shqipëri, të cilit opozita i tha “po”.

Mesa duket kompromisi për marrëveshjen e hyrjes së opozitës në zgjedhje ka mbetur peng i datës se kur do të mbahen votimet, pasi për çështjet e tjera duket të jetë arritur një dakordësi, ku më kryesorja është tërheqja e opozitës për çështjen e Vetting-ut dhe votimi pa asnjë kusht i komisioneve të Vetting-ut

Vizita e zv/ndihmës sekretarit amerikan Hojt Brajian Ji prodhoi një zhvillim të ri në terrenin politik, ku efekti më i dukshëm është ndalimi i deklaratave nga të dy palët dhe rihapja e negociatave për gjetjen e një zgjidhje mbi kërkesat e Partisë Demokratike. Ji raportohet se është larguar nga Tirana dhe negociatat po i ndjek ambasadori amerikan Donald Lu. Zyrtarisht nga palët nuk është komunikuar asnjë qëndrim, por ajo që mësohet është se nuk është arritur asnjë marrëveshje.

Nënkryetari i Lëvizjes Socialiste për Integrim, Luan Rama, ka cilësuar dje gjatë një interviste në studio televizive se përballjet mes Presidentit dhe Kryeministrit kanë çuar në mosemërimin e një Shefi të Shtabit të Ushtrisë.