Blloku Bota

Rusia ka zhvilluar një paradë në kujtim të ditës së fitores mbi nazizmin edhe në rajonin e Arktikut. Parada është realizuar nga grupi i 99 i Ndërhyrjes se Shpejtë. Arktiku është prej disa vitesh rajon i përplasjeve strategjike me SHBA dhe Kanadanë.

Televizioni “Rusia Today ” ka publikuar incizime nga droni, që janë bërë në kufirin ndërmjet Maqedonisë dhe Greqisë, respektivisht ku shihen përpjekjet e emigrantëve për të hyrë në territorin e Maqedonisë nga pjesa e Greqisë, transmeton gazeta “Lajm”. Treni me rreth 300 emigrantë në orën 5 e 15 min, u nisë nga Gjevgjelia (kufiri jugor i Maqedonisë) drejt kufirit verio të Maqedonisë – Tabanoc, kanë njoftuar përfaqësuesir e Stacionit hekurudhor në Gjevgjeli. Zyrtarët nga Stacioni thonë se për sot nuk janë paralajmëruar më shumë trena për transportimin e emigrantëve.

Kufiri greko-maqedonas është kthyer prej disa ditësh në një gardh policor për të penguar hyrjen në Maqedoni të refugjatëve sirianë që tentojnë të kalojnë në Europn Qëndrore përmes Maqedonisë, Serbisë, Hungarisë dhe më pas në Gjermani.

Llogariten në mbi 4 mijë persona që ndodhen në zonën asnjanëse të kufirit. Policia maqedonase ka përdorur edhe gaz lotsjellës për të penguar turmën, ndërsa ka të dhëna për ndërhyrje të dhunshme të  forcave të sigurisë. Amnesty International tha se policia maqedonaese I trajtoi emigrantët e paligjshëm si protestues.

Një pyetje shumë kurioze i është bërë kandidates për presidente të ShBA-së, Hillary Clinton, nga një vazjë e vogël, që ndodhej mes publikut në një takim në Las Vegas. “Mendon se do të paguhesh njësoj si presidentët burra”, pyeti vajza. Pasuan të qeshura por pyetja dhe një reagim mga Clinton: “Kjo është ndër ato punë ku femrat duhet të paguhen njësoj me meshkujt. Por kjo nuk ndodh kudo. Si presidente do të bëj gjithçka mundem që çdo grua në çdo punë të paguhet njësoj si meshkujt”.

Një tjetër shpërthim i madh në Kinë. Kësaj radhe shpërthimi ka ndodhur në rajonin lindor të Shangdong, në një impiant kimik, por nuk ka akoma raportim për dëme. Shpërthimi ka provokuar zjarre të mëdha. Vetëm dy javë më parë në Kinë ndodhi një shpërthim i jashtëzakonshëm në Tianjin,mku vdiqën 114 persona.

Sulm terrorist në trenin Amsterdam-Paris. Atentatori ishte i lidhur me rrjetin xhihadist belg. Marokeni 26 vjeçar është ndaluar nga dy ushtarakë amerikanë e më pas është arrestuar në stacionin hekurudhor të Arras. Quhet Ayoub al-Qahzzani dhe ka qenë në Siri. Ndërkohë Obama falënderon shtetasit amerikanë për kurajën: "Evituat një tragjedi”, tha presidenti amerikan. Marokeni i arrestuar kishte hapur zjarr në linjën hekurudhore Amsterdam-Paris. Ai kishte qëlluar me kallashnikov duke plagosur 3 persona. 

Agjensia italiane e lajmeve ANSA raporton se në zonë gjenden ekipet e shpëtimit, ndërsa shumë gomone me emigrantë rezikojnë të mbyten. Mbi 3 mijë emigrantë që ishin nisur nga Libia me gomone po shpëtohen nga rojet bregdetare italiane në kanalin e Siçilisë. Ekipet e shpëtimit arritën në vendngjarje pasi gomonet kishin lëshuar alarmin SOS. Të paktën 18 gomone me emigrantë kanë lëshuar alrmin për ndihmë që është verifikuar nga rojet bregdetare italiane dhe europiane.

Kjo është politika, të kthesh çdo shans kundër, në mundësi. Dhe lojtari i fundit i kësaj loje të vështirë është Alexis Tsipras. Hyri në skenë si radikal i majtë, që flet për popullin, që kundërshton shitjen e konservatorëve te kapitali perëndimor, akuzon dhe paralajmëron drejtësi ne emër të popullit. Provon se mund të marrë vendime në kufijtë e aventurizmit, por në fund, rezulton se është shumë racional.

AFP raporton se tajfuni i fuqishëm “Goni” ka shkaktuar shira të rrëmbyeshëm në veri të ishujve Filipine shoqëruar me rrëshqitje të tokës dhe pëmbytje masive ku të paktën raportohen disa të vdekur, bënë sot të ditur burime zyrtare. Gjashtë persona humbën jetën nga rrëshqitjet e tokës ndërsa një person i shtatë vdiq pas rrëzimit të një peme, njoftuan autoritetet duke bërë me dije për dy të zhdukur dhe shtatë të plagosur. Rreth 1700 persona u detyruan të evakuohen nga banesat e tyre dhe dhjetëra fluturime brenda vendit janë anuluar.

Gjermania po plaçkit  Greqinë. Dua të flas për privatizimin e 14 aeroporteve rajonale greke. Privatizimi i tyre ishte nisur nga qeveria e mëparshme greke, e djathtë, dhe më pas lënë pezull nga qeveria Tsipras. Procesi i privatizimit u rinis pas akordit që iu imponua Greqisë. Këto 14 aeroporte prekin pikat kryesore të turizmit grek: Mykonos, Santorimi, Korfuz, Rhodes etj. Disa prej tyre janë dhe pika kyçe për lidhjen e Greqisë me ishujt e saj.