Blloku Bota

Një stuhi e fortë rëre mbi ISIS-in. Kështu mund të quhet pluhuri që ka mbuluar Lindjen e Mesme, duke vendosur në gjendje ngrirje si në jetën e zakonshme, ashtu edhe në luftën e egër në ato zona ku luftohet. Stuhia masive filloi në Irak dhe po mbulon edhe pjesë të Sirisë, Turqisë, Egjiptit, Libanit, Palestinës e deri në ishullin e Qipros. Shumë fluturime janë ndaluar, ndërsa shkollat janë mbyllur në Jordani e Liban.

Nuk janë vetëm polakët me fat. Mediat raportojnë se një inxhinier gjerman pretendon të ketë gjetur kamionë me sasi ari ngarkuar në një fshat në jug të Moskës. Gazeta gjermane “Bild” raporton se inxhinieri ka shpallur gjetjen pasi përdori radarë për lokalizimin e kamioneve që mendohet se janë të ngarkuar me thesarin e Bankës së Smolenskut, që u boshatis nga forcat sovjetike përpara arritjes së nazistëve. Sipas pretendimeve të inxhinierit, ishin shërbimet sekrete sovjetike ato që u ngarkuan me transportin e arit në kamionë, që u futën më galeritë minerare afër Vyazmës.

Ndërkohë që BE-ja po lajmëron vendosjen e kuotave për pranimin e imigrantëve, Danimarka ka menduar një mënyrë të vetën për të shmangur dyndjen e tyre drejt këtij vendi. Mediat njoftojnë se qeveria daneze ka publikuar njoftime në disa gazeta libaneze përmes të cilave bën thirrje që imigrantët të mos i drejtohen Danimarkës. Njoftimi bën me dije se pse nuk duhet të shkosh në Danimarkë, mes të cilave është edhe kriteri i gjuhës. Kush do të marrë lejeqëndrim në Danimarkë duhet të mësojë danisht. Në thelb ky mesazh i qeverisë daneze është parandalues dhe i bën jehonë një shqetësimi në rritje.

Kriza ukrainase është shumë larg zgjidhjes. Ndërkohë që Kremlini ka urdhëruar stërvitje masive të disa njësive strategjike, presidenti ukrainas, Petro Poroshenko, ka folur për përgatitje ushtarake dhe skenarët e krizës. Në një intervistë në Kanalin 5 të Ukrainës, Poroshenko ka renditur tre skenarë për daljen nga situata ku është përfshirë vendi prej dy vitesh. Dhe një prej këtyre parashikon edhe sulmin mbi Moskën. “Ka tre skenarë. I pari konsiston në një ofensivë nga forcat ishtarake, një çlirim ushtarak i këtyre territoreve dhe nisa e një fushate kundër Moskës. Kush po e propozon këtë?

Robert P. Crease, profesor i filozofisë në Universitetin e New York, shkruan një opinion në “Project Syndicate” që e titullon: “Vandalizmi kulturor në Amerikë”. Crease e nis opinionin me një krahasim disi joproporcional: ai thotë se sa herë dëgjon në lajme për shkatërrimet arkeologjike të ISIS, i vjen ndërmend sulmi që po ndodh në ShBA ndaj komunitetit shkencor.

Gjermania do të akordojë një financim gjigant prej gjashtë miliardë eurosh për t’i ardhur në ndihmë valës së emigrantëve, shumica të ardhur nga Siria e përfshirë nga lufta civile. Paketa me vlerë gjashtë miliardë euro u miratua sot gjatë orëve të para të mëngjesit, pas bisedimeve të mbrëmshme në Berlin. Tre miliardë euro vijnë nga buxheti federal për vitin 2016, ndërkohë që pjesa tjetër është rezervuar për të ndihmuar shtetet federale dhe qeveritë lokale për akomodimin e migrantëve. Për vitin në vazhdim, një miliard euro nga buxheti federal do të përdoren për të ndihmuar migrantët.

Në një mesazh të veçantë, Papa Françesku, i cili është vetë nip emigrantësh italianë në Argjentinë, kritikoi indirekt ndërtimin e një rrethimi kufitar në Hungari. Në një letër të drejtuar shoqatës së kishave që po takohet në Shqipëri, Papa Françesku citohet të thotë se “është dhunë ndërtimi i mureve dhe pengesave për të ndaluar njerëzit që janë në kërkim të një vendi në paqe. Është dhunë të zmbrapsësh ata që po largohen prej kushteve çnjerëzore me shpresën për një të ardhme më të mirë”.

Kroacia ka ndërmend të rinisë punimet për ndërtimin e urës që do të lidhë Dubrovnikun me pjesën tjetër të vendit. Kjo edhe për të shmangur kalimin kufitar me Bosnje-Hercegovinën, në një brez të shkurtër toke që ndan dy vendet. Ura do të jetë 1.6 milje e gjatë, do të kushtojë 225 milionë $ dhe siç shprehen arkitektët do të jetë më e madhja dhe ndër më të bukurat në Europë. Ndërtimi pritet të nisë në vitin 2016 dhe siç u shpreh kryeministri Zoran Milanoviç qëllimi është që të lidhë dy pjesët e vendit, pasi "...vendi ynë, Bosnje-Hercegovina, nuk do të jetë anëtareve BE-së tani se afërmi".

Pas Hungarisë edhe Izraeli do të ndërtojë një mur me tela kundër imigrantëve ilegalë. Kjo është paralajmëruar nga kryeministri Benjamin Netanyahu, i cili është përgjigjur me këtë mënyrë thirrjes për të pranuar refugjatë sirianë. "Nuk do të lejoj që Izraeli të përmbytet nga një valë imigrantësh ilegalë dhe aktivistë terroristë", tha ai sot. Netanyahu shtoi se e mirëkupton krizën siriane, tragjedinë njerëzore, por "Izraeli është një vend shumë i vogël". Mesazhi i Netanyahut shkon edhe për liderin opozitar izraelit, Isaac Herzog, që ka bërë thirrje që Izraeli të pranojë refugjatë sirianë.

Bernard-Henri Lévy shkruan së fundmi një opinion në “Project Syndicate” për valën migratore në Europë dhe indiferencën e kontinentit të vjetër. Lévy nënvizon se debati që është hapur në BE anashkalon dhe spekullon me realitetin, pasi “Europa nuk është destinacioni kryesor i imigracionit”. Kjo pasi thuajse 2 milionë sirianë janë vendosur në Turqi dhe ajo pakicë që i drejtohet Europës, “janë aplikantë për liri”. E megjithatë mitet e reja kan nisur të zënë vend në Europë. Një prej të cilëve është edhe ai që e sheh migrimin si projekt i zëvendësimit të popullsisë.