Blloku Bota

Kina propozoi që Koreja e Veriut të pezullojë testet e raketave bërthamore dhe të ndalë "shpërndarjen e një krizë kanosëse". Ministri i Jashtëm Wang Yi ka thënë se në këmbim, SHBA dhe Koreja e Jugut duhet të ndalin stërvitjet e përbashkëta ushtarake, të cila vazhdimisht nervozojnë veriun komunist.  Reagimi vjen  pasi Koreja e Veriut testoi nisjen e një rakete të hënën, duke thyer sanksionet ndërkombëtare.

SHBA është e interesuar për stabilitet dhe prosperitet të shteteve të rajonit. Kështu deklaroi nga Zagrebi zv/ndihmës sekretari shtetëror i SHBA-së për çështje evropiane e euroaziatike, Hojt Brajan Li, në përgjigje të letrës së presidentit maqedonas Gjorge Ivanov për të dënuar platformën e partive shqiptare.

Autoritetet në Hollandë kanë vendosur të braktisin votimin dhe numërimin elektronik në favor të metodave të vjetra të votimit dhe numërimit manual pas raporteve për ndërhyrje të huaja në zgjedhjet e vendeve të tjera. Zgjedhjet e përgjithshme në Holandë do të mbahen në 15 mars dhe do të jenë mbi të gjitha në letër ose sipas një administrimi manual, raportoi Politico.

Oligarki, pushtet, pasuri. Trinomi në fjalë është emblematik për Rusinë e Vladimir Putin, ashtu siç paraqitet ajo në mediat kryesore në botë. Së fundmi, një goditje ndaj këtij sistemi ka ardhur nga opozitari kryesor i regjimit, kreu i Fondacionit Antikorrupsion, Alexey Navalny. Në qendër të investigimit shfaqet figura e kryeministrit Dimitry Medvedev i cili është personi kyç për “mbylljen e punëve”.

Quo vadis Europa? Kjo pyetje e ngritur nga Jean-Claude Juncker do të mbërrijë të mërkurën në tryezën e shefave të shteteve dhe qeverive të BE-së, të cilët do të takohen dy herë këtë muaj: një në Bruksel të enjten dhe një herë tjetër në 25 Mars  në Romë,  në një samit përkujtimor për 60 vjetorin e Traktatit të BE-së, i nënshkruar në 25 Mars 1957 po në kryeqytetit italian.

Tensionohen edhe më shumë marrëdhëniet mes Turqisë dhe Gjermanisë, pas deklaratave të presidentit turk Rexhep Tajip Erdogan që i karakterizoi si "naziste" vendimet e autoriteteve gjermane për të ndaluar tubimet politike të politikanëve turq në qytetet gjermane në mbështetje të referendumit të prillit.

"Nuk ka ndryshim (në sjelljen e gjermanëve) nga periudha naziste," tha Erdogan, duke iu referuar taktikave të zyrtarëve gjermanë, duke i hedhur më shumë "benzinë ​​zjarrit" në marrëdhëniet tashmë të tensionuara mes dy vendeve.

Në debatin e zhvilluar në Parlamentin Europian, eurodeputeti polak Janusz Korwin-Mikke bëri disa komente fyese ndaj socialistes spanjolle  Iratxe Garcia-Perez. 

Partia e Nikolla Gruevskit, VMRO-DPMNE, ka kërkuar që me zgjedhjet lokale që mbahen së afërmi në Maqedoni të mbahen edhe zgjedhjet e parakohshme parlamentare. Sipas kësaj partie prioritarizimi i platformës shqiptare ka ndryshuar raportet shtetërore dhe qytetarët kanë dalë në plan të dytë. 
Paralel me këtë qëndrim politik, duket se Gruevski ka mobilizuar edhe njerëzit e vet duke krijuar klimë tensioni dhe pasigurie. Kjo aq sa edhe kreu i LSDM-së, Zoran Zaev, nuk jep shumë siguri nëse në vend nuk do të ketë përplasje fizike. 

Gjermania, një vend që ka angazhim të posaçëm për stabilitetin e Maqedonisë, ka kritikuar vendimin e presidentit të këtij vendi, George Ivanov, për të refuzuar mandatimin e Zoran Zaev.

“Acarimi i gjendjes në ish-Republikën Jugosllave të Maqedonisë është shumë shqetësues. Tendosjet e brendshme politike po cënojnë që ta largojnë edhe më shumë këtë vend nga rruga e anëtarësimit në Bashkimin Evropian", deklaroi ministri i Jashtëm gjerman Sigmar Gabriel gjatë një vizite në Ukrainë, raporton "Deutsche Welle". 

Qeveria greke ka kërkuar ndihmë financiare nga Banka Botërore, raporton në Politico. Artikulli citon deklaratën e një përfaqësuesi të Bankës, i cili tha se "Athina ka kërkuar asistencë teknike dhe financiare për të adresuar sfida të tilla si papunësia afatgjatë, konkurrenca,  rritja ekonomike dhe mbrojtja
sociale. Sipas procedurës së ndjekur në raste të tilla, çdo vendim