Blloku Në Vëmendje

Emisari special amerikan për dialogun Kosovë-Serbi, Richard Grenell, në një konferencë të përbashkët me presidentin  serb, Aleksander Vucic, ka thënë se Shtetet e Bashkuara të Amerikës mund  të tërhiqen  nga ndërmjetësimi I dialogut nëse Prishtina dhe Beogradi nuk do të ulen në një tryezë dhe të lëvizin drejt një marrëveshje.

Shqipëria dhe qeveria e saj vazhdojnë të shpërblehen nga Turqia dhe presidenti i Erdogan për gatishmërinë e treguar në dorëzimin e të gjithë të kërkuarve nga Ankaraja si anëtarë të organizatës së Fetyllah Gulen.

Pa u mbushur dy javë nga largimi  banditesk që policia shqiptare i bëri i shtetasit turk Haruç Çelik, në Tiranë kanë mbërritur pajisje dhe mjete të ndryshme sidomos për Forcat e Ndërhyrjes së Shpejtë (FNSH) dhuratë nga Turqia.

Sot ka rrjedhur në media dosja e plotë hetimore e ngjarjes së Mallakastrës ku mbeti e vrarë shtetasja Drita Saliaj. Ka qenë Abc News që ka bërë publikimin dhe mandej xhirua ka vazhduar si zakonisht. Televizioni në fjalë referon si burim Prokurorinë e Rrethit Gjyqësor Fier dhe në materialin e përcjellë nuk bëhet asnjë redaktim.

Aty zbulon se përtej vrasjes ka një rreth njerëzish që merren me trafik lëndësh narkotike përmes një dinamike ngjarjesh që të krijon idenë e një vendi larg, shumë larg nga “njerzillëku" i Tiranës.

“Shqiptarja.com”, që në prezantime quan veten ëebsite më profesional dhe i pavarur ka shtruar një pyetje direkte si formë sondazhi: 4 vrasje në 10 ditë. Mendoni se krimi ka marrë përmasa të frikshme? 

Nga 1016 persona që janë përgjigjur, 70.6% mendojnë se po. Sondazhi ka patjetër marzhin e gabimit dhe marrja në konsideratë e rezultateve të tij kalojnë patjetër nga nevoja për të aplikuar një “koeficient” korrigjimi. 

Fotoja tregon ndërtimet poshtë digës së Liqenit Artificial në Tiranë. Bashkia dhe qeveria patjetër i kanë parasysh ligjet dhe kanë vizion zhvillimi, por pyetja që kemi është: Mos po teprohet me ndërtimin? Të paktën në disa zona...

Ministri i Brendshëm Sandër Lleshaj ka lëshuar në datën 20 dhjetor 2019 dy urdhëra të rinj përmes të cilit shtrëngohet regjimi i kontrollit kufitar për shtetasit shqiptarë që udhëtojnë drejtë hapësirës Shengen. Urdhëri nr. 640 rregullon kalimin e të miturve duke parashikuar përveç deklaratave noteriale që tanimë kërkohen rregullisht edhe intervistimin e tye në rastin kur ata nuk shoqërohen nga një prej prindërve.

Shqipëria po përballet me ikje masive, sidomos të të rinjve dhe kjo, sipas imzot George Frendos është diçka tragjike. Në një intervistë për TvT, kryeipeshkvi bën thirrje për më tepër angazhim të vetë qytetarëve dhe për vëmendje më të madhe të politikës.

Videoja është përgatitur nga Organizata Politike: 

Largimet nga puna në administratën publike rëndojnë në kurriz të taksapaguesve. Një fenomen që ka ndodhur në masë sa herë zgjedhjet kanë shenjuar rotacion politik, largimet nga puna përfundojnë në gjykatë, e cila në shumicën e rasteve vendos në favor të të larguarit. Kjo do të thotë rikthim në detyrë ose dëmshpërblim financiar.

Sipas Departamentit të Administratës Publike, përgjatë viteve 2017-2019, ka pasur 40 procese gjyqësore, në të cilat janë ankimuar dhe kundërshuar aktet e largimit nga shërbimi civil prej nëpunësve.

Punonjësit e policisë janë urdhëruar të kontribuojnë financiarisht për të prekurit nga tërmeti.  Një shkresë e bërë publike nga nënkryetari I LSI-së, që mban datën 27 nëntor urdhëron drejtorët e policisë të kontribuojnë nga paga me 5 mijë lekë të reja secili, vartësit e tyre me 4 mijë lekë te reja dhe punonjësit e tjerë civilë me 2 mijë lekë të reja.