Blloku Në Vëmendje

Numri ka shkuar në 23. Në pesë qytete të vendit. Ajo që pritej ndodhi. Dhe ne nuk jemi gati. Kemi vetëm shpresën e marrë të fatit personal. Qeveria po na thotë se është gati. Se i ka të gjitha mjetet. Se ka pajisje. Se ka këtë dhe ka atë. Të shpresojmë se është kështu.

OBSH vlerëson se Covid-19 mund të karakterizohet si një pandemi". Lajmi u bë i ditur nga drejtori i përgjithshëm i Organizatës Botërore të Shëndetit (OBSH), Tedros Adhanom Ghebreyesus, në një konferencë për shtyp në Gjenevë.

"Fjala pandemi - shtoi ai - nuk mund të përdoret lehtë sepse mund të shkaktojë frikë të panevojshme dhe ndjenja se lufta ka mbaruar. Por - vazhdoi ai - duke përshkruar situatën si një pandemi, nuk ndryshon atë që bën OBSH -ja dhe çfarë vendet duhet të bëjnë".

Ghebreyesus theksoi se kjo  është "pandemia e parë e shkaktuar nga një koronavirus".

Mjeku Ilir Allkja denoncon sot të vërtetën e asaj që po ndodh në urgjencë. Mungesë pajisjesh, veshjesh për stafin dhe më e keqja, mashtrim të mjekëve që u thuhet se pacientët kanë shqetësime të tjera nga ato të konstatuara me covid19. 

Një skandal që kërkon hetim dhe që vë një pikëpyetje serioze mbi atë se çfarë po ndodh me menaxhimin e kësaj gjendjeje. 

https://m.facebook.com/profile.php?id=1375747909

Zv. Ministrja e Shëndetësisë, është pyetur për mungesën e pajisjeve në stafet mjekësore dhe ajo ka thënë se pajisja e stafeve që ofrojnë shërbime publike do të pasjisen me mjetet e nevojshme.

Kryeministri Edi Rama ka njoftuar sot përmes një videoje se masat e parashikuara përfshijnë nxjerrjen në rrugë të patrullave të policisë dhe policisë ushtarake për të kontrolluar çdo person që mund të ketë ardhur nga zonat e rrezikut epidemiologjik. Z. Rama ka paralajmëruar se për personat e ardhur nga Italia apo Greqia që do të shihen sërish në rrugë nga dita e nesërme do të gjobiten me 5000 euro gjobë.

Jemi në situatë lufte, ka thënë z. Rama.

BBC-ja raporton se ministrja e Shëndetësisë në Britaninë e Madhe, Nadine Dorries, ka rezultuar pozitive me koronavirus dhe i është nënshtruar procedurës së vetëizolimit. Ajo bëhet kështu e para anëtare e Parlamentit britanik që preket nga virusi që po përhapet me shpejtësi në mbarë botën. 

Pak ditë më parë edhe kreu i Partisë Demokratike në Itali deklaroi se ishte pozitiv, pa lënë mënjanë rastet e konstatuara në Iran. 

Tashmë në Shqipëri janë zyrtarizuar dy rastet e para të të prekurve me koronavirus. Detyra e institucioneve përgjegjëse, medias dhe mjekëve në këtë situatë është ndërgjegjësimi i popullatës, për vetë-marrë masat që kjo epidemi që ka vënë në alarm gjithë Europën dhe veçanërisht Italinë, të kalojë pa pasojë të rënda për një vend të brishtë si Shqipëria.

Por çfarë është koronavirusi, cilat janë simptomat kryesore të tij; nga ndryshon ai prej gripi sezonal apo një ftohjeje të zakonshme; si përhapet; cilat janë vendet ku probaliteti për tu ngjitur është më i lartë…?!

Zëri i Amerikës ka zbardhur pjesë nga opinioni paraprak i Komisionit të Venecias mbi emërimin e anëtarëve të Gjykatës Kushtetuese. Ky opinion nuk ka edhe aq interes mbi vlerësimet e asaj që ka bërë presidenti. Jo sepse Presidenti në këtë proces nuk ka rëndësi dhe nuk mundet të krijojë situata bllokuese, por për shkak se pritmëritë maksimale janë krijuar për Këshillin e Emërimeve në Drejtësi dhe atë që quhet Drejtësia e re.

Kryeministri Edi Rama ka njoftuar sot në Kongresin e Partisë Socialiste se do të lançojë një amnisti të përgjithshme për të gjithë shqiptarët jashtë dhe brenda vendit që sipas tij kanë punuar në punë informale por që kanë të ardhura informale që janë produkt i punës.

Të ngrihet kush të dojë kjo do të bëhet

tha Rama.

Ai ka deklaruar se përjashtim nga kjo amnisti bën politika dhe gjyqtarët, produktet e krimit dhe terrorizmit.

Media të ndryshme lokale raportojnë për një situatë sipas tyre alarmante të krimit në fshatrat e pakicës greke në Sarandë. Rituali është konstant dhe i përvitshëm: në shtëpitë e këtyre fshatrave ku shpesh banojnë vetëm pleq, njerëz me maska hyjnë dhe grabisin në vazhdimësi. Policia lokale kryen veprimet hetimore dhe mandej thotë “mirupafshim”.