Blloku Në Vëmendje

Në spitalet ku po kurohen të sëmurët me Covid-19, janë disa skemat e mjekimit që po ndiqen nga stafi shëndetësor. Baza e trajtimit mbetet hidoksiklorokina, e cila kombinohet me medikamente të tjera, që ndryshojnë nga një pacient te tjetri. Në një bisedë në Skype me studion e lajmeve në TvT, mjeku infeksionist, Pëllumb Pipero, tha se janë disa faktorët që përcaktojnë se cila skemë mjekimi ndiqet me secilin pacient.   

Karantina që ka për qëllim shmangien e përhapjes së koronavirusit, por mund të bëhet shkak për përhapjen e një sëmundjeje tjetër. Legjionela është një formë e pneumonisë, me raste edhe vdekjeprurëse, e cila mund të shfaqet për shkak të mbylljes së gjithçkaje.

Ekspertët e shëndetit publik po u bëjnë thirrje pronarëve të tokës në të gjithë globin që të rihapin me kujdes ndërtesat për të parandaluar shpërthimin e kësaj sëmundjeje.

Andre Bergmann, një mjek 48-vjeçar me koronavirus, zgjodhi klinikën e mushkërive “Bethanien”, në Moers, afër shtëpisë së tij në Gjermaninë veriperëndimore. Klinika njihet për gatishmërinë e saj për t’i vendosur pacientët me vështirësi në frymëmarrje në ventilatorët mekanikë – tipi që me tubat që shkojnë thellë në grykë.

Babai i dy fëmijëve shqetësohej se një ventilator invaziv do të ishte i dëmshëm. Por shumë shpejt, për Bergmann, ventilatori u bë i pashmangshëm.

Ministria e Shëndetësisë ka reaguar pas sinjalizimeve për një listë të personave të testuar për koronavirus.

Në një reagim për TvT, Ministria e Shëndetësisë distancohet nga ky veprim flagrant dhe sqaron se do të nisë një hetim administrativ në lidhje me këtë rast.

Fasoneritë janë një vatër potenciale e përhapjes së koronavirusit. Vetëm gjatë 24 orëve të fundit, 12 persona janë konfirmuar me COVID 19 në fasonerinë e Krujës, shumica e të cilëve ishin punonjës të saj dhe pjesa tjetër persona kontakti. Në një Intervistë me Skype, zv.ministrja e Shëndetësisë, Mira Rakacolli, tha për TvT se zbulimi i këtyre rasteve të reja vjen nga hetimi epidemiologjik i kryer në këtë biznes. 

Instituti i Shendetit Publik në Shqipëri mendon se epidemia e CoVid-19 ka qenë e butë në vendin tonë. Përfaqësuesja e ISHP-së, Eugena Tomini, tha sot se shkalla e infektueshmërisë në vendin tonë është poshtë 1. 

Aktualisht në situatën epidemiologjike, që nga fillimi i epidemisë, deri tani që flasim, është përllogaritur që R0 të jetë më e vogël se 1. Ne kemi në gatishmëri 120 dhe 190 shtretër në dy spitalet Covid-19. Që nga fillimi i epidemisë, ne kemi 21 pacientë të vegjël dhe asnjë prej tyre nuk është i hospitalizuar

tha ajo. 

Grupi i ekspertëve që Partia Demokratike ka ngritur për koronavirusin ka dalë me disa propozime pas konstatimit se në disa raste, tamponi nuk ka nxjerrë si të prekur pacientë që në të vërtetë kanë rezultuar të infektuar kur u është bërë skaneri. Ekspertët e PD-së i referohen disa rasteve, kur skanerat kanë zbuluar raste të infektimit me koronavirus, pavarësisht se testet kanë dalë negative.

Kurba e përhapjes së koronavirusit në Shqipëri sipas epidemiologut Alban Ylli, është e njëjtë me atë të vendeve të Evropës Lindore, të cilat u prekën nga Covid pothuajse në të njëjtën kohë si vendi ynë, pas përhapjes së infeksionit prej Italisë.

Ai ka hedhur poshtë si të pabazë idenë se CoVid-19 ka qarkulluar në Shqipëri që në muajin shkurt. Më poshtë intervista dhënë për TvT: 

Shefja e Epidemiologjisë në Institutin e Shëndetit Publik, Silva Bino është shprehur në një intervistë për Abc News se koronavirusi ka qarkulluar në Shqipëri që në muajin shkurt.  

Momenti kritik ka kaluar për Shqipërinë në lidhje me pandeminë e CoVid-19. Kështu është shprehur mjeku Pëllumb Pipero që në një intervistë me News 24 ka deklaruar se java që vjen do të sjellë ulje të numrit të rasteve me të infektuar.