Blloku Kulturë

Janë të shumta veprat në dorëshkrim të kompozitorit Feim Ibrahimi, që vajza e tij, pianistja Etrita Ibrahimi kërkon t’i konservojë dhe t’i dixhitalizojë. Një ndër to është edhe koncerti për piano dhe orkestër, i shkruar prej artistit në vitin 1975 dhe i censuruar dhe që sipas së bijës i ka marrë më tepër se një vit kohë. I ekzekutuar dhe censuruar për 20 vjet për shkak të tendencave mistike dhe moderne për kohën, kjo vepër është një ndër të paktat, që vajza e kompozitorit kërkon t’i japë vendin e duhur në krijimtarinë e të atit dhe në skenën muzikore shqiptare.

Erion Veliaj vijon të japë argumenta estetikë mbi nevojën e shembjes së Teatrit Kombëtar dhe ndërtimin në vend të tij të godinës së projektuar nga Bjarke Ingels bashkë me 6 kullat që do të ngrihen pas tij. Ai normon të vjetrën dhe të renë sipas shijeve që përputhen me interesa të llaçit e betonit, ndonëse i vetë përpiqet t’i parashtrojë publikut një fizionomi tjetër, atë të njeriut që mendon për popullin dhe frymëzimet e tij.

Tradita e dikurshme e mësimit të gjuhës shqipe mes ngulimeve arbëreshe të Jugut të Italisë po mpaket dita- ditës dhe numri i atyre që mësojnë shqip, po vjen duke u zvogëluar. Në një bisedë para kamerës së “TemA TV”, albanologu arbëresh Matteo Mandala ngre alarmin për mirëmbajtjen e gjuhës shqipe në këto troje, gjë, të cilën e lidh së pari me krizën ekonomike, që ka çuar në braktisje të fshatrave arbëreshë në Itali.

Del në dritë një gjetje e rëndësishme. E zbuluar në Arkivat e Shoqërisë Mbretërore të Shkencave në Britani, ajo është letra origjinale me anë të së cilës Galileo Galilei ishte i pari që i paraqiti një miku italian argumentet heliocentrike kundër doktrinës së Kishës se Dielli rrotullohet rreth Tokës

Së shpejti do mundesojme gjuhen rome ne sistemin tone arsimor.. Keshtu ka deklaruar ministrja e Arsimit, Lindita Nikolla, gjate forumit për dialog në nivel kombëtar për arsimin gjithëpërfshirës të mbajtur në Tiranë.

Kujtojmë që ky vendim vjen pas ndryshimit të ligjit për pakicat kombëtare. Ndryshimi është se me ligjin e vjetër minoriteti Grek, minoriteti Maqedon dhe ai Serbo-Malazez njihesin si minoritete etnike kombëtare, ndërsa vllahët dhe romët si minoritete etno-gjuhësore, ndërsa boshnjakë dhe egjiptianët si komunitete.

Lufta për mbrojtjen e Teatrit Kombëtar nuk ka përfunduar dhe artistët do të ndalojnë me çdo kusht ndërtimin e kullave në truallin e teatrit.

Kjo është ajo çfarë pohojnë artistët e Aleancës për Mbrojtjen e Teatrit, pas letrës të Komisionit Europian. 

Në një bisedë për "Tema TV", regjisori Kastriot Çipi, vëren se ata kërkojnë nga Komisioni Europian të sqarojë qëndrimin, ndërkohë që sipas tij, letra ka një paradoks që zyrtarëte e BE duhet ta shpjegojnë.

Disa media kanë publikuar sot letrën që shefja e Njësisë Shefes së Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Michela Matuella, i ka dërguar sekretarit të Përgjithshëm të Kryeministrisë, Engjëll Agaçi lidhur me projektin e Teatrit Kombëtar.

Top-Channel, shqiptarja.com dhe Gazeta Shqiptare luajnë me titullin se ligji nuk bie dnesh me Marrëveshjen e Stabilizim Asociimit, ndërkohë që vetëm shqiptarja.com publikon letrën e të plotë.

Historiani i artit britanik Nigel Konstam pretendon se  mermerët e Partenonit, të grabitura nga Earl Elgin janë kopje romake që zëvendësuan skulpturat origjinale. Më konkretisht, teoria e tij thotë se skulpturat origjinale të Parthenonit "u dëmtuan nga një shi acid” të ndikuar nga oxhaqet afër Akropolit.

Historiani britanik thotë se pikëpamja e tij bazohet në prova të forta: "Teoria ime është aq e fortë, sepse elementet që mbështesin pikëpamjen time janë sa të thjeshta aq edhe të qarta, madje edhe për njerëzit e thjeshtë, të cilët mund të për të shohin dallimet"

Spanja duhet të hedhë pas krahëve të shkuarën nën diktatorin Franko. Kështu shprehet shkrimtari katalanas, Eduardo Mendoza, në një intervistë për “Avvenire” në Itali. “Ne jemi një popull që nuk reflekton”, thotë ai duke iu referuar debateve që hapen herë pas here për luftën civile dhe eshtrat e diktatorit spanjoll.

Mendoza ndodhet në Mantova për të prezantuar në Festivalin e Letërsisë romanin e tij “Qyteti pezull – Madrit 1936”, me të cilin ka fituar çmimin prestigjioz “Planeta 2010”.

Morali qenka punë e thellë e kapitalizmit amerikan. Mediat njoftojnë dështimin spektakolar të një aktori që nuk ka nevojë për asnjë rresht vlerësimi si Kevin Spacey, premiera e të cilit nme filmin “Billionaire Boys Club” ka mbledhur vetëm 130 dollarë.