Blloku Bota

Zëvendës presidenti i Shteteve të Bashkuara të Amerikës, Joe Biden, i tha Presidentit Rexhep Tajip Erdogan se vetëm Gjykata Federale Amerikane mund të vendosë  ekstradimin nga SHBA të klerikut Fethullah Gylen, të cilin Ankaraja e akuzon si nxitësin e  grushtit ushtarak të 15 korrikut.

Duke folur me gazetarët në Ankara pas takimit me Erdogan, Biden i cilësoi si terroristë ushtarakët që aspiruan grushtin e shtetit, dhe vuri në dukje se Shtetet e Bashkuara kanë angazhuar numrin më të madh të këshitlltarëve ligjorë pët të shqyrtuar kërkesën për ekstradimin e Gulen.

Dhjetra viktima numërohen nga tre tërmete të forta kanë goditur gjatë natës Italinë qëndrore. I pari dhe më i forti me magnitudë 6 ballë i shkallës Rihter është regjistruar rreth orës 03:36 rreth 2 km nga qyteti i Accumolit dhe 10 km nga Arquata del Tronto dhe Amatrice. Qyteti Amatrice ka pësuar dëmet më të mëdha, ku kryebashkiaku i saj është shprehur se qyteti pothuajse nuk ekziston më. “Rrugët janë të bllokuara. Gjysma e qytetit është zhdukur”, ka thënë kryetari i kësaj komune, Sergio Pirozzi. “Ka njerëz që janë të bllokuar nën gërmadha...

Departamenti i Shtetit mund të publikojë një pjesë të emaile-ve private të ish-sekretares amerikane të Shtetit, Hillary Klinton pak ditë para zgjedhjeve presidenciale. Kjo pasi një Gjykatë urdhëroi qeverinë amerikane të analizojë 14 900 dokumente, shumica e të cilave email-e të postës elektronike të zonjës Klinton. Skandali doli në dritë nga FBI që zbuloi se ish-shefja e politikës së jashtme amerikane përdorte një server privat për komunikimin e saj elektronik me vartës apo agjenci të tjera të qeverisë amerikane.

Liderë të shtatë vendeve anëtare të BE, do të takohen muajin e ardhshëm në Athinë, në përpjekje për krijimin e një aleance përballë problemeve me të cilat po ndeshet Unioni.
Presidenti francez Hollande, kryeministri italian Renzi, ai i Spanjës Rajoy, kryeministrat e Portugalisë dhe Maltës, dhe presidenti i Qipros, i janë përgjigjur pozitivisht ftesës së kryeministrit grek, Aleksis Tsipras, për t’u takuar më 9 shtator në Athinë.

Një deputet hungarez i Parlamentit Europian, profesor dhe ish – punonjës i BBC-së ka provokuar reagime me disa deklarat të tij në Twitter. Gyorgy Schopflin ka replikuar me një aktivist të të drejtave të njeriut, Andreë Stroehlein i cili kritikonte masat e marra nga Hungaria për të ndaluar refugjatët të hynin në vend. Sipas eurodeputetit hungarez, vendosja e imazheve njerëzore përgjatë kufirit nuk ka vlerë, por ndoshta vendosja e imazheve të kokave të derrit mund t’i ndalte ata.

Kthesa diplomatike e Turqisë nis të reflektohet edhe në qëndrimin ndaj aleatit të Moksës në Lindjen e Mesme, Bashar Al Assad. Agjencia shtetërore ruse e lajmeve “Sputnik” raporton se forcat ushtarake turke kanë kryer qitje artilierie në veri të Sirisë kundër militantëve të ISIS afër Jarablusit, por edhe ndaj kurdëve peshmerga në Manbij. Sipas zyrtarëve turq, goditjet synojnë hapjen e një korridori për një operacion ushtarak, ndërkohqë i jep kundërpërgjigje sulmeve të fundit terroriste në vend.

Nuk janë vetëm Putin, Erdogan apo Bashar Al Asad që rikandidojnë. Ish-presidenti francez Nicolas Sarkozy njoftoi se do të garojë zyrtarisht për President i Francës në zgjedhjet e vitit 2017. Këtë e ka lajmëruar në një postim në Facebook ku shkruan: “ "I vendosur për të qenë kandidat në zgjedhjet presidenciale në vitin 2017. Mendoj se kam forcë për të udhëhequr këtë garë në një periudhë të trazuar të historisë sonë."

Hijet e Xhorxh Soros dhe hamendësimet për ndikimin e fondacionit të tij në qeveritë e majta kanë marrë një trajtë edhe më të besueshme pas publikimit të afro 2500 faqeve nga DC Leaks. Në disa prej këtyre dokumenteve theksohet rëndësia e madhe që kishte çështja e Ukrainës për miliarderin amerikan. OJF-të e krijuara prej tij u angazhuan në financimin e një fushate mediatike në mbështeje të grushtit të shtetit në Ukrainë dhe kundër retorikës ruse.

Portali american RealClearPolitics perditëson rregullisht rezultatet e sondazheve kombëtare dhe të shteteve kryesore të SHBA-së, në lidhje me garën për Shtëpinë e Bardhë. Gjithashtu , ky portal raporton edhe mbi mesataren e koeficintëve të kompanive kryesore të basteve. Aktualisht mesataret e koeficientëve janë 1.25 për fitoren e Hillary Clinton-it dhe 3.8 për fitoren e Donald Trump-it. Këto koerficientë përkthehen afërsisht në 80% probabilitet për Clinton-in dhe 20% për Trump-in.

E.Z.