Blloku Bota

Ministri serb i Transporteve, Goran Vesiç, ka hedhur poshtë si gënjeshtra të pabaza lajmet se qeveria serbe ka fimrosur me dhëndrin e Donald Trump për rijetësimin e kompleksit të ish-Shtabit të Përgjithshëm në Beograd, i shkatërruar pjesërisht gjatë bombardimeve të NATO-s, më 1999.

Qeveria e Serbisë është e vendosur që të mos lejojë edhe për 25 vjet të tjera rrënojat dhe ta rijetëzojë kompleksin. Nuk kemi firmosur ndonjë kontratë, negociatat po zhvillohen me disa kompani dhe do të informojmë publikun se kur dhe nëse do të ketë marrëveshje

Asambleja Parlamentare e NATO-s ka ngritur statusin e Kosovës në nivelin e anëtarit të asociuar.

Ky është niveli më i lartë i prezencës në Asamble deri në anëtarësim të plotë të Kosovës në NATO. Për shumë vite Kosova kishte statusin e anëtarit vëzhgues. Ky vendim do të formalizohet me votim në Asamblenë parlamentare të NATO-s në sesionin pranveror të Asamblesë, që do të mbahet më 27 maj në Sofje

Donald Trump do të përfitojë rreth 3.5 miliardë dollarë, pas media e tij sociale, Truth Social, kaloi pengesën e fundit për t’u listuar në bursën e Wall Street.

Aksionerët e Digital World Acquisition Corp miratuan në fund të kësaj jave shkrirjen me Trump Media & Technology Group (TMTG), kompania që qëndron pas Truth Social, raporton Telegraph.

Serbia ka përkujtuar 25 vjetorin e sulmit të NATO-s që çoi në lëshimin prej saj të Kosovës. Me këtë rast, ministra të qeverisë serbe kanë cilësuar konfliktin si një përballje të serbëve në mbrojtje të atdheut të tyre duke pretenduar se në këtë përvjetor, përherë e më shumë vende po e rishikojnë qëndrimin e tyre për “agresionin”.

Vetë agresioni përfaqësonte një rënie të drejtësisë dhe moralit dhe ishte thellësisht i padrejtë

Detaje të reja janë zbardhur nga sulmi terrorist i ndodhur mbrëmjen e djeshme në Moskë ku deri tani janë regjistruar 133 viktima. Burime jo zyrtare bëjnë me dije se sulmuesit u larguan me një makinë Renault të bardhë, i cili u kap në rajonin Bryansk, vetëm disa dhjetëra kilometra larg kufirit ukrainas, me katër shtetas Taxhikistan në bord.

Raportime të ndryshme nga mediat dhe shërbimet ruse të sigurisë flasin për pesë ingushecë si autorë të sulmit në teatrin "Crocus" në Moskë. Një foto e qarkulluar në rrjetet sociale pretendohet se paraqet identitetin e autorëve.

Në Moskë është kthyer frika e sulmeve terroriste çeçene të viteve 1990, kur një grup personash të armatosur, të veshur me kamuflazh, hynë në një sallë koncertesh në veriperëndim të kryeqytetit, duke hapur zjarr mbi spektatorët.

Shtetet e Bashkuara të Amerikës nuk kanë mundur të kalojnë dot në Këshillin e Sigurimit të OKB-së një rezolutë për nevojën e një armëpushimi të menjëhershëm në Gaza. Dy vende anëtare të përhershme të Këshillit, Rusia dhe Kina, kanë vënë veton. Rusia ka arsyetuar përmes zëvendëspërfaqësuesit të Përhershëm në OKB, Dmitry Poliansky, se Rezoluta do të duhet të përmbante thirrjen për armëpushim, më tepër sesa të vinte në dukje nevojën për të. Nga ana tjetër Rusia ka bërë thirrje të votohet kundër rezolutës pasi një tjetër draft është depozituar nga vende të tjera.

Kremlini ka zyrtarizuar termin “luftë” për sa i përket ndërhyrjes së tij ushtarake në Ukrainë. Mediat citojnë Zëdhënësin Dmitry Peskov, sipas të cilit përfshirja e Perëndimit Kolektiv në anën e Kievit, e ripërkufizon në terma faktikë llojin e konfrontimit.

De jure është një operacion ushtarak special, por de facto është kthyer në një luftë

është shprehur Pesktov.

Ish-presidenti katalanas, Carles Puigdemont, njoftoi se do të kandidojë për kreun e partisë së tij separatiste, "Së bashku për Katalonjën" (JxCat), në zgjedhjet e parakohshme, që do të mbahen më 12 maj.

Puigdemont është aktualisht anëtar i Parlamentit Evropian dhe ky vendim do të thotë se ai nuk do të kandidojë në zgjedhjet e ardhshme evropiane të qershorit.