Blloku Bota

Tërmeti në Japoni solli 600 viktima. Ai kishte magnitudë prej 6.5 ballësh me epiqendër në Kumamoto. Tërmeti ka provokuar dëme të mëdha materiale dhe këto pamje nga ajri dëshmojnë forcën e tij që është vërtet e frikshme.

Lartësitë Golan janë çështja më e fundit në përballjen mes Izraelit dhe SHBA-së. Ose më mirë mes qeverisë së Beniamin Netanjahut dhe administratës Obama. Dy ditëmë parë kryeministri izraelit deklaroi se Lartësitë Golan “do të jenë përherë nën sovranitetin e Izraelit”. Por një ditë më pas, zëdhënësi i Departamentit të Shtetit, John Kirby, theksoi të kundërtën: “Administrata Obama nuk i konsideron Lartësitë Golan si pjesë të Izraelit.

Aktori Johnny Depp dhe e shoqja, Amber Heard kanë përjetuar një përvojë të vërtetë australiane, kur vetëm pse kanë shkelur ligjin dhe nuk kanë deklaruar se kishin me vete dy qenë, janë detyruar të regjistrojnë këtë video. Të dy kërkojnë falje, thonë se Australia është një vend i mrekullueshëm, se duhet bërë gjithçka që Australia të mbrohet. Gjithë një shfaqje sureale, ku Depp shfaqet me një fytyrë të vrerosur. Gazeta britanike “The Guardian” spekullon se diçka u ka ndodhur të dyve që kanë dalë e kanë bërë këtë lloj deklarate, pse jo edhe ndonjë seancë presioni psikologjik.

Maqedonia duhet t’u japë azil refugjatëve që për momentin gjenden në territorin e saj, sepse këtë e kërkojnë rregullat ndërkombëtare. Zëdhënësja e komisionerit evropian për migracion dhe punë të brendshme, Dimitris Avramopoulos deklaroi për NOVA se Maqedonia duhet të fillojë t’i shqyrtojë kërkesat për azil të refugjatëve që gjenden në territorin e saj. Ata persona që kanë të drejtë për mbrojtje ndërkombëtare duhet t’u jepet azil në Maqedoni dhe vendi duhet të përpiqet t’u sigurojë kushte për jetë me dinjitet.

Ish-kancelari gjerman Helmut Kohl thotë  se Evropa nuk mund "të kthehet në një shtëpi të re" për emigantët. Ai dënon politikën  e ndjekur nga kancelaria Merkel, ndonëse nuk e përmend atë nominalisht nën librin e botuar së fundmi me tirull “Me shqetësim për Europën”, (Aus Sorge um Europa).

Një tërmet i fuqishëm prej 7.8 ballësh ka tronditur Ekuadorin. Deri më tani njoftohen të paktën 41 të vdekur nga lëkundjet, epiqendra e të cilave ishte 20 km në thellësi dhe që u ndjenë thuajse në të gjithë vendin. Ky vlerësohet se është tërmeti më i fuqishëm që nga viti 1979. Autoritetet kanë bërë thirrje që banorët të largohen nga bregu i detit nga frika e një tsunami.

Mbi 20  persona kanë humbur jetën si pasojë e tërmetit të fuqishëm që goditi të premten qytetin Kumamoto, në jug-perëndim të Japonisë. Dhjetra të tjerë kanë mbetur të bllokuar nën rrënojat e ndërtesave të shembura, ndërsa tronditjet e forta të tokës kanë shkatërruar banesa të shumta, zjarre dhe rrëshqitje dheu. Dy tronditje e së premtes me një manjitusë 7.1 dhe 7.4 të shkallës Rihter, pasuan tërmetin e së enjtes 6.2 i shkallës Rihter në ishullin Kiushu. Rreth 20 mijë trupa të emergjencës civile janë angazhuar për të shpëtuar të plaogsurit..

Gjermania është vendi i juristëve. Shumë gjëra janë të rregulluara me ligj dhe paragrafët ndërtojnë shtyllën kurrizore ku bazohet ndërtesa shtetërore - ndoshta më tepër se në vende të tjera. Kështu është rregulluar edhe rasti i fyerjes së kryetarëve të huaj të shtetit.

Papa Francecsku  përcolli sot një mesazh të fortë me vizitën në kampin e emigrantëve në ishullin Lesbos të Greqisë. Refugjatët nuk janë numra, janë njerëz: ata kanë fytyrat, emrat, histori, dhe si të tillë duhet të trajtohet.”-theksoi Papa Françesku në një mesazh pak para mbërritjes. Në Lesbos Papa Francesku ku prit nga kryeministri grek Aleksis Cipras dhe drejtues të Kishës. Cipras shoqërohej nga Patriarku Ekumenik Bartolomeu I dhe Kryepeshkopi i Athinës dhe i gjithë Greqisë, Jeronymos. Papa tha se ishte krenar për qëndrimin që populli grek ka mbajtur ndaj emigrantëve.