Blloku Ekonomi

Rreth 2 796 hidrocentrale janë planifikuar të ndërtohen në Ballkan gjatë viteve të ardhshme. Sipas OJQ-së RiverWatch, 740 do të ndërtohen në Shqipëri, një vend me një shtrirje gjeografike prej pak më pak se 29 000 kilometra katrorë.

Pesëmbëdhjetë vjet më parë, ish-presidenti shqiptar, Sali Berisha, deklaroi ambicien e tij për ta shndërruar vendin në një superfuqi energjetike në Ballkan. Asnjë hulumtim nuk u përfshi në plan, as nuk u krye ndonjë studim fizibiliteti.

Përmbytjet janë rikthyer në vend e bashkë me to edhe dëmtimet në bujqësi. Në një prononcim për MCN Tv, kryetari i Shoqatës së Fermerëve Eduart Sharka ndër të tjera vuri në dukje edhe këtë problem:

Ka dëme të mëdha në ferma të mbjella me speca, janë mbushur me ujë. Ka dëme në shumë kultura bujqësore. Ajo që doja të thoja është që ministrja jonë del në terren ndërkohë që duhet të subvencionojë fermerët siç e ka Italia që ka buxhet 680 milionë euro për dëmet nga fatkeqësitë natyrore.

Islanda ka sistemin më të mirë të pensioneve në botë. Megjithatë, edhe kjo e ka një problem. Kursimet për pensionistët e ardhshëm janë grumbulluar në masë të tillë saqë po tejkalojnë dyfishin e madhësisë së ekonomisë së ishullit të Atlantikut të Veriut.

Qeveria islandeze po konsideron të lejojë menaxherët e investimeve të diversifikohen duke blerë më shumë letra me vlerë jashtë vendit. Kjo ka sjellë paralajmërimin e bankës qendrore, e cila kërkon që, siç parashikojnë rregulloret, pjesa e zotërimeve jashtë shtetit në asetet e pensioneve të mos i kalojë 50%.

Shtetet e Bashkuara të Amerikës kanë vendosur të hedhin në treg rreth 50 milionë barrela naftë nga rezervat e veta strategjike, një sasi që është ekuivalente me 2.5 ditë konusmi për këtë vend.

Gjashtëdhjetë e pesë miliardë dollarë në dy vjet nga shitja e vaksinës Covid. Kjo është shuma që Pfizer pret. Analistët, të cilëve u referohet La Stampa, parashikojnë shitje në masën 36 miliardë dollarë deri në fund të vitit dhe 29 miliardë të tjera vitin e ardhshëm.

Kompania e Elon Musk, Tesla, ka kapërcyer në aksione vlerën e 1 trilionë dollarëve.

"Bloomberg" raporton se një ndër shkaqet për këtë rritje të menjëhershme është shitja e 100 000 makinave elektrike kompanisë “Hertz Global Holding Inc” e cila synon elektrifikimin e flotës së vet të makinave që jepen me qira.

Një prej propozimeve për ndryshimet kushtetuese është dhe rishikimi i Reformës Territoriale. Lidhur me këtë temë, nga studio e lajmeve të MCN TV, pedagogu i Gjeografisë Ekonomike në Fakultetin e Historisë-Filologjisë, Dhimitër Doka tha se në 30 vitet e fundit reformat në Shqipëri kanë qenë në shërbim të politikës dhe ky, sipas tij është problemi. 

Z.Doka, ka nevojë Shqipëria për një ndarje të re administrative?

Një paketë me tre pika është ajo me të cilën qeveria synon të mbrojë qytetarët shqiptarë nga efektet e krizës energjetike. Kryeministri Rama doli para mediave me strategjinë e përgatitur për të përballuar situatën e vështirë energjetike që paralajmëroi vetë disa ditë më parë.

Rritjes së çmimit të bukës, gazit dhe karburanteve, pritet t’i shtohet edhe ajo e energjisë elektrike. Kryeministri Rama e paralajmëroi një fakt të tillë, në një dalje të paparalajmëruar për mediat sot në mesditë. Duke e motivuar rritjen me krizën energjetike në botë dhe manovrat tregtare që vijnë si pasojë, Rama tha se rritja e çmimit të energjisë pritet brenda 6 mujorit të parë të vitit të ardhshëm, duke shtuar se qeveria do të përpiqet të mbrojë nga kjo rritje shtresat në nevojë.