Blloku Ekonomi

Kërkesa e biznesit për kredi vijon të ulet për të tretin tremujor radhazi. Të dhënat dalin nga një vëzhgim i Bankës së Shqipërisë, sipas të cilës, janë bizneset e mëdha ato që kanë rrudhur kërkesën për kredi, në zërin e investimeve. Kurse biznesi i vogël dhe individët e kanë rritur atë. “Në fund të gushtit, stoku total i kredisë që bankat kanë dhënë për biznesin ra në 359.2 miliardë lekë nga 372.8 miliardë që ishte në gushtin e një viti më parë”, raporton banka.

Vrojtimet e biznesit treguan stanjacion të shfrytëzimit të kapaciteteve prodhuese edhe në tremujorin e tretë të vitit, raporton në një kronikë të trasmetuar prej tij “Tv Scan”. Sipas Bankës së Shqipërisë, shumica e sektorëve të ekonomisë nuk hodhën hapa përpara. Norma e shfrytëzimit të kapaciteteve në industri ra me 2.9 pikë përqindje në krahasim me tremujorin e dytë të vitit. Aktualisht kjo normë shënon vlerën 72.2% dhe është pothuaj në nivelin e mesatares historike të saj.

Ministria e Ekonomisë ka bërë gati për shitje 1570 objekte ish shtetërore në të gjithë vendin. “Monitor” shkruan” se pas një inventari të ish objekteve publike që nisi menjëherë pas shtatorit 2013, janë evidentuar ish pronat shtetërore më rëndësi jo strategjike që do të dalin në shitje. Objektet janë ish ndërmarrje shtetërore jashtë funksionit dhe shtrihen në të gjithë vendin.

Treguesit ekonomik u ulën në 3-mujorin e tretë të vitit, çka tregon një rënie të besimit të biznesit dhe konsumatorit. Sipas Bankës së Shqipërisë, treguesi i ndjesisë ekonomike u ul me 2.7 pikë krahasuar me tremujorin e dytë të këtij viti. Në një ktonikë të trasmetuar nga “Tv Scan” thihet se ecuria e treguesit në 3-mujorin e tretë u ndikua negativisht nga rënia e besimit në sektorët e industrisë e të shërbimeve, si dhe nga rënia e besimit konsumator. Treguesi i besimit në sektorin e industrisë pësoi rënie me 2.5 pikë përqindje, ndonëse qëndron ende mbi mesataren afatgjatë.

Në mendjet e Evropianëve, siguria është përbërësi më i rëndësishëm i ushqimit të tyre. Të bërit kompromis në lidhje me sigurinë e cilësisë ushqimore nuk hyn në planet e BE-së ose të paktën jo në planet e 19 vendeve që së fundmi kanë votuar jo ndaj rritjes së produkteve të modifikuara gjenetikisht OMGJ. Qasja e Komisionit Evropian në lidhje me këtë propozim ishte t’u jepte demokraci të gjithë vendeve anëtare për të pranuar ose jo farërat OMGJ edhe pse brenda BE-së ato janë të autorizuara.

Një koncesion i ri është dhënë së fundmi nga qeveria shqiptare. Fjala është për hekurudhën Fier-Ballsh dhe Fier-Vlorë. Synimi i koncesionit është rehabilitimi, operimi dhe transferimi i linjave dhe është fituar nga “ALB-STAR” sh.p.k & “MATRIX KONSTRUKSION”. Vlera e tij është 2.4 miliardë lekë dhe sasia mesatare e transportuar e mallrave / mineraleve për vit kalendarik pritet të jetë 2.5 milionë tonë dhe numri i pasagjerëve 307 mijë në vit/Monitor 

Vlera e borxhit që kompanitë e biznesit i kanë Drejtorisë së Doganave të Tiranës është dyfishuar brenda një viti. Nga auditimi i Kontrollit të Lartë të Shtetit u konstatua se gjendja e borxhit doganor në fillim të vitit 2014 ka qenë 1.8 miliardë lekë, kurse në fund të vitit 2014 ajo ka arritur në vlerën 3.4 lekë, shumë kjo që u takon 350 subjekteve debitore.
KLSH argumenton se, shifrat e mësipërme të borxhit tregojnë për punën e paorganizuar që ka bërë Dega e Doganës Tiranë në drejtim të rikuperimit të borxhit doganor.

Portali shqiptar i Zvicrës, voal.ch, ka pasqyruar pjesë të raportit vjetor mbi ndarjen e pasurisë në botë, të bankës Credit Suisse, një nga bankat më të mëdha botërore.

Raporti e vlerëson Shqipërinë si një vend që ende nuk ka mundur të dalë nga kthetrat e varfërisë, me të ardhura të ulta të mesme, me një pasuri totale prej 20 miliardë dollarësh.

Këtu, sipas bankës, kemi të bëjmë me një ulje të pashpjegueshme. Në vitin 2013 dhe 2014 kjo pasuri vlerësohej në 23 miliardë dollarë. Pasuria e Shqipërisë rezulton kështu në rënie me 3 miliardë dollarë nga viti 2014 në vitin 2015.

Çmimi i energjisë elektrike nuk do të rritet për vitin 2016. Kjo pasi Operatori i Shpërndarjes së Energjisë në aplikimin e bërë në Entin Rregullator të Energjisë për tarifat e reja, nuk ka ërkuar rishikim të çmimit të energjisë. “Burimet në OSHE pohuan se, shpenzimet për vitin që vjen do të vijojnë të përballohen me rritjen e arkëtimeve nga faturimet dhe duke eliminuar humbjet në rrjet.

Flitet për gjoba dhe për disiplinim të biznesit. Mirëpo nga fjalët në realitet ka shumë diferencë. Ja një shembull se çfarë ndodh në praktikë me biznesin dhe autoritetet. “1. Kam deklaruar me një ditë vonesë xhiron e vitit 2014;

2. Më ka dalë gjobë 10 000 lekë sipas ligjit.

3. Kam bërë apelim të Drejtoria e Apelimit në Drejtorinë e Përgjithshme të Tatimeve dhe përgjigja ka qenë: nuk mund të bësh apelim pa patur një vlerësim tatimor.